យន្តហោះដឹកអ្នកដំណើរ១គ្រឿងធ្លាក់ទ្វារ ពេលកំពុងហោះហើរ
សហរដ្ឋអាមេរិក ៖ ទីភ្នាក់ងារអាកាសចរណ៍ស៊ីវិលអាមេរិក កាលពីថ្ងៃទី៦ មករា បានចេញបញ្ជាឲ្យធ្វើ
សហរដ្ឋអាមេរិក ៖ ទីភ្នាក់ងារអាកាសចរណ៍ស៊ីវិលអាមេរិក កាលពីថ្ងៃទី៦ មករា បានចេញបញ្ជាឲ្យធ្វើការត្រួតពិនិត្យបន្ទាន់យន្តហោះ១៧១គ្រឿងធុនប៊ូអ៊ីញ737 MAX 9 ដែលហាមផ្អាកការហោះហើរ ក្រោយឧប្បត្តិហេតុមួយកាលពីថ្ងៃទី៥មករា ដែលយន្តហោះធុនប៊ូអ៊ីញ737 MAX 9 មួយគ្រឿងរបស់ក្រុមហ៊ុនអាកាសចរណ៍អាមេរិកALASKA AIRLINES ពេលកំពុងហោះហើរចាកចេញពីព្រលានយន្តហោះអន្តរជាតិPORTLAND រដ្ឋអូរីហ្គោន ទៅកាន់ក្រុងអុនតារីយ៉ូរដ្ឋកាលីហ្វ័រនីញ៉ា ស្រាប់តែទ្វារមួយរបូតធ្លាក់ចេញពីយន្តហោះ។
តាមរូបភាពនានាផ្សាយតាមបណ្ដាញសង្គម គេឃើញទ្វារយន្តហោះមួយរបូតចេញពីយន្តហោះ ធ្លាក់ចុះមកក្រោមពេលកំពុងហោះហើរ។ យន្តហោះនោះដឹកអ្នកដំណើរ១៧១នាក់និងសមាជិកក្រុមយានិក៦នាក់។ ទ្វារយន្តហោះបានរបូតធ្លាក់ ពេលកំពុងហោះហើរក្នុងកម្ពស់៥០០០ម៉ែត្រ។ ក្រោយទ្វាររបូតធ្លាក់ក្នុងយន្តហោះមានខ្យល់កួច បណ្ដាលឲ្យអ្នកដំណើរមានការភ័យខ្លាច។ សំណាងពេលទ្វាររបូតពុំមានមនុស្សណាម្នាក់នៅជាប់មាត់ទ្វារនោះឡើយ។ យន្តហោះនោះបានចុះចតបន្ទាន់ដោយគ្មានបញ្ហា នៅព្រលានដែលហោះចេញ៕
ចែករំលែកព័តមាននេះ