ក្រុមហាម៉ាស់ទៅពិភាក្សាពីបទឈប់បា.ញ់គ្នានៅអេហ្ស៊ីប
សង្គ្រាមអ៊ីស្រាអែល និងហាម៉ាស់ ៖ កងទ័ពអ៊ីស្រាអែលកាលពីថ្ងៃទី២៩ ធ្នូ បានទម្លាក់គ្រាប់បែកលើ
សង្គ្រាមអ៊ីស្រាអែល និងហាម៉ាស់ ៖ កងទ័ពអ៊ីស្រាអែលកាលពីថ្ងៃទី២៩ ធ្នូ បានទម្លាក់គ្រាប់បែកលើភាគខាងត្បូងជ្រោយហ្គាហ្សា ខណៈគណៈប្រតិភូមួយរបស់ក្រុមហាម៉ាស់ បានទៅកាន់អេហ្ស៊ីបដើម្បីពិភាក្សាពីគម្រោងបទឈប់បាញ់គ្នាមួយ ដែលក៏គ្រោងផងដែរដោះលែងបណ្ដាចំណាប់ខ្មាំង ដែលស្ថិតក្នុងដៃរបស់ចលនាអ៊ិស្លាមនេះនៅឡើយ។
កាលពីយប់ថ្ងៃទី២៨មក២៩ធ្នូ កងទ័ពអីុស្រាអែលបានបង្កើនការវាយប្រហារនៅជ្រោយហ្គាហ្សា ពិសេសលើទីក្រុងរ៉ាហ្វាហ៍ដែលនៅទីនោះពួកប៉ាឡេស្ទីនបានលើកគ្នា មកកាន់គំនរបាក់បែកតាមរកបណ្ដាអ្នកដែលអាចនៅរស់រានមានជិវិត។ តាមសាក្សីទាំងឡាយថា ការទម្លាក់គ្រាប់បែកនោះបណ្ដាលឲ្យមនុស្សច្រើននាក់ស្លាប់និងរបួស។
គណៈប្រតិភូរបស់ក្រុមហាម៉ាស់បានមកដល់អេហ្សុីបនាថ្ងៃទី២៩ធ្នូ ដើម្បីពិភាក្សាផែនការមាន៣ដំណាក់កាលមួយរបស់អេហ្សុីប ដែលគ្រោងឲ្យមានបទឈប់បាញ់គ្នាដែលអាចបន្តជាថ្មី ការដោះលែងចំណាប់ខ្មាំងនិងពួកអ្នកទោសប៉ាឡេស្ទីននិងចុងក្រោយឲ្យមានបទឈប់បាញ់គ្នាដែលបញ្ចប់ការប្រទូស្តរ៉ាយគ្នា។
អីុស្រាអែលទីបំផុតបានផ្ដល់ការព្រមព្រៀងបើកច្រកមនុស្សធម៌រវាងកោះសីុបនិងហ្គាហ្សា។ នោះនឹងជាច្រកចូលថ្មីនៃជំនួយមនុស្សធម៌ទៅកាន់ហ្គាហ្សា។ អីុស្រាអែលបានយល់ព្រមជាគោលការណ៍ឲ្យកោះសីុបបើកច្រកសមុទ្រមួយ សម្រាប់បញ្ជូនជំនួយមនុស្សធម៌មកកាន់ហ្គាហ្សាតែនៅមានបញ្ហាមួយចំនួនដែលត្រូវដោះស្រាយ។
សង្គ្រាមរវាងអីុស្រាអែលនិងក្រុមហាម៉ាស់ពីថ្ងៃទី៧តុលាមក បើតាមក្រសួងសុខាភិបាលក្រុមហាម៉ាស់ថា បណ្ដាលឲ្យជនប៉ាឡេស្ទីនស្លាប់កើនដល់ជាង២១.៣២០នាក់ហើយភាគច្រើនជាជនសីុវិល។ ក្រៅពីអ្នកស្លាប់មនុស្ស៥៥.៦០៣នាក់ទៀតរងរបួស។ រយៈពេល២៤ម៉ោងចុងក្រោយនេះជនប៉ាឡេស្ទីនដល់២១០នាក់ ក្នុងនោះមានមនុស្សទាំងមូលក្នុងគ្រួសារបានត្រូវស្លាប់ ដោយសារការវាយប្រហាររបស់អីុស្រាអែល៕
ចែករំលែកព័តមាននេះ