- ភ្នំពេញ
ការរីកចំរើននៃទីផ្សារថយន្តអគ្គិសនីនៅកម្ពុជានឹងមានបញ្ហា បើសិនជាស្ថានីយបញ្ចូលថាមពល មិនមានការសាងសង់បន្ថែម ហើយស្ថានីយដែលមានស្រាប់មិនបង្កើន ឬកែលម្អប្រសិទ្ធភាពបន្ថែមទេនោះ
ការរីកចំរើននៃទីផ្សារថយន្តអគ្គិសនីនៅកម្ពុជានឹងមានបញ្ហា បើសិនជាស្ថានីយបញ្ចូលថាមពល មិនមានការសាងសង់បន្ថែម ហើយស្ថានីយដែលមានស្រាប់មិនបង្កើន ឬកែលម្អប្រសិទ្ធភាពបន្ថែមទេនោះ
ការរីកចំរើននៃទីផ្សារថយន្តអគ្គិសនីនៅកម្ពុជានឹងមានបញ្ហា បើសិនជាស្ថានីយបញ្ចូលថាមពល មិនមានការសាងសង់បន្ថែម ហើយស្ថានីយដែលមានស្រាប់មិនបង្កើន ឬកែលម្អប្រសិទ្ធភាពបន្ថែមទេនោះ ។
អ្នកដែលប្រើប្រាស់រថយន្តអគ្គិសនីមួយរូប បានប្រាប់កម្មវិធីលុយនៃសារព័ត៌មានកោះសន្តិភាព ដោយមិនបញ្ចេញអត្តសញ្ញាណថា «ជាទូទៅ និយាយអំពីគុណភាពនៃរថយន្តអគ្គិសនីនាំចូលមកកម្ពុជា ដែលលោកកំពុងតែប្រើប្រាស់នេះ គឺទំនើបទាន់សម័យជិះក៏ស្រួល ស្ងាត់ មិនបំពុ.លបរិស្ថាន ប៉ុន្តែវាកំពុងតែបំពុ.លចិត្ត និងអារម្មណ៍ ខណៈពេលដើររកកន្លែងបញ្ចូលថាមពល»។
អ្នកដែលកំពុងតែប្រើប្រាស់រថយន្តអគ្គិសនី BYD រូបនោះ បានឲ្យដឹងថា «និយាយអំពីរថយន្ត គឺគ្មានអ្វីទើសចិត្តឡើយ ។ វាទំនើបខុសពីរថយន្តប្រើសាំងធម្មតា ប៉ុន្តែរាល់ថ្ងៃពិតជាតឹងចិត្តមែនទែន រឿងដើររកកន្លែងបញ្ចូលថាមពល»។
លោកបានចែករំលែកថា «តម្លៃបញ្ចូលវាថោកទេ ម្តងអស់ត្រឹម១០ដុល្លារអីទេ ប៉ុន្តែសំខាន់អត់សូវមានស្ថានីយបញ្ចូលថាមពល។ ហើយបើមានស្ថានីយបញ្ចូលថាមពលខ្លះ ដែលគេអះអាងថា បញ្ចូលតែ១ម៉ោងអីពេញ ដោយសារថាមពលនៅស្ថានីយនោះមិនគ្រប់ ពេលខ្លះត្រូវអង្គុយចាំចាប់ពី២ម៉ោងទៅជិត៣ម៉ោងក៏មានដែរ» ។
លោកបានបន្តទៀតថា «ការសាកនៅផ្ទះវិញក៏មានបញ្ហាដែរ ប្រសិនបើយើងទិញមកភ្លាម ភ្លើងផ្ទះយើងត្រឹមតែ៣២អំពែ គឺចំណាយពេលសាកចង់មួយថ្ងៃ ប៉ុន្តែប្រសិនបើចង់បានសាក៦ម៉ោងទៅ៨ម៉ោងអី ទាល់តែយើងដំឡើងដល់៦៤អំពែ»។
កាលពីឆ្នាំ២០២២កន្លងទៅ ក្រសួងសាធារណការ និងដឹកជញ្ជូន បានប្រាប់អោយដឹងថា យានយន្តអគ្គិសនី ដែលបានចុះបញ្ជីមានចំនួនសរុប៧៣១គ្រឿង ក្នុងនោះរថយន្តមានចំនួន៣៦៩គ្រឿង, ត្រីចក្រយានយន្ត ឬម៉ូតូកង់បី មានចំនួន៣៣៩គ្រឿង និងទោចក្រយានយន្តមានចំនួន ២៣គ្រឿង។ ដោយឡែកនៅក្នុងឆ្នាំ២០២៣ ស្ថិតិហាក់មិនទាន់ឃើញ ប៉ុន្តែគេអាចដឹងថា អាចមានកំណើនខ្លះ គ្រាន់តែចំនួនយានយន្តប្រើថាមពលអគ្គិសនីនេះ ជាពិសេសគឺរថយន្ត និងម៉ូតូកង់បី ប្រហែលមិនមានចំនួនច្រើនទេ។
ពាក់ព័ន្ធនឹងការប្រើប្រាស់រថយន្តអគ្គិសនី លោក វ៉ាន់ មុន្នីនាថ អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព បានលើកឡើងនៅក្នុងកម្មវិធី ពិព័រណ៍រថយន្តអគ្គិសនីកាលពីពេលថ្មីៗកន្លងទៅនេះថា កម្ពុជាបាននិងកំពុងពង្រឹងបន្ថែមទៅលើកំណើនយានយន្តអគ្គិសនី ដែលជាផ្នែកមួយក្នុងការជួយពង្រឹងការការពារបរិស្ថាន និងថាមពលបៃតង។
ការប្រើប្រាស់រថយន្តអគ្គិសនី គឺជាការចូលរួមថាមពលស្អាត កាត់បន្ថយការបំពុ.លបរិយាកាស និងសម្លេងជាដើម។ ហើយបើតាមក្រសួងសាធារណការ និងដឹកជញ្ជូន រាជរដ្ឋាភិបាលបានដាក់ចេញនូវគោលនយោបាយផែនការយុទ្ធសាស្ត្រ និងវិធានការចំបាច់នានា ដើម្បីឈានទៅសម្រេចបាននូវការប្រើប្រាស់រថយន្តអគ្គិសនី ក្នុងអត្រា ៤០% និងទោចក្រយានយន្តអគ្គិសនី ក្នុងអត្រា ៧០% នៅឆ្នាំ២០៥០។
ទាក់ទងនឹងផែនការណ៍ទាំងអស់នេះ អ្នកដែលប្រើប្រាស់រថយន្តអគ្គិសនីខាងលើ បានសង្កត់ ធ្ងន់ថា «ដោយសារតែលោកស្រលាញ់ និងចង់ចូលរួមការពារបរិស្ថាននេះហើយទើបលោកសម្រេចចិត្តប្រើប្រាស់រថយន្តអគ្គិសនី។ ប៉ុន្តែផលនៃការសម្រេចចិត្តរបស់លោកនៅពេលនេះ គឺការឈឺក្បាល និងការធុញថប់ទាក់ទងបញ្ហាកន្លែងបញ្ចូលថាមពលនេះឯង»។
លោកបានបន្តថា «ប្រសិនបើបញ្ហានៅមិនមានការកែសម្រួលទេនោះ លោកក៏នឹងសម្រេចចិត្តប្តូររថយន្តដែលកំពុងតែប្រើនេះចេញ ហើយបើលក់មិនចេញទេ មានតែខំប្រឹងសន្សំលុយរកមើលកូនឡានប្រើប្រេងឥន្ធនៈវិញ»។
មកដល់ពេលនេះ ប្រទេសកម្ពុជាមានស្ថានីយបញ្ចូលថាមពលអគ្គិសនីសម្រាប់រថយន្តប្រមាណជា១០កន្លែងតែប៉ុណ្ណោះ ដោយនៅក្នុងនោះមាននៅភ្នំពេញ ក្រុងសៀមរាប និងក្រុងព្រះសីហនុជាដើម។ ខណៈដែលព័ត៌មានថា នឹងមានការវិនិយោគកសាងស្ថានីយបញ្ចូលថ្មី២០០កន្លែងទៀតនៅមិនទាន់ឃើញនៅឡើយ ។
អត្ថបទដោយ ៖ ហេង ចេស្តារ
ចែករំលែកព័តមាននេះ