តើការបរិភោគជ្រក់បន្លែបង្កជំងឺមហារីក ដូចការលើកឡើងតៗគ្នាដែរឬទេ?
វៀតណាម ៖ មនុស្សជាច្រើនជឿថា ការទទួលទានជ្រក់បន្លែអាចបង្កើតជាតិពុល ដែលបង្កទៅជាជំងឺ
វៀតណាម ៖ មនុស្សជាច្រើនជឿថា ការទទួលទានជ្រក់បន្លែអាចបង្កើតជាតិពុល ដែលបង្កទៅជាជំងឺ
វៀតណាម ៖ មនុស្សជាច្រើនជឿថា ការទទួលទានជ្រក់បន្លែអាចបង្កើតជាតិពុល ដែលបង្កទៅជាជំងឺមហារីក។ តើរោះងនេះជាការពិតដែរឬទេ?
ជុំវិញការអះអាងនេះ លោកវេជ្ជបណ្ឌិត Nguyen Duy Thinh មកពីវិទ្យាស្ថានបច្ចេកវិទ្យាចំណីអាហារ និងបច្ចេកវិទ្យាជីវវិទ្យា នៃសាកលវិទ្យាល័យវិទ្យាសាស្ត្រ និងបច្ចេកវិទ្យាទីក្រុងហាណូយ ប្រទេសវៀតណាម បានបកស្រាយថា ជ្រក់បន្លែត្រូវបានគេដាក់ឈ្មោះថា អាហារបង្កជំងឺមហារីក និងប៉ះពាល់ដល់សុខភាពយ៉ាងខ្លាំង ដោយមនុស្សជាច្រើនជឿថា ជ្រក់បន្លែមានផ្ទុកសារធាតុពុលសូឡានីន (Solanine) ដែលជាសារធាតុបង្កជំងឺមហារីក ដូច្នេះហើយទើបមានការណែនាំតៗគ្នាមិនឱ្យបរិភោគជ្រក់បន្លែដែលទើបត្រាំថ្មីៗ។
តាមពិតទៅ ផលវិបាកចំពោះសុខភាពបែបនេះ កើតឡើងក្នុងករណីនៃការត្រាំជ្រក់បន្លែមិនត្រឹមត្រូវតែប៉ុណ្ណោះ ព្រោះសារធាតុសូឡានីន អាចរលាយបាត់ក្នុងទឹកប្រៃ ដូច្នេះសារធាតុនេះបានរលាយបាត់នៅពេលបន្លែត្រូវបានត្រាំក្នុងទឹកអំបិល។
យ៉ាងណាមិញ រឿងដ៏សំខាន់មួយទៀត ដែលត្រូវកត់សម្គាល់នោះគឺថា ជ្រក់បន្លែជាធម្មតាមានជាតិប្រៃខ្លាំង ដូច្នេះមិនស័ក្តិសមសម្រាប់អ្នកមានជំងឺលើសឈាម ឬជំងឺតម្រងនោមបរិភោគនោះទេ។ លើសពីនេះទៀត នៅក្នុងរបបអាហារប្រចាំថ្ងៃ មនុស្សដែលមានសុខភាពល្អ គួរតែបរិភោគអំបិលមិនលើសពី៥ក្រាមក្នុង១ថ្ងៃ ដូច្នេះហើយការបរិភោគជ្រក់បន្លែដែលត្រូវបានណែនាំគឺចន្លោះពី ៥០-១០០ក្រាមក្នុង១ថ្ងៃ។ ពិសេសជាងនេះទៀត ក្រឡធ្វើពីប៉សឺឡែន ឬសេរ៉ាមិច គួរតែត្រូវបានប្រើប្រាស់អំឡុងពេលត្រាំជ្រក់បន្លែ ជំនួសឱ្យការប្រើប្រាស់ធុងប្លាស្ទិក។
សរុបមកវិញ លោកវេជ្ជបណ្ឌិត Nguyen Duy Thinh បានអះអាងថា ប្រសិនបើការធ្វើជ្រក់បន្លែបានត្រឹមត្រូវ និងការទទួលទានបានត្រឹមត្រូវ ច្បាស់ណាស់គឺមិនប៉ះពាល់ដល់សុខភាពឡើយ៕ (ប្រភព ៖ VnExpress)
ចែករំលែកព័តមាននេះ