រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មនុស្សប្រុសស្រី២ក្រុម បាននាំគ្នាអង្គុយផឹកស៊ីនៅ២កន្លែងផ្សេងគ្នា ដោយរំលងគ្នាមួយផ្លូវ ស្រាប់តែភាគីម្ខាងងើបទៅបង្កជម្លោះជាមួយភាគីម្ខាងទៀត រហូតឈានដល់ការវា.យតប់គ្នា បង្កឱ្យការភ្ញាក់ផ្អើលកាលពីវេលាម៉ោង១២និង៣៥នាទីរំលងអធ្រាត្រឈានចូលថ្ងៃទី៥ ខែមករា ឆ្នាំ២០២៤ នៅបរិវេណទីក្រុងកោះពេជ្រ ទល់មុខកន្លែងចិញ្ចឹមសត្វ ឬតូបលក់ម្ជូរ ស្ថិតក្នុងសង្កាត់ទន្លេ បាសាក់ ខណ្ឌចំការមន រាជធានីភ្នំពេញ។
យោងតាមប្រភពព័ត៌មានពីភាគីម្ខាង ដែលបានអះអាងថា ខ្លួនគឺជាភាគីរងគ្រោះ បានប្រាប់ឱ្យដឹងថា «មុនពេលកើតហេតុ គាត់កំពុងតែអង្គុយផឹក៣ទៅ៤នាក់ជាមួយក្រុមរបស់គាត់ នៅផ្នែកខាងទ្រុងសត្វ»។
ភាគីដែលអះអាងថា គឺជាជនរងគ្រោះខាងលើ បានបន្តថា «ខណៈពេលពួកគាត់កំពុងផឹកនោះ ស្រាប់តែភាគីបង្កកំពុងអង្គុយផឹកមួយក្រុមទៀតនៅតុផ្សេង រំលងគ្នាប្រមាណជាង៨ម៉ែត្រ បានបោះពាក្យសម្តីមកថា «អ.ញវា.យអាហ្នឹងមួយ»។ ភ្លាមៗនោះ នារីម្នាក់អង្គុយតុជាមួយគ្នា ក៏បានឃាត់ថា «បងកុំៗ» តែភាគីខាងបង្កនៅតែដើរមក ទាំងមិនដែលស្គាល់គ្នា។ បន្ទាប់ពីនិយាយរួច ក៏ចាប់ផ្តើមផ្ទុះជម្លោះ ដោយយកកៅអីចំនួន២ គប់មកកាន់ពួកគាត់ ទើបពួកគាត់ត.ដៃ ដើម្បីការពារខ្លួនវិញ។ ចំណែកក្រុមបង្ករត់ចេញខ្លះ និងខ្លះទៀតនៅតែបន្តនិយាយតឹងសរសៃ.កជាមួយគាត់ រហូតសន្តិសុខកោះពេជ្រ មកជួយឃាត់តែម្ដង»។
ចំណែកភាគីម្ខាងទៀត ដែលត្រូវគេចោទថា គឺជាជនបង្ក ក៏បានប្រាប់ឱ្យដឹងដែរថា «មុនពេលកើតហេតុ ពួកគាត់អង្គុយផឹកស៊ីនៅម្ខាងនៃផ្លូវ ក្បែររនាំងដែកមួយ ដោយដាក់តុជួបជុំគ្នាមានប្រុសមានស្រី។ ពេលនោះឃើញភាគីម្ខាងទៀតកំពុងតែអង្គុយផឹក គាត់ក៏ចង់ដើរទៅសួរនាំ តែមិនមានគំនិតចង់បង្ករឿងអីនោះទេ គ្រាន់តែចង់ដើរទៅសួរតែប៉ុណ្ណោះ។ ប៉ុន្តែបែរជាឈានដល់ការទាស់ពាក្យសម្តី រហូតបង្កហិ.ង្សាដាក់គ្នាតែម្តង ទាំងដែលគាត់មិនបានទៅវា.យគេនោះទេ អាចមើលតាមកាមេរ៉ាសុវត្ថិភាពនៅទីនោះបាន គឺរូបគាត់អង្គុយមិនបានទៅវា.យនោះទេ»។
ក្រោយពេលកើតហេតុ គេឃើញក៏មានវត្តមានរបស់សន្តិសុខកោះពេជ្រ រដ្ឋបាលខណ្ឌចំការមន រួមទាំងកម្លាំងអាវុធហត្ថចំការមន ចុះមកឃាត់ខ្លួនមនុស្សប្រុសស្រីទាំង២ក្រុម បន្ទាប់ពីបែកធ្លាយវីដេអូវា.យគ្នាដែលថតបានដោយប្រជាពលរដ្ឋឆ្លងកាត់តំបន់នោះ។ បន្ទាប់មក ភាគីទាំង២ក្រុម ក៏ត្រូវបានកម្លាំងអាវុធហត្ថនាំខ្លួនទៅកាន់មូលដ្ឋានកងរាជអាវុធហត្ថខណ្ឌចំការមន ដើម្បីធ្វើការដោះស្រាយគ្នាដោយសន្តិវិធី មុនឈានដល់ការអនុវត្តតាមនីតិវិធីនៃច្បាប់៕
ចែករំលែកព័តមាននេះ