តុលាការកំពូលសហព័ន្ធផ្ដល់ជោគជ័យខាងផ្លូវច្បាប់មួយដល់លោកត្រាំ
សហរដ្ឋអាមេរិក ៖ តុលាការកំពូលអាមេរិកកាលពីថ្ងៃទី២២ ធ្នូ បានផ្ដល់ជ័យជម្នះខាងផ្លូវច្បាប់មួយ
សហរដ្ឋអាមេរិក ៖ តុលាការកំពូលអាមេរិកកាលពីថ្ងៃទី២២ ធ្នូ បានផ្ដល់ជ័យជម្នះខាងផ្លូវច្បាប់មួយដល់អតីតប្រធានាធិបតីអាមេរិកលោកដូណាល់ត្រាំ ដោយបដិសេធមិនធ្វើការអារកាត់ជាបន្ទាន់ភ្លាមៗថាតើ អតីតប្រធានាធិបតីរូបនោះត្រូវបានការពារដោយអភ័យឯកសិទ្ធិដែរទេ ពេលប៉ុនប៉ងផ្លាស់ប្ដូរលទ្ធផលនៃការបោះឆ្នោតប្រធានាធិបតីឆ្នាំ២០២០។
នេះជាដំណឹងល្អសម្រាប់លោកត្រាំ ដែលត្រូវឈរឈ្មោះសម្រាប់ការបោះឆ្នោតប្រធានាធិបតីឆ្នាំ២០២៤។
លោកត្រាំកំពុងប្រឈមមុខនឹងការកាត់ក្ដីបទឧក្រិដ្ឋមួយ ដែលនឹងបើ់កធ្វើនាថ្ងៃទី៤ មីនាខាងមុខនេះ ទាក់ទិនការទទួលខុសត្រូវរបស់លោកលើការបះបោរលុកលុយចូលវិមានកាពីតូល។
លោកត្រាំ រង់ចាំការច្រានចោលបទចោទប្រកាន់នោះ។ ការសម្រេចរបស់តុលាការកំពូលបែបនេះ ពិតណាស់នឹងនាំឲ្យមានការពន្យារពេលសវនាការកាត់ទោសលោកត្រាំ ពីបទលូកដៃចូលកិច្ចការបោះឆ្នោត ដែលគ្រោងចាប់ផ្ដើមនាថ្ងៃទី៤ មីនា ៕
ចែករំលែកព័តមាននេះ