រុស្ស៊ី និងអ៊ុយក្រែនដោះដូរឈ្លើយសឹកគ្នាក្នុងចំនួនច្រើន
សង្គ្រាមអ៊ុយក្រែន ៖ ក្នុងសារតេឡេក្រាមមួយប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី
សង្គ្រាមអ៊ុយក្រែន ៖ ក្នុងសារតេឡេក្រាមមួយប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី ប្រកាសពីការដោះលែងឈ្លើយសឹកអ៊ុយក្រែន២៣០នាក់។ ចំណែកក្រសួងការពារប្រទេសរុស្ស៊ីវិញថ្លែងថា ទាហានរុស្សុី២៤៨នាក់បានត្រូវដោះលែង ក្នុងក្របខណ្ឌនៃការដោះដូរគ្នា ដែលសម្រេចបានដោយសារការជួយធ្វើអាជ្ញាកណ្ដាលរបស់អេមីរ៉ាត់អារ៉ាប់រួម។
អេមីរ៉ាត់អារ៉ាប់រួមរក្សាទំនាក់ទំនងសេដ្ឋកិច្ចជិតដិតជាមួយរុស្ស៊ី ក៏ទោះបីមានទណ្ឌកម្មរបស់ពួកលោកខាងលិច និងការគាបសង្កត់នានាមកលើរុស្សុីក្រោយការលុកលុយចូលអ៊ុយក្រែនពីឆ្នាំ២០២២មកក្ដី។ តាមលោកឌីមីត្រូលូប៊ីណេតនាយស្នងការសិទ្ធិមនុស្សអ៊ុយក្រែនថា នេះជាការដោះដូរឈ្លើយសឹកគ្នាលើកទី៤៩ហើយចាប់តាំងពីកើតសង្គ្រាមមក។
ក្នុងចំណោមឈ្លើយសឹកអ៊ុយក្រែនដែលដោះលែង មួយចំនួនជាប់ឃុំឃាំងតាំងពីឆ្នាំ២០២២មក ក្នុងនោះមានបណ្ដាទាហានដែលក្រាញប្រយុទ្ធជាមួយកងទ័ពរុស្សុី នៅលើកោះពស់និងបណ្ដាអ្នកដែលក្រាញ់ប្រយុទ្ធនៅក្រុងម៉ារីអូប៉ូល៕
ចែករំលែកព័តមាននេះ