ទីភ្នាក់ងារព័ត៌មានផ្លូវការអេហ្ស៊ីប MENA រាយការណ៍កាលពីថ្ងៃទី២៥ ឧសភា ថា ប្រទេសអេហ្ស៊ីបនឹងបើកព្រំដែនរបស់ខ្លួនជាមួយជ្រោយហ្គាហ្សាត្រង់ចំណុចឆ្លងកាត់រ៉ាហ្វាហ៍ជាអចិន្ត្រៃយ៍ចាប់ពីថ្ងៃទី២៨ ឧសភា ទៅដើម្បីសម្រាលការរិតត្បិតលើប្រជាជនប៉ាឡេស្ទីននៅជ្រោយហ្គាហ្សាដែលរងការហ៊ុមព័ទ្ធរបស់អ/Iស្រាអែល
ទីភ្នាក់ងារព័ត៌មានផ្លូវការអេហ្ស៊ីប MENA រាយការណ៍កាលពីថ្ងៃទី២៥ ឧសភា ថា ប្រទេសអេហ្ស៊ីបនឹងបើកព្រំដែនរបស់ខ្លួនជាមួយជ្រោយហ្គាហ្សាត្រង់ចំណុចឆ្លងកាត់រ៉ាហ្វាហ៍ជាអចិន្ត្រៃយ៍ចាប់ពីថ្ងៃទី២៨ ឧសភា ទៅដើម្បីសម្រាលការរិតត្បិតលើប្រជាជនប៉ាឡេស្ទីននៅជ្រោយហ្គាហ្សាដែលរងការហ៊ុមព័ទ្ធរបស់អ/Iស្រាអែល។ វិធានការនេះហាក់ដូចជាបង្ហាញជាថ្មីពីការពិចារណានៃនយោបាយរបស់អេហ្ស៊ីបចាប់តាំងពីបដិវត្តន៍ទន្លេនីលដែលបានផ្តួលរំលំប្រធានាធិបតីលោកហូស្នី មូបារ៉ាក់ កាលពីថ្ងៃទី១១ កុម្ភៈ។
ក្រោមរបបលោកហូស្នី មូបារ៉ាក់ អាជ្ញាធរអេហ្ស៊ីបបើកម្តងមួយយាមប៉ុណ្ណោះនូវប៉ុស្តិ៍ព្រំដែនរ៉ាហ្វាហ៍ដើម្បីនាំចូលស្បៀង ថ្នាំពេទ្យ ឬបណ្តាមនុស្សដែលត្រូវរបួស ឬបណ្តានិស្សិតដែលចង់ទៅកាន់ប្រទេសអេហ្ស៊ីប និងបណ្តាប្រទេសទី៣ឆ្លងកាត់អេហ្ស៊ីប។ តាមការសំរេចថ្មីនេះព្រំ ដែននឹងបើករាល់ថ្ងៃលើកលែងតែថ្ងៃសុក្រ។ នេះជាការខិតខំប្រឹងប្រែងមួយរបស់អេហ្ស៊ីបដើម្បីបញ្ឈប់ការបែកបាក់គ្នារវាងពួកប៉ាឡេស្ទីន ហើយបង្កើតការបង្រួបបង្រួមមួយ ៕
ចែករំលែកព័តមាននេះ