ប្រកាសទ្រព្យសម្បត្តិរបស់នាយករដ្ឋមន្ត្រីថៃ
ប្រទេសថៃ ៖ គណៈកម្មាធិការជាតិប្រឆាំងអំពើពុករលួយថៃ កាលពីថ្ងៃទី២៨ ធ្នូ លាតត្រដាងពីទ្រព្យ
ប្រទេសថៃ ៖ គណៈកម្មាធិការជាតិប្រឆាំងអំពើពុករលួយថៃ កាលពីថ្ងៃទី២៨ ធ្នូ លាតត្រដាងពីទ្រព្យ
ប្រទេសថៃ ៖ គណៈកម្មាធិការជាតិប្រឆាំងអំពើពុករលួយថៃ កាលពីថ្ងៃទី២៨ ធ្នូ លាតត្រដាងពីទ្រព្យសម្បត្តិអ្នកទទួលខុសត្រូវនយោបាយថៃ១៣រូប។
នាយករដ្ឋមន្ត្រីថៃ លោកសេដ្ឋាថាវីសីុននិងភរិយាប្រកាសទ្រព្យសម្បត្តិថាមានចំនួន១,០២ពាន់លានបាត(២៦,៨៥លានអឹរ៉ូ)។ ទ្រព្យសម្បត្តិរបស់លោកសេដ្ឋាផ្ទាល់មានដល់ជាង៦៥៩លាតបាត។ ទឹកប្រាក់នេះមានប្រាក់សុទ្ធ១លានបាត និងប្រាក់ក្នុងគណនីធនាគារចំនួន៤៧មានទឹកប្រាក់សរុប៦៨,៩លានបាត។ ម្យ៉ាងវិញទៀតលោកមានប្រាក់វិនិយោគ ក្នុងអចលនៈទ្រព្យនៅតំបន់KHLONG TAEI-PHRA KHANON ក្នុងតម្លៃ១៥៨,៤លានបាត។
លោកក៏មានផ្ទះនានានិងបណ្ដារចនាសម្ព័ន្ធមានតម្លៃ១៥៦លានបាត។ មានផ្ទះកម្ពស់៣ជាន់មួយនៅKHLONG TAEI ក្រុងបាងកកមានតម្លៃជាង១៨លានបាតនិងអចលនទ្រព្យមួយទៀតមានតម្លៃ៥០លានបាត។ លោកក៏មានទ្រព្យសម្បត្តិឯទៀតៗ ក្នុងទឹកប្រាក់ជាង១៣៥លានបាត ក្នុងនោះមាននាឡិកាថ្លៃៗចំនួន៣៨ក្នុងតម្លៃជាង១២១,៩លានបាត។ លោកមានប្រាក់ទុកចាយវាយធម្មតា៩,៧៣ លានបាត។
ចំណែកភរិយាលោកវិញលោកស្រីបាក់ពិឡៃថាវីសីុន មានទ្រព្យសម្បត្តិជាង៣៦១ លានបាត ក្នុងនោះមានប្រាក់វិនិយោគ រថ យន្តទំនើបៗនិងភាគហ៊ុន ក្នុងទឹកប្រាក់សរុប ២៥៦លានបាត។ គ្រាន់តែកាបូបលោកស្រី៤៨ មានតម្លៃសរុបដល់ទៅ៣៧លានបាត។ លោកស្រីមានមាសពេជ្រកែវកងក្នុងតម្លៃជាង១៣១លានបាត។
ក្នុងចំណោមរដ្ឋមន្ត្រីរបស់លោកសេដ្ឋា មានតែរដ្ឋមន្ត្រីឧត្ដមសិក្សា វិទ្យាសាស្ត្រ ស្រាវជ្រាវនិងកែប្រែថ្មីទេ ដែលមានទ្រព្យសម្បត្តិលើសលោក។ រដ្ឋមន្ត្រីរូបនោះលោកស៊ូប៉ាម៉ាស់អីុស្រារ៉ាបាក់ឌីរួមទាំងភរិយា មានទ្រព្យសម្បត្តិប្រមាណជា១,៥៣១ពាន់លានបាត៕
ចែករំលែកព័តមាននេះ