រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចនគរបាលប៉ុសិ៍្តរដ្ឋបាលព្រែកប្រា ចាប់ខ្លួនកាលពីវេលាម៉ោង១២ និង២០នាទីថ្ងៃត្រង់ថ្ងៃទី២៥ ឧសភា ឆ្នាំ២០១១ នៅភូមិជ្រោយបាសាក់ សង្កាត់ព្រែកប្រា ខណ្ឌមានជ័យ ពីបទលួចម៉ូតូម៉ាក C125 ស៊េរីឆ្នាំ២០១១មួយគ្រឿង ដែលម្ចាស់ទុកនៅមុខផ្ទះ
រាជធានីភ្នំពេញ ៖ ជនសង្ស័យម្នាក់ត្រូវសមត្ថកិច្ចនគរបាលប៉ុសិ៍្តរដ្ឋបាលព្រែកប្រា ចាប់ខ្លួនកាលពីវេលាម៉ោង១២ និង២០នាទីថ្ងៃត្រង់ថ្ងៃទី២៥ ឧសភា ឆ្នាំ២០១១ នៅភូមិជ្រោយបាសាក់ សង្កាត់ព្រែកប្រា ខណ្ឌមានជ័យ ពីបទលួចម៉ូតូម៉ាក C125 ស៊េរីឆ្នាំ២០១១មួយគ្រឿង ដែលម្ចាស់ទុកនៅមុខផ្ទះ ។
ជនសង្ស័យនោះឈ្មោះជា ពៅ អាយុ៣២ឆ្នាំ មានទីលំនៅក្នុងខេត្តស្វាយរៀង ។ ចំណែកឯម្ចាស់ម៉ូតូឈ្មោះលី ពៅ ភេទស្រី អាយុ៤២ឆ្នាំ ស្នាក់នៅក្នុងភូមិអូរអណ្តូង សង្កាត់ព្រែកប្រា ។ ប៉ូលិសប៉ុសិ៍្តព្រែកប្រាឱ្យដឹងថា ពេលឃើញម៉ូតូ C125 នោះត្រូវម្ចាស់ទុកនៅមុខផ្ទះ ឈ្មោះជា ពៅ បានចូលលួចកាច់កបំបាក់ រួចជិះគេចខ្លួន តែត្រូវម្ចាស់ម៉ូតូឃើញទាន់ស្រែកឆោឡោផ្អើលដល់សមត្ថកិច្ច ព័ទ្ធចាប់ខ្លួនបានតែម្តង ។
នៅចំពោះមុខសមត្ថកិច្ចឈ្មោះជា ពៅ សារភាពថា រូបគេទើបតែមកពីខេត្តស្វាយរៀង ស្វែងរកការងារធ្វើនៅភ្នំពេញ តែដោយសាររកមិនបាន ក៏សម្រេចចិត្តលួចម៉ូតូមួយគ្រឿងនោះ បំណងលក់យកលុយធ្វើដើមទុនរកស៊ី ។
សមត្ថកិច្ចបញ្ជាក់ថា ឈ្មោះជា ពៅ ជាមុខសញ្ញាធ្លាប់លួចម៉ូតូជាញឹកញាប់នៅក្នុងរាជធានីភ្នំពេញ ។ លើកក្រោយនេះ ទំរាំព័ទ្ធចាប់ខ្លួនគេបាន គឺគេជិះម៉ូតូទៅផ្តួលចោល ហើយរត់ចូលក្នុងបរិវេណដីឡូត៍មួយ ។ នៅទីនោះគេធ្វើជាដួសទឹកពាងងូត ដើម្បីបំភ័ន្តភ្នែកសមត្ថកិច្ច ។ ជនជាប់ចោទត្រូវសមត្ថកិច្ចឃុំខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការ ៕
ចែករំលែកព័តមាននេះ