ខេត្តបាត់ដំបង ៖ អំបុក ជាប្រភេសអាហារមួយបែបរបស់ប្រជាជនកម្ពុជា មានតាំងពីដូនតា មកម្ល៉េះ តែអ្វីដែលសំខាន់នោះប្រភេទអំបុករបស់អ្នកខេត្តបាត់ដំបង ត្រូវបានកំពុងតែត្រៀមខ្លួននាំលក់ទៅកាន់ទីផ្សារអន្តរជាតិ ក្រោយគោរពតាមបច្ចេកវិទ្យាស្តង់ដា ក្នុងការផលិត…
ខេត្តបាត់ដំបង ៖ អំបុក ជាប្រភេសអាហារមួយបែបរបស់ប្រជាជនកម្ពុជា មានតាំងពីដូនតា មកម្ល៉េះ តែអ្វីដែលសំខាន់នោះប្រភេទអំបុករបស់អ្នកខេត្តបាត់ដំបង ត្រូវបានកំពុងតែត្រៀមខ្លួននាំលក់ទៅកាន់ទីផ្សារអន្តរជាតិ ក្រោយគោរពតាមបច្ចេកវិទ្យាស្តង់ដា ក្នុងការផលិត និងមានការគាំទ្រពីរស់ជាតិ ។
កំពុងតែច្រក់អំបុក ដាក់កំប៉ុង លោកស្រី ញ៉ែម ចន្ទី នាយកយិកាក្រុមហ៊ុនអង្គរមាស ស្ថិតក្នុងភូមិរំចេក២ សង្កាត់រតនៈ ក្រុង បាតដំបង ខេត្តបាត់ដំបង បានប្រាប់ក្រុមអ្នកសារព័ត៌មាន កន្លែងអ្នកស្រី បានផលិតអាហាគ្រៀមជាច្រើនប្រភេទ ដូចជាអំបុកចំនួន ៥មុខ ដូចជា ៖ អំបុក សារាយ សមុទ្រ អំបុកផ្លៃឈើចម្រុះ អំបុកពិសេស អំបុកចេក និងអំបុកធម្មជាតិ។ ដោយឡែក អាហារត្រីក្រៀមវិញ មានត្រីធម្មជាតិ ត្រីទន្លេរសាបបាត់ដំបង ត្រីរស់ជាតិហិល ត្រីរស់ជាតិ ល្ង ។
លោកស្រី បញ្ជាក់ថា ត្រីដែលយកមកផលិតបែបសម្ងួត ដែលអាចទុកបានរយៈយូរ ហើយមិនខូចគុណភាពនោះទេ ព្រោះត្រូវបានធ្វើតាមស្តង់ដា ដែលទទួលដោយក្រសួងពាណិជ្ជកម្ម និងក្រសួងពាក់ព័ន្ធ ។
លោកស្រី បានបញ្ជាក់ថា ៖ «ចាប់ពីឆ្នាំ២០១៧ មកដល់បច្ចុប្បន្ននេះ មានការគាំទ្រខ្លាំង និងជំរុញខ្លាំងធ្វើឲ្យនាងខ្ញុំ នឹកស្មានមិនដល់ព្រោះថា ប្រភេទអាហារមួយ ដែលជាអាហារទម្លៀម ទម្លាប់ខ្មែរ មានយូរលង់ណាមួយហើយ និងមានការប្រារព្វធ្វើជារៀងរាល់ឆ្នាំ»។
យ៉ាងណាក្តី អ្នកស្រី បានអះអាងថា ក្នុងរយៈពេលបច្ចុប្បន្ននេះ អ្នកហូបអំបុក ហាក់ដូចជាមានការថយចុះ ពិសេសនោះក្រុមមនុស្សពេញវ័យ ប៉ុន្តែអ្នកជំនាន់មនុស្សនៅ តែមានអត្រាហូបច្រើន។ ទោះជាយ៉ាងណាក្តី អ្នកស្រីបានលើកឡើងការ ដែលអ្នកពេញវ័យមិនសូវចូលចិត្តហូប ឬមិនសូវមានការគាំទ្រអំបុកប្រហែលមកពីគេគិតពីការផលិតគ្មានអនាម័យជាដើម។ ដូច្នេះហើយ បានជាអ្នកស្រី បានធ្វើអំបុកមានច្រើនប្រភេទ ដើម្បីឲ្យមានការចូលរួមគាំទ្រឡើងវិញ ដោយធ្វើអំបុកចេញពីស្រូវសែនក្រអូប ។
លោកស្រីថា ៖ «ពិសេសមែនទែន អំបុកយើងផលិតនេះ យើងអាចដាក់តាមខ្លួនបាន ទោះបីទៅទីណាក៏ដោយ«…» សូមជួយគាំទ្រទាំងអស់គ្នា ព្រោះថា វាជាអាហារប្រពៃណីផង និងជាអាហារវប្បធម៌ផង» ។
ពាក់ព័ន្ធនឹងផលិតអំបុកនេះដែរ លោកស្រី បានអះអាងថា គឺធ្វើខុសគ្នាកាលពីសម័យមុន ដែលកាលពីសម័យមុន មិនទំនើបនោះទេ ផ្ទុយទៅវិញ នៅពេលនេះ អ្នកស្រី ធ្វើបែបទំនើប ដោយប្រើម៉ាស៊ី ហើយអ្នកដែផលិតនេះ សុទ្ធតែមានអនាម័យត្រឹមត្រូវបានល្អ។
លោកស្រីបញ្ជាក់ថា ៖ «អំបុកយើងធ្វើនេះ គឺបានកំណត់ត្រឹមត្រូវសូម្បីតែឈ្មោះស្រូវ ដែលយកមកធ្វើក៏កំណត់យកមកធ្វើ ខ្ញុំចង់និយាយថា យើងមិនចេះតែយកស្រូវគ្រប់ប្រភេទមកធ្វើនោះទេ គឺយើងយកស្រូវក្រអូប ឬស្រូវសែនពិដោរ។ ចំណុចនេះ មានន័យថាស្រូវ ដែលយកមកធ្វើ គឺចំនួន៩០ថ្ងៃទេ គិតចាប់ពីស្រូវចាប់ផ្តើមធ្វើ» ។
លោកស្រី បានឲ្យដឹងទៀតថា ការផលិតអំបុក បែបស្តង់ដា ដោយធ្វើពី២៤ម៉ោង ដល់៤៨ម៉ោង(ធ្វើអំបុក) បន្ទាប់មកធ្វើតាមចង្វាក់ផលិតកម្ម រហូតដល់ការសំរិត សំរាំងជ្រើសរើសអំបុកមួយគីឡូ ចំណាយពេល១ម៉ោង ក្នុងការដាក់ច្រកក្នុងប្រអប់សម្រាប់ការយកទៅលក់លើទីផ្សារ ។
បើតាមអ្នកស្រី ញ៉ែម ចន្ទី បានឲ្យដឹងថា ក្រសួងពាណិជ្ជកម្ម និងក្រសួងសិប្បកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានកំពុងតែរៀបចំផ្តល់កម្មសិទ្ធិបញ្ញា ដើម្បីលក់ទៅកាន់ទីផ្សារអន្តរជាតិ ។
អ្នកស្រី បានឲ្យដឹងថា អំបុកនឹងត្រៀមយកទៅលក់ទៅកាន់ទីផ្សារ ដូចជាទៅប្រទេសអូស្ត្រាលី ប្រទេសចិន កូរ៉េ និងជប៉ុន។ ប៉ុន្តែពេលនេះ កំពុងតែលក់នៅទីផ្សារក្នុងស្រុកទេ ។
ក្នុងឱកាសនោះដែរ បើតាមអ្នកស្រី បានឲ្យដឹងថា រាល់ស្រូវដែលយកមកធ្វើអំបុក គឺប្រមូលទិញប្រជាកសិករ។ ចំពោះតម្លៃវិញ គឺក្នុងកំប៉ុងមានទម្ងន់១ខាំ ស្មើជិត៣ដុល្លារ ។
លោកស្រី បញ្ជាក់ថា ៖ «ស្តង់យើង ធ្វើអំបុកដល់ស្រួយឆ្ងាញ់ ហើយមានក្លិនក្រអូបប្រហើរនេះបានដោយយកស្រូវ៩០ថ្ងៃ។ តែបើថា ផុតពីថ្ងៃនេះ គឺធ្វើមិនកើត ហើយយកត្រូវពិនិត្យមើល ពីប្រភេទស្រូវទៀត ពោលស្រូវទាល់តែល្អបំផុត ទើបយកមកធ្វើ» ។
បើតាមម្ចាស់ផលិតកម្ម បានអះអាងទៀតថា ពេលនេះខាងក្រសួងកសិកម្ម បានកំពុងតែត្រៀមឲ្យមានការផលិតស្រូវមួយប្រភេទសម្រាប់ ធ្វើអំបុកគឺស្រូវចំប៉ី ស ៧០ ដែលប្រភេទស្រូវមានគុណភាពខ្ពស់ ។
លោកស្រីក៏បានគូសបញ្ជាក់ឲ្យដឹងថា ៖ «នៅពេលយើងមានម៉ាស៊ីនមកផលយើងអាចផលិតក្នុងមួយថ្ងៃបាន១តោន ហើយយើងកំពុងត្រៀមវេចខ្ចប់នាំចេញ» ។
ជាមួយគ្នានោះដែរ លោកស្រីបានឲ្យដឹងថា ការផលិតអំបុកនេះដែរបានធ្វើតាមស្តង់ដាដោយបានចូលរួមការប្រែប្រួលអាកាសធាតុនៅក្នុងប្រទេសកម្ពុជាផងដែរ ៕
ចែករំលែកព័តមាននេះ