ទីបំផុត! ជា.ប់ខ្នោះ៦នាក់ ក្រោយប្រុសស្រី១០នាក់ គាស់ឃ្លាំងអង្ករ លួ.ចបាន១តោនកន្លះ
- ភ្នំពេញ
រាជធានីភ្នំពេញ ៖ ជនសង្ស័យចំនួន១០នាក់មានប្រុស មានស្រី បានរួមគំនិតគ្នាធ្វើសកម្មភាពគាស់
រាជធានីភ្នំពេញ ៖ ជនសង្ស័យចំនួន១០នាក់មានប្រុស មានស្រី បានរួមគំនិតគ្នាធ្វើសកម្មភាពគាស់ឃ្លាំងអង្ករមួយកន្លែងលួចយកបាន១តោនកន្លះ ហើយបាននាំគ្នាគេចខ្លួនបាត់អស់ ប៉ុន្តែក្រោយពីទទួលបានបណ្ដឹងពីម្ចាស់ឃ្លាំង កម្លាំងនគរបាលប៉ុស្តិ៍ចោមចៅទី៣និងនគរបាលខណ្ឌពោធិ៍សែនជ័យ បានធ្វើការស្រាវជ្រាវចាប់ខ្លួនបានជាបន្តបន្ទាប់៦នាក់និងកំពុងរត់គេចខ្លួន៤នាក់ទៀត។
ហេតុការណ៍ខាងលើនេះបានកតឡើង កាលពីវេលាម៉ោង១២ថ្ងៃត្រង់ថ្ងៃទី២ ខែមករា ឆ្នាំ២០២៤ នៅក្នុងភូមិព្រៃព្រីងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ម្ចាស់ឃ្លាំងអង្ករខាងលើឈ្មោះ ស ដារ៉ា ភេទប្រុស អាយុ៤២ឆ្នាំ មុខរបរមន្ត្រីរាជការ ប៉ុន្តែអត់ដឹងថានៅក្រសួងឬមន្ទីរណានោះទេ ។ គាត់មានទីលំនៅក្នុងភូមិកើតហេតុ ។ ចំណែកឯក្រុមជនសង្ស័យដែលត្រូវចាប់ខ្លួនមានចំនួន៦នាក់ ក្នុងនោះមានប្រុស៤នាក់ក់និងស្រី១នាក់ ហើយនគរបាលពុំទាន់ប្រាប់ឲ្យដឹងពីអត្តសញ្ញាណនៅឡើយទេ។
តាមប្រភពព័ត៌មានបានឲ្យដឹងថា នៅវេលាយប់ថ្ងៃទី១ ឈានចូលថ្ងៃទី០២ ខែមករា ឆ្នាំ២០២៤ ក្រុមជនសង្ស័យទាំងនោះបានធ្វើសកម្មភាពគាស់ទ្វារឃ្លាំងអង្ករខាងលើ ហើយលួចយកអង្ករបានតោនកន្លះ(១,៥០០គីឡូក្រាម)រួចគេចខ្លួនបាត់អស់។ លុះដល់វេលសព្រឹកថ្ងៃដដែលម្ចាស់ឃ្លាំងបានទៅប្តឹងនគរបាលប៉ុស្តិ៍ចោមចៅទី៣ឲ្យជួយធ្វការស្រាវជ្រាវ រហូតឈានដល់ការចាប់ខ្លួនជនសង្ស័យទាំង៦នាក់នោះបានជាបន្តបន្ទាប់តែម្ដង ។
ប្រភពដដែលបានប្រាប់ឲ្យដឹងបន្តទៀតថា ជនសង្ស័យ១ក្រុមនេះមានគ្នា១០នាក់ ហើយក្រោយចាប់ខ្លួនបាន៦នាក់ នៅសល់៤នាក់ទៀតកំពុងរត់គេចខ្លួននៅឡើយ ហើយជនសង្ស័យដែលត្រូវចាប់ខ្លួនបានសារភាពថា ពួកខ្លួនពិតជាបានធ្វើសកម្មភាពគាស់ទ្វារឃ្លាំងលួចយកអង្ករមែន ហើយបន្ទាប់ពីលួចបានពួកខ្លួនបានដាក់ក្នុងរទេះសណ្ដោងតាមម៉ូតូ យកទៅលក់តាមផ្ទះទាំងយប់ លុះព្រឹកឡើងស្រាប់តែត្រូវនគរបាលឃាត់ខ្លួនតែម្ដង ៕
ចែករំលែកព័តមាននេះ