បុរសជាអ្នកដឹកជញ្ជូនម្ហូបអាហាររបស់ក្រុមហ៊ុន «Grab» ម្នាក់ ត្រូវបានជនសង្ស័យម្នាក់យកកាំបិ.តមកភ្ជ.ង់.កប្ល.ន់យកម៉ូតូម៉ាកហុងដាឌ្រីម បានសម្រេច បន្ទាប់ពីជនរងគ្រោះត្រឡប់មកពីដឹកម្ហូបឲ្យភ្ញៀវ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាអ្នកដឹកជញ្ជូនម្ហូបអាហាររបស់ក្រុមហ៊ុន «Grab» ម្នាក់ ត្រូវបានជនសង្ស័យម្នាក់យកកាំបិ.តមកភ្ជ.ង់.កប្ល.ន់យកម៉ូតូម៉ាកហុងដាឌ្រីម បានសម្រេច បន្ទាប់ពីជនរងគ្រោះត្រឡប់មកពីដឹកម្ហូបឲ្យភ្ញៀវ រួចឈប់ម៉ូតូក្រោមដើមកាស្សា ដើម្បីចុះទៅបត់ជើងតូចក្បែរនោះមួយភ្លែត បង្កអោយមានការភ្ញាក់ផ្អើលកាលពីវេលាម៉ោង៧យប់ ថ្ងៃទី០៤ ខែមករា ឆ្នាំ២០២៤ នៅចំណុចក្បែរនឹងរង្វង់មូលកាំកូស៊ីធី ផ្លូវបុរីអង្គរ ស្ថិតក្នុងសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ពិសី ភេទប្រុស អាយុជាង២០ឆ្នាំ មុខរបអ្នកដឹកជញ្ជូនតាមអនឡាញ ជិះម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២០ឡើងតែមទៅឆ្នាំ២០២២ ពាក់ផ្លាកលេខ ភ្នំពេញ1IN-8015 ស្នាក់នៅផ្ទះជាមួយប្រពន្ធ និងកូនតូច ម្តុំបុរីសន្តិភាព២ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ។
បើតាមការរៀបរាប់របស់ជនរងគ្រោះ បានប្រាប់ឲ្យដឹងថា «នៅមុនកើតហេតុ គាត់បានដឹកម្ហូបដែលភ្ញៀវកុម្មង់យកទៅឱ្យនៅក្នុងបុរីអង្គរ ក្រោយពីយកម្ហូបទៅប្រគល់ឲ្យភ្ញៀវរួច គាត់ក៏ជិះម៉ូតូត្រឡប់មកវិញ ឆ្លងកាត់តាមបណ្តោយផ្លូវបុរីអង្គរ។ ខណៈពេលជិះមកដល់ចំណុចកើតហេតុ ក្បែរនឹងរង្វង់មូលកាំកូស៊ីធី នៅម្តុំដើមកាស្យានោះ គាត់ក៏បានឈប់ម៉ូតូ រួចចុះទៅបត់ជើងតូចក្បែរនោះមួយភ្លែត»។
ជនរងគ្រោះបន្តថា «ដោយសារតែស្ថានភាពរាងងងឹត ហើយស្ងាត់បន្តិចនោះ ក្រោយពីនោមរួច គាត់ក៏បានឡើងមកជិះលើម៉ូតូវិញ រួចកាច់សោរៀបនឹងបញ្ឆេះ ស្រាប់តែលេចមុខបុរសជាជនសង្ស័យម្នាក់ កា.ន់កាំបិ.តចុងស្រួចមួយដើម រួចយកមកភ្ជ.ង់.ករបស់គាត់ (ជនរងគ្រោះ) ហើយច្រានគាត់ចេញពីលើម៉ូតូតែម្ដង ។ ពេលនោះដែរ រូបគាត់ (ជនរងគ្រោះ) ខំរត់ស្រែកឆោឡោឲ្យអ្នកជិតខាងជួយដែរ ប៉ុន្តែទោះបីជាខំប្រឹងស្រែកយ៉ាងណាក៏ដោយ ក៏គ្មានអ្នកណាម្នាក់មកជួយរូបគាត់បានដែរ។ ក្រោយពេលកើតហេតុ ទើបមានពលរដ្ឋធ្វើដំណើរឆ្លងកាត់ និងអ្នកដឹកជញ្ជូនអាហារដូចគ្នា ចុះមកដល់ ហើយក៏បានរាយការណ៍ទៅសមត្ថកិច្ចមូលដ្ឋាន ដើម្បីឲ្យចុះមកទីតាំងកើតហេតុភ្លាមៗផងដែរ។
ក្រោយពីសមត្ថកិច្ចមូលដ្ឋានចុះមកដល់ ក៏បានធ្វើការសាកសួរជុំវិញទីតាំងកើតហេតុ រួចក៏នាំបុរសជាជនរងគ្រោះយកទៅប៉ុស្តិ៍នគរបាលរដ្ឋបាលសង្កាត់ទួលសង្កែទី២ ដើម្បីទទួលពាក្យបណ្ដឹង។ បន្ទាប់មកនឹងធ្វើការស្រាវជ្រាវ ដើម្បីស្វែងរកចាប់ខ្លួនជនសង្ស័យយកមកចាត់ការទៅតាមនីតិវិធីនៃច្បាប់៕
ចែករំលែកព័តមាននេះ