ប្រទេសចំនួន៣ធ្វើសមយុទ្ធអាកាសរួម ក្រោយកូរ៉េខាងជើងបាញ់មីស៊ីលរំលងទ្វីបថ្មី
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ប្រទេស៣ជាម្ព័ន្ធមិត្តគឺ
ប្រទេសកូរ៉េខាងត្បូង ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ប្រទេស៣ជាម្ព័ន្ធមិត្តគឺកូរ៉េខាងត្បូង សហរដ្ឋអាមេរិកនិងជប៉ុន បានបើកធ្វើកាលពីថ្ងៃទី២០ធ្នូសមយុទ្ធជើងអាកាសរួមគ្នា ជាមួយការចូលរួមរបស់បណ្ដាយន្តហោះយុទ្ធសាស្ត្រអាមេរិកធុនB-1B ដែលសមយុទ្ធនោះប្រព្រឹត្តទៅនៅជិតឧបទ្វីបកូរ៉េ ដែលនោះជាការបង្ហាញកម្លាំងមួយ បន្ទាប់ពីកូរ៉េខាងជើងបាញ់មីសីុលបាលីស្ទិករំលងទ្វីបICBMថ្មីមួយ។
សមយុទ្ធត្រីភាគីនោះប្រព្រឹត្តទៅពីលើដែនទឹកនៃកោះJEJUកូរ៉េខាងត្បូង ជាកន្លែងមានតំបន់ការពារអាកាសរបស់កូរ៉េខាងត្បូងនិងរបស់ជប៉ុនដែលនៅជាប់គ្នា។ នេះជាសេចក្ដីរាយការលម្អិតរបស់កងទ័ពកូរ៉េខាងត្បូង។ សមយុទ្ធនេះធ្វើឡើងក្នុងពេលមានភាពតានតឹងបំផុតក្នុងតំបន់ ដោយសារការបាញ់មីសីុលរំលងទ្វីបកូរ៉េខាងជើងធុនHWASONG-18 ដែលក្រុងព្យុងយ៉ាងថាជាមីសីុលខ្លាំងបំផុត ប្រើប្រេងឥន្ធនៈរឹងអាចបាញ់ដល់ដែនដីអាមេរិកទាំងមូល។
សមយុទ្ធជើងអាកាសរួមនេះចូលរួមដោយបណ្ដាយន្តហោះប្រដេញកូរ៉េខាងត្បូងធុនF-15Kយន្តហោះប្រដេញអាមេរិកធុនF-16និងយន្តហោះប្រដេញជប៉ុនធុនF-2 ដោយយន្តហោះទាំងនេះហោះអមយន្តហោះទម្លាក់គ្រាប់បែកយុទ្ធសាស្ត្រអាមេរិកធុនB-1B២គ្រឿង។ កងទ័ពកូរ៉េខាងត្បូងនិយាយទៀតថា សមយុទ្ធនេះគឹដើម្បីពង្រឹងសមត្ថភាពរបស់ប្រទេសទាំង៣ ក្នុងការឆ្លើយតបចំពោះការគម្រាមកំហែងនុយក្លេអ៊ែរនិងមីសីុលរបស់កូរ៉េខាងជើង។
មេដឹកនាំកូរ៉េខាងជើងលោកគីមជុងអ៊ុន តាមការដកស្រង់សម្ដីនាថ្ងៃទី២១ធ្នូរបស់ទីភ្នាក់ងារព័ត៌មានផ្លូវការរបស់ប្រទេសKCNA អះអាងថា កូរ៉េខាងជើងនឹងមិនរារែកឡើយក្នុងការប្រើអាវុធនុយក្លេអ៊ែរ បើពួកសត្រូវហ៊ានវាយប្រហារដោយអាវុធនេះ។ ក្រុងវ៉ាសិុនតោនបានព្រមានថា រាល់ការវាយប្រហារនុយក្លេអ៊ែរលើអាមេរិកនិងសម្ព័ន្ធមិត្ត នឹងជាការបញ្ចប់របបកូរ៉េខាងជើង៕
ចែករំលែកព័តមាននេះ