លោកស្រីអេកាតឺរីណា មិនអាចឈរឈ្មោះប្រជែងលោកពូទីន
ប្រទេសរុស្ស៊ី ៖ លោកស្រីអេកាតឺរីណាដូអ៊ុនសូវ៉ា សកម្មជនដើម្បីលទ្ធិប្រជាធិបតេយ្យ មិនអាចឈរ
ប្រទេសរុស្ស៊ី ៖ លោកស្រីអេកាតឺរីណាដូអ៊ុនសូវ៉ា សកម្មជនដើម្បីលទ្ធិប្រជាធិបតេយ្យ មិនអាចឈរឈ្មោះជាបេក្ខនារីប្រធានាធិបតី ប្រជែងជាលោកវ្ល៉ាឌីមៀរពូទីនឡើយ សម្រាប់ការបោះឆ្នោតប្រធានាធិបតីរុស្ស៊ីនាខែមីនាខាងមុខនេះ។ គណៈកម្មាធិការបោះឆ្នោតរុស្ស៊ី កាលពីថ្ងៃទី២៣ធ្នូបានបដិសេធបេក្ខភាពលោកស្រី ដោយលើកពីការបំពេញឯកសារនានាសម្រាប់ការចុះឈ្មោះមិនបានត្រឹមត្រូវ។ គួររំលឹកថា ស្ត្រីខ្លាំង១រូបចង់ឈរឈ្មោះប្រជែងជាមួយលោកពូទីន
លោកស្រីអេកាតឺរីណាដូអ៊ុនសូវ៉ា ជាសកម្មជនដើម្បីលទ្ធិប្រជាធិបតេយ្យនិងទាមទារឲ្យបញ្ឈប់សង្គ្រាមនៅអ៊ុយក្រែន ដែលរុស្ស៊ីបានធ្វើជិត២ឆ្នាំមកហើយ។ នារីអ្នកកាសែតរូបនោះជាអតីតសមាជិកក្រុមប្រឹក្សាក្រុង ដែលចង់ឈរឈ្មោះប្រជែងជាមួយលោកពូទីន ក្នុងការបោះឆ្នោតប្រធានាធិបតី។ បេក្ខភាពលោកស្រីត្រូវបានគណៈម្មាធិការបោះឆ្នោតបដិសេធ កាលពីថ្ងៃទី២៣ធ្នូ។ តាមទូរទស្សន៍រុស្ស៊ីថាគណៈកម្មាធិការបោះឆ្នោតបានបដិសេធបេក្ខភាពលោកស្រីថាដោយមិនបានបំពេញបែបបទត្រឹមត្រូវ ។
ប្រធានគណៈកម្មាធិការបោះឆ្នោតរុស្ស៊ី លោកស្រីអែលឡាប៉ាមហ្វីឡូវ៉ាថ្លែងថា គណៈកម្មាធិការនោះបដិសេធជាឯកច្ឆ័ន្ទបេក្ខភាពនារីអាយុ៤០ឆ្នាំរូបនេះ។ លោកស្រីថានាងជានារីនៅក្មេងវ័យនាងគួរយកពេលគិតគូរពីជីវិតនាពេលខាងមុខល្អជាង។ លោកស្រីកាតឺរីណាបានបរិហារភ្លាមៗចំពោះសេចក្ដីសម្រេចនោះ។ តាមតេឡេក្រាមលោកស្រីប្រកាសពីបំណងតវ៉ាទៅតុលាការកំពូលរុស្ស៊ីដោយមិនបញ្ចប់ត្រឹមនេះឡើយ។
ចំណែកគណបក្សកុំមុយនីស្តរុស្សុីវិញ បានជ្រើសតាំងលោកនីកូឡៃខារីតូណូវជាបេក្ខជន សម្រាប់ការបោះឆ្នោតប្រធានាធិតីរុស្សុីនាខែមីនាខាងមុខនេះ។ លោកជាអ្នកនយោបាយជើងចាស់មួយរូប ធ្លាប់ឈរឈ្មោះជាបេក្ខជនប្រធានាធិបតីរួចមកហើយកាលពីឆ្នាំ២០០៤៕
ចែករំលែកព័តមាននេះ