អ៊ីស្រាអែលវា.យប្រហារជំរំជនភៀសខ្លួនប៉ាឡេស្ទីនមួយស្លា.ប់យ៉ាងតិច៧០នាក់
សង្គ្រាមអ៊ីស្រាអែលនិងហាម៉ាស់ ៖ ក្រសួងសុខាភិបាលហាម៉ាស់ប្រកាសនាថ្ងៃទី២៤ ធ្នូ ម្សិលមិញនេះថា
សង្គ្រាមអ៊ីស្រាអែលនិងហាម៉ាស់ ៖ ក្រសួងសុខាភិបាលហាម៉ាស់ប្រកាសនាថ្ងៃទី២៤ ធ្នូ ម្សិលមិញនេះថា
សង្គ្រាមអ៊ីស្រាអែលនិងហាម៉ាស់ ៖ ក្រសួងសុខាភិបាលហាម៉ាស់ប្រកាសនាថ្ងៃទី២៤ ធ្នូ ម្សិលមិញនេះថា មនុស្សយ៉ាងតិច៧០នាក់បានត្រូវស្លាប់ ក្នុងការវាយប្រហារមួយរបស់អីុស្រា អែលលើបណ្ដាផ្ទះក្នុងជំរំជនភៀសខ្លួនមួយនៅជ្រោយហ្គាហ្សា។
ក្នុងតុល្យការមុននេះក្រសួងសុខាភិបាលហាម៉ាស់ រៀបរាប់ពីមនុស្សស្លាប់យ៉ាងតិច៦០នាក់ដោយអះអាងថា ការវាយប្រហារនោះ របស់អីុស្រាអែលបានកម្ទេចផ្ទះយ៉ាងតិច៣ ក្នុងជំរំជនភៀសខ្លួនម៉ាហ្គាហ្សុី ភាគកណ្ដាលជ្រោយហ្គាហ្សា។ អ្នកនាំពាក្យម្នាក់របស់ក្រសួងសុខាភិបាលនៃរដ្ឋាភិបាលហាម៉ាស់ លោកអាស្ត្រាហ្វអាល់គូដ្រាអះអាងថា ការវាយប្រហារបានកម្ទេចបណ្ដាផ្ទះមានប្រជាជនរស់នៅនិងថាចំនួនជនរងគ្រោះអាចមានច្រើនជាងនេះទៀត ព្រោះសមាជិកគ្រួសារជាច្រើនកំពុងនៅផ្ទះ ក្នុងពេលនៃការទម្លាក់គ្រាប់បែកនោះ។
ម្យ៉ាងវិញទៀតតាមក្រសួងសុខាភិបាលហាម៉ាស់ដដែលថា សមាជិក១០នាក់នៃគ្រួសារតែមួយបានត្រូវស្លាប់ កាលពីថ្ងៃទី២៤ធ្នូក្នុងការវាយប្រហារមួយរបស់អីុស្រាអែលចំផ្ទះពួកគេ ស្ថិតក្នុងជំរំជនភៀសខ្លួននៅហ្សាបាលីយ៉ាភាគខាងជើងជ្រោយហ្គាហ្សា។
ក្រសួងនេះក៏ប្រកាសនាថ្ងៃទី២៤ ធ្នូ នោះថា ជនប៉ាឡេស្ទីនដល់២០.៤២៤នាក់ហើយ ត្រូវស្លាប់ដោយសារការវាយប្រហាររបស់អីុស្រាអែលលើជ្រោយហ្គាហ្សាពីថ្ងៃទី៧តុលាមក។
តុល្យការនោះរួមបញ្ចូលមនុស្ស១៦៦នាក់ដែលត្រូវស្លាប់រយៈពេល២៤ម៉ោងចុងក្រោយនេះ។ ក្រៅពីអ្នកស្លាប់ក្រសួងសុខាភិបាលហាម៉ាស់ ក៏រៀបរាប់ពីមនុស្សយ៉ាងតិច៥៤.០៣៦នាក់រងរបួស៕
ចែករំលែកព័តមាននេះ