ខេត្តកំពត ៖ យុវជនម្នាក់ក្លាយជាអ្នកទោសស្នេហាទៀតហើយ និងត្រូវបានឪពុកខាងស្រីចាប់ចងដៃចងជើងដូចចងជ្រូកទុកលក់ កាលពីវេលាម៉ោង៨ព្រឹក ថ្ងៃទី២២ ឧសភា នៅក្នុងផ្ទះនៅផ្សារស្លឹក ឃុំកំពង់ត្រាចខាងកើត ស្រុកកំពង់ត្រាច រួចហើយឱ្យប៉ូលិសមកនាំខ្លួនយកទៅ ។ មន្ត្រីប៉ូលិសនិយាយថា យុវជនដែលក្លាយខ្លួនជាអ្នកទោសស្នេហា
ខេត្តកំពត ៖ យុវជនម្នាក់ក្លាយជាអ្នកទោសស្នេហាទៀតហើយ និងត្រូវបានឪពុកខាងស្រីចាប់ចងដៃចងជើងដូចចងជ្រូកទុកលក់ កាលពីវេលាម៉ោង៨ព្រឹក ថ្ងៃទី២២ ឧសភា នៅក្នុងផ្ទះនៅផ្សារស្លឹក ឃុំកំពង់ត្រាចខាងកើត ស្រុកកំពង់ត្រាច រួចហើយឱ្យប៉ូលិសមកនាំខ្លួនយកទៅ ។ មន្ត្រីប៉ូលិសនិយាយថា យុវជនដែលក្លាយខ្លួនជាអ្នកទោសស្នេហានោះឈ្មោះហុង គឹមហាប់ អាយុ១៨ឆ្នាំ នៅភូមិកំពូលមាស ឃុំឫស្សីស្រុក ស្រុកកំពង់ត្រាច រីឯនាងក្រមុំជាគូសង្សារកំណាន់ចិត្តមានអាយុ១៧ឆ្នាំ ។
តាមយុវជនដែលឪពុកខាងស្រី ចាប់ចងដៃចងជើងនោះបាននិយាយប្រាប់ប៉ូលិសថា គឺនាងជាសង្សារបានទូរស័ព្ទណាត់ឱ្យខ្លួនមកដេកជាមួយនៅវេលាម៉ោងជាង១០យប់ ថ្ងៃទី២១ ឧសភា ហើយខ្លួនបានធ្វើដំណើរតាមម៉ូតូ និងដើរចូលផ្ទះនាងតាមទ្វារមុខត្រឹមត្រូវ ។ ពេលដែលខ្លួនដេកនៅក្នុងបន្ទប់ជាមួយនាងដល់វេលាម៉ោងប្រហែល២រំលងអធ្រាត្រក៏បានក្រោកសុំនាងមកផ្ទះវិញ តែនាង មិនព្រមក៏នៅដេកលង់លក់ជាមួយគ្នារហូតដល់ម៉ោង៨ព្រឹក ទើបប្អូននាងឃើញក៏ទូរស័ព្ទហៅឪពុកនាងឱ្យមកចាប់រូបគេចងដៃចងជើង និងហៅប៉ូលិសឃុំកំពង់ត្រាច ខាងកើតមកនាំខ្លួនទៅអធិការដ្ឋានស្រុក។
មន្ត្រីប៉ូលិសស្រុកនិយាយថា ក្រុមគ្រួសាររបស់ក្មេងស្រីនេះធ្លាប់បានឆោឡោជាញឹកញាប់ដោយសារតែនាងដើរលេងជាមួយសង្សារដែលត្រូវឪពុកខាងស្រីចាប់ខ្លួននេះ ។ ទោះបីជាយា៉ងណាអ្នកផ្សារស្លឹកនិយាយគ្រប់មាត់ថា ឪពុកខាងស្រីពិតជាមានចិត្តធម៌មិនធ្វើបាបក្មេងៗដែលបានស្រឡាញ់គ្នារហូតដេកនៅជាមួយគ្នានោះឡើយ ។ ប៉ូលិសស្រុកបានបញ្ជូនជនជាប់ចោទស្នេហាទៅកាន់ស្នងការដ្ឋាន ប៉ុន្តែមានការលើកឡើងថា អង្ករក្លាយជាបាយទៅហើយ គួរតែខាងប្រុសសម្រួលគ្នាជាមួយខាងស្រីយកជនជាប់ចោទមករៀបការវិញ ទើបល្អ ព្រោះសំខាន់គឺខាងស្រី បើសាមីខ្លួនខាងស្រីពេញចិត្តហើយអស់មានការសៅហ្មងអ្វីឡើយ។ ប៉ុន្តែអ្វីដែលត្រូវពិចារណានោះគឺអាយុនាងនៅជាអនីតិជនមិនអាចសម្រេចចិត្តខ្លួនឯងបានទេ ហើយតាមផ្លូវច្បាប់ក៏មិនអាចអនុញ្ញាតឱ្យរៀបការមុនពេលមិនទាន់គ្រប់អាយុ១៨ឆ្នាំដែរ ៕
ចែករំលែកព័តមាននេះ