ខេត្តកំពង់ស្ពឺ ៖ អំពើប្លន់យកម៉ូតូមួយ គ្រឿងធុន C125 ពណ៌ខ្មៅ ស៊េរី២០១០ បានកើតឡើងកាលពីវេលាម៉ោង៤ និង៣០នាទីរសៀលថ្ងៃទី២៤ ឧសភា នៅចំណុចផ្លូវបំបែកភូមិត្រពាំងរុន ឃុំដំណាក់រាំង ស្រុកឧដុង្គ ដោយក្រុមជនល្មើសយកម៉ូតូទៅបាត់ដោយពុំមានកម្លាំងអន្តរាគមន៍ណាមួយជួយបានឡើយ
ខេត្តកំពង់ស្ពឺ ៖ អំពើប្លន់យកម៉ូតូមួយ គ្រឿងធុន C125 ពណ៌ខ្មៅ ស៊េរី២០១០ បានកើតឡើងកាលពីវេលាម៉ោង៤ និង៣០នាទីរសៀលថ្ងៃទី២៤ ឧសភា នៅចំណុចផ្លូវបំបែកភូមិត្រពាំងរុន ឃុំដំណាក់រាំង ស្រុកឧដុង្គ ដោយក្រុមជនល្មើសយកម៉ូតូទៅបាត់ដោយពុំមានកម្លាំងអន្តរាគមន៍ណាមួយជួយបានឡើយ ។
អធិការរងនគរបាលស្រុកឧដុង្គទទួលបន្ទុកការងារព្រហ្មទណ្ឌ លោកអនុសេនីយ៍ឯកពីង ពៅ បានឱ្យដឹងថា តាមការផ្តល់ព័ត៌មានពីជនរងគ្រោះ គឺជនសង្ស័យមានគ្នា៣នាក់ ស្ថិតក្នុងសម្លៀកបំពាក់ស៊ីវិល ប្រដាប់ដោយអាវុធខ្លីមួយដើមពុំស្គាល់ម៉ាក ជិះម៉ូតូហុងដា C125 ពណ៌ខ្មៅ ស៊េរីឆ្នាំ ២០០៨ ចំណែកជនរងគ្រោះជិះម៉ូតូហុងដាC125 ពណ៌ខ្មៅ ស៊េរី២០១០ មានគ្នាពីរនាក់ ។
ពេលមកដល់ចំណុចខាងលើ ជនសង្ស័យបានបញ្ឈប់ម៉ូតូរាំងពីមុខជនរងគ្រោះហើយដកកាំភ្លើងខ្លីភ្ជង់ឱ្យចុះពីលើម៉ូតូ រួចក៏យកម៉ូតូជនរងគ្រោះជិះព្រមទាំងគំរាមកុំឱ្យស្រែក និងកុំឱ្យប្តឹងសមត្ថកិច្ច បើពុំនោះទេ និងបាញ់សម្លាប់ភ្លាម ។ ម៉ូតូមួយគ្រឿងដែលចោរប្លន់នេះ ជារបស់ឈ្មោះសោម សុខឃៀង ភេទប្រុស អាយុ២៤ឆ្នាំ មានទីលំនៅភូមិត្រពាំងកក់ ឃុំម្កាក់ ស្រុកអង្គស្នួល ខេត្តកណ្តាល និងអ្នកជិះពីក្រោយឈ្មោះយ៉ែម រី អាយុ២៤ឆ្នាំ ដែរ ។ ពេលចោរ យកទៅបាត់ ទើបពួកគេនាំគ្នាមកប្តឹងសមត្ថកិច្ច៕
ចែករំលែកព័តមាននេះ