ADផ្ទាំងផ្សព្វផ្សាយពាណិជ្ជកម្ម

Picture

​ចេញពី​ធ្វើការ​​ជិះ​​ម៉ូតូ​​ឌុប​​ប៉ះចំ​​ម៉ូតូ​​ចោរ​ប្លន់​​កា.ប់​​៣​ពូថៅ

14 ឆ្នាំ មុន

ក្រុង​ប៉ោយប៉ែត ៖ ​ស្ត្រី​បំរើ​ការ​ងារ​នៅក្រុម​ហ៊ុន AZ ម្នាក់​ត្រូវ​ចោរ​ប្លន់​​កា.ប់៣ពូថៅ​របួស​ធ្ងន់​ធ្ងរ ។ យោង​តាម​ការបំភ្លឺ​ពី​អ្នកស្រី​កេត ផលឡៃ អាយុ​៤០ឆ្នាំ រស់នៅ​មណ្ឌល​១០ ភូមិ​ប្រជាធម្ម សង្កាត់​ប៉ោយ​ប៉ែត បាន​ឱ្យ​ដឹង​ថា ​ក្មួយ​ស្រី​របស់​គាត់​​ដែលរងគ្រោះ​នេះឈ្មោះ​ហូ ស្រី​ដែន អាយុ​១៩ឆ្នាំ បំរើ​ការងារ​នៅក្នុងក្រុម​ហ៊ុន​ AZ ​​ប្លុក​កាស៊ីណូ​ប៉ោយ​ប៉ែត

ក្រុង​ប៉ោយប៉ែត ៖ ​ស្ត្រី​បំរើ​ការ​ងារ​នៅក្រុម​ហ៊ុន AZ ម្នាក់​ត្រូវ​ចោរ​ប្លន់​​កាប់៣ពូថៅ​របួស​ធ្ងន់​ធ្ងរ ។ យោង​តាម​ការបំភ្លឺ​ពី​អ្នកស្រី​កេត ផលឡៃ អាយុ​៤០ឆ្នាំ រស់នៅ​មណ្ឌល​១០ ភូមិ​ប្រជាធម្ម សង្កាត់​ប៉ោយ​ប៉ែត បាន​ឱ្យ​ដឹង​ថា ​ក្មួយ​ស្រី​របស់​គាត់​​ដែលរងគ្រោះ​នេះឈ្មោះ​ហូ ស្រី​ដែន អាយុ​១៩ឆ្នាំ បំរើ​ការងារ​នៅក្នុងក្រុម​ហ៊ុន​ AZ ​​ប្លុក​កាស៊ីណូ​ប៉ោយ​ប៉ែត ដែលមាន​តួនាទី​ជា​អ្នក​គិត​លុយ​ ហើយ​នាង​​​ទើប​តែរៀប​ការ​បាន​១២​ថ្ងៃ​ប៉ុណ្ណោះ ​ក៏​ជួប​​គ្រោះ​ថ្នាក់បែប​នេះ​។

ស្ត្រី​ចំណាស់​​ជាម្តាយ​មីង​បន្ត​ថា កាលពី​វេលា​ម៉ោង​៤ និង៣០នាទី​ទៀបភ្លឺថ្ងៃទី២៤ ឧសភា ​ក្មួយ​ស្រី​គាត់​​បានចេញ​ពីធ្វើការ​ ហើយ​បាន​ជិះ​ម៉ូតូឌុប​ចេញពីចំណុច​កាស៊ីណូ​ហ្គ្រាន​ត្រឡប់ មក​ផ្ទះ​ក្នុង​ភូមិ​ប្រជាធម្ម ។ លុះ​ជិះ​មក​ដល់​ពាក់​កណ្តាល​ផ្លូវចំណុច​កែង​ផ្សារ​មិត្តភាព ស្ថិត​ក្នុង​ភូមិ​បាលិលេយ្យ​កន្លែង​ស្ងាត់​ ​ស្រាប់​តែ​​​អ្នក​រត់​ម៉ូតូ​ឌុបបានធ្វើ​សកម្ម​ភាពប្លន់​ក្មួយស្រី​របស់គាត់​តែម្តង ដោយ​ប្រើពូថៅ​កាប់ចំ​សៀត​ផ្កា​ខាងស្តាំ​ចំនួន៣ពូថៅហើយបាន​យកលុយ​ចំនួន​៦០០​បាត ទូរស័ព្ទ​ដៃ​១គ្រឿង​ និងកាបូប​ស្ពាយ​សម្រាប់​ដាក់គ្រឿង​​តុប​តែង​មុខ ។

ប្រភព​បន្តថា បន្ទាប់មក​ដោយសារ​តែបាន​ឃើញ​ភ្លើង​ម៉ូតូ​ផ្សេង​បើកតម្រង់​មក​នោះ​ជន​ល្មើស​បាន​ជិះ​ម៉ូតូ​គេចខ្លួន​បាត់​ដោយ​ទុកក្មួយស្រី​របស់គាត់​ដែលរងគ្រោះ​ចោល​ក៏ត្រូវ​បានគេ​ជួយ​យកក្មួយ​ស្រី​របស់​គាត់ មក​ដល់​ផ្ទះ​ ហើយក៏​បញ្ជូន​ជា​បន្ទាន់​​​ទៅ​សម្រាក​ព្យា​បាល​នៅមន្ទីរ​ពេទ្យ​បង្អែក​​ក្រុងប៉ោយ​ប៉ែត ។ ​ដោយសារ​មាន​ការយកចិត្ត​ទុកដាក់​ពី​ក្រុមគ្រូពេទ្យ​នៅក្នុង​មន្ទីរ​ពេទ្យបង្អែក​ក្មួយស្រី​របស់​គាត់​បានរួច​ផុតពី​គ្រោះ​ថ្នាក់​ដល់អាយុ​ជីវិត។

តាមព័ត៌​មាន​ពី​មន្ត្រីប៉ូលិស​ប៉ុសិ៍្ត​រដ្ឋ​បាល​ប៉ោយ​ប៉ែត​បានឱ្យ​ដឹងថា ស្ត្រីរងគ្រោះ​ត្រូវ​បាន​ក្រុម​គ្រូពេទ្យ​ដេរ​ចំនួន​៥ថ្នេរ​ ហើយ​មុខ​របួស​កំពុង​ហើម​ ។ ពេលនេះ​ស្ត្រីរងគ្រោះ​នៅ​មាន​ការ​វង្វេងស្មារតី​ ទើប​មិនអាចរកប្រភព​ណាមួយ​ដើម្បី​កំណត់​សំគាល់​​ពីមុខសញ្ញា​ជន​ល្មើស​បាន​ដូច្នេះ​ត្រូវ​រង់ចាំ​ជនរងគ្រោះ​បានធូរ​ស្រាល​បន្តិច​ ទើបសមត្ថ​កិច្ច​​ស្រាវជ្រាវ និង​​កំណត់​មុខសញ្ញា​ជន​សង្ស័យ ៕