កិច្ចប្រជុំពិសេសពីបទឈប់បា.ញ់កម្ពុជា-ថៃ នៅម៉ាឡេស៊ី
- ភ្នំពេញ
រាជធានីភ្នំពេញ ៖ ប្រទេសម៉ាឡេស៊ី បានធ្វើជាម្ចាស់ផ្ទះនៃការរៀបចំកិច្ចប្រជុំពីបទឈប់បាញ់រវាងកម្ពុជា និងថៃ នៅរសៀលថ្ងៃទី២៨ ខែកក្កដា ឆ្នាំ២០២៥ ។ នាយករដ្ឋមន្ត្រីម៉ាឡេស៊ី…
រាជធានីភ្នំពេញ ៖ ប្រទេសម៉ាឡេស៊ី បានធ្វើជាម្ចាស់ផ្ទះនៃការរៀបចំកិច្ចប្រជុំពីបទឈប់បាញ់រវាងកម្ពុជា និងថៃ នៅរសៀលថ្ងៃទី២៨ ខែកក្កដា ឆ្នាំ២០២៥ ។ នាយករដ្ឋមន្ត្រីម៉ាឡេស៊ី បានធ្វើជាអ្នកសម្របសម្រួលនៅក្នុងកិច្ចបត់ឈប់បាញ់ រវាងកម្ពុជា និងថៃ ។
កិច្ចប្រជុំនេះដែរ មានការចូលរួមពីតំណាងរបស់ប្រទេសចិន និងសហរដ្ឋអាមេរិកផងដែរ ។ យើងតាមបណ្ដាញសង្គមរបស់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានគូសបញ្ជាក់នៅរសៀលថ្ងៃទី២៨ កក្កដា យ៉ាងដូច្នេះថា៖«ចូលរួមកិច្ចប្រជុំពិសេសនៅទីក្រុងកូឡាឡាំពួរ ដែលមានម៉ាឡេស៊ី ធ្វើជាម្ចាស់ផ្ទះសហរដ្ឋអាមេរិកជាសហអ្នករៀបចំ និងមានការចូលរួមពីតំណាងចិន» ។
សម្តេចបវរធិបតី បានបញ្ជាក់ថា៖« គោលបំណងនៃកិច្ចប្រជុំនេះ គឺដើម្បីសម្រេចឱ្យមានបទឈប់បាញ់គ្នាបន្ទាន់ ដែលនាយករដ្ឋមន្ត្រីនៃប្រទេសទាំងពីរកម្ពុជា និងថៃ បានឯកភាពគ្នាតាមគំនិតផ្ដួចផ្ដើមរបស់ឯកឧត្តមប្រធានាធិបតី សហរដ្ឋអាមេរិក Donald Trump។
តាមការកត់សម្គាល់ ទោះបីជាភាគីថ្នាក់ដឹកនាំកម្ពុជា និងថៃបានកំពុងតែចរចានៅឯទឹកដីប្រទេសម៉ាឡេស៊ីយ៉ាងណាក្តី គេឃើញថា ទាហានថៃ នៅតែបន្តបាញ់ប្រហារមកលើដែនអធិបតេយ្យរបស់កម្ពុជាដដែល ។ គិតត្រឹមម៉ោង ២៖៥០នាទីរសៀល ថ្ងៃទី២៨ ខែកក្កដែលជាថ្ងៃទី៥ ដែលសៀមឈ្លានពានកម្ពុជានេះ គ្រប់សមរភូមិទាំងអស់ទាំង ក្នុងភូមិសាស្ដ្រខេត្តឧត្តរមានជ័យ និងខេត្តព្រះវិហារ ទាហានសៀមបានបន្ដបាញ់ផ្លោង និងវៃកម្លាំងថ្មើរជើងរំលោ.ភចូលដែនអធិបតេយ្យកម្ពុជា មិនបន្ធូរដៃឡើយ និងកាន់ទទឹងទិសគឃ្លើនមិនខ្លាចច្បាប់ ។
បើតាមសេចក្ដីរាយការណ៍ សម្រាប់នៅសមរភូមិថ្មដូន កម្លាំងទ័ពកម្ពុជាបានបាញ់ ត្រូវចំគោលដៅទាហានសៀមល្អខ្លាំងណាស់ ។ បើតាមអ្នកវិភាគលើកឡើងថា ទាហានឈ្លានពានថៃទំនងចង់ប្រើយុទ្ធសាស្ត្របុកវ៉ៃយកទីតាំងឈរជើងពេលការចរចាបទឈប់នៅម៉ាឡេស៊ី ត្រូវធ្វើឡើង តែវ៉ៃទៅមិនរួច ដោយសារកងទ័ពកម្ពុជាដ៏ក្លាហានរបស់យើងកំពុងតស៊ូប្រយុទ្ធយ៉ាងអង់អាច និងមិនឲ្យទាហានសៀមអាចវ៉ៃមកឈរជើងបានឡើយ៕
ចែករំលែកព័តមាននេះ