រាជធានីភ្នំពេញ ៖ យោងតាមមន្ត្រីជាន់ខ្ពស់នៃគណបក្សសង្គមយុត្តិធម៌ដែលដឹកនាំដោយលោកបាន សុផល ប្រធានគណបក្សឱ្យដឹងកាលពីថ្ងៃទី២៥ ឧសភា ២០១១ ថា លោកបាន សុផល ប្រធានគណបក្សគ្រោងដឹកនាំគណបក្សសង្គមយុត្តិធម៌ទៅចូលរួមជាមួយគណបក្សនរោត្តម រណឫទ្ធិ ដឹកនាំ ដោយសម្តេចក្រុមព្រះនាខែមិថុនា
រាជធានីភ្នំពេញ ៖ យោងតាមមន្ត្រីជាន់ខ្ពស់នៃគណបក្សសង្គមយុត្តិធម៌ដែលដឹកនាំដោយលោកបាន សុផល ប្រធានគណបក្សឱ្យដឹងកាលពីថ្ងៃទី២៥ ឧសភា ២០១១ ថា លោកបាន សុផល ប្រធានគណបក្សគ្រោងដឹកនាំគណបក្សសង្គមយុត្តិធម៌ទៅចូលរួមជាមួយគណបក្សនរោត្តម រណឫទ្ធិ ដឹកនាំ ដោយសម្តេចក្រុមព្រះនាខែមិថុនា ២០១១ ខាងមុខនេះ។
មន្ត្រីគណបក្សសង្គមយុត្តិធម៌បានប្រាប់កោះសន្តិភាពតាមទូរស័ព្ទទៀតថា ដោយមានការសិក្សារវាងគណបក្សទាំង២ឃើញថា មានលក្ខន្តិកៈរបស់គណបក្សមានភាពដូចគ្នាច្រើន និងគោលនយោបាយមិនប្រឆាំងនឹងរដ្ឋាភិបាលដូចគ្នា ប្រធានគណបក្សទាំង២គឺលោកបាន សុផល ប្រធានគណបក្សសង្គមយុត្តិធម៌ និងសម្តេចក្រុមព្រះនរោត្តម រណឫទ្ធិ ប្រធានគណបក្សនរោត្តម រណឫទ្ធិ បានយល់ព្រមក្នុងការរួបរួមគ្នា ហើយគ្រោងធ្វើពិធីបញ្ចូលគ្នានៅក្នុងខែមិថុនាខាងមុខនេះ ។
ក្នុងការរួមបញ្ចូលគ្នានេះគឺគណបក្សសង្គមយុត្តិធម៌នឹងរំលាយខ្លួនទាំងស្រុងទៅចូលរួមជាមួយគណបក្សនរោត្តម រណឫទ្ធិ របស់សម្តេចក្រុមព្រះ ។ គណបក្សសង្គមយុត្តិធម៌ធ្លាប់បានចូលរួមប្រកួតប្រជែងក្នុងការបោះឆ្នោតជាច្រើនអាណត្តិរួចមកហើយ តែមិនដែលបានទទួលសំឡេងគាំទ្រនោះទេ ។ នៅក្នុងឆ្នាំ២០០៨ គណបក្សនេះធ្លាប់បានធ្វើសម្ព័ន្ធភាពនយោបាយជាមួយគណបក្សខ្មែរឈប់ក្ររបស់លោកក្រវ៉ាញ ដារ៉ន ៕
ចែករំលែកព័តមាននេះ