ខេត្តឧត្តរមានជ័យ ៖ ប្រអប់ជើងទេវរូប១គូ ធ្វើអំពីថ្មភក់ មានទំហំបណ្តោយ១៩សង់ទីម៉ែត្រ ទទឹង១៧សង់ទីម៉ែត្រ និងបល្ល័ង្គ(ស្នាទ្រោនី) ធ្វើអំពីថ្មភក់មានទំហំបណ្តោយ៦៤សង់ទីម៉ែត្រ គុណ៦៤សង់ទីម៉ែត្រកម្ពស់៥១សង់ទីម៉ែត្រ ត្រូវបានប្រជាពលរដ្ឋប្រទះឃើញ…
ខេត្តឧត្តរមានជ័យ ៖ ប្រអប់ជើងទេវរូប១គូ ធ្វើអំពីថ្មភក់ មានទំហំបណ្តោយ១៩សង់ទីម៉ែត្រ ទទឹង១៧សង់ទីម៉ែត្រ និងបល្ល័ង្គ(ស្នាទ្រោនី) ធ្វើអំពីថ្មភក់មានទំហំបណ្តោយ៦៤សង់ទីម៉ែត្រ គុណ៦៤សង់ទីម៉ែត្រកម្ពស់៥១សង់ទីម៉ែត្រ ត្រូវបានប្រជាពលរដ្ឋប្រទះឃើញ និងបង្កការភ្ញាក់ផ្អើល កាលពីព្រឹកថ្ងៃទី១៨ ខែធ្នូ ឆ្នាំ២០២៣ ស្ថិតចំណុចដីទួលក្បែរស្រែ ក្នុងភូមិត្រពាំងស្វាយ ឃុំបេង ស្រុកបន្ទាយអម្ពឹល ខេត្តឧត្តរមានជ័យ ។
ម្ចាស់ដីស្រែដែលបានប្រទះឃើញវត្ថុបុរាណខាងលើ មានឈ្មោះស៊ិន រឿ ភេទប្រុស អាយុ៥៧ឆ្នាំ មានប្រពន្ធឈ្មោះលៀង មុំ អាយុ៥០ឆ្នាំ មានកូន៣នាក់ (ប្រុស២នាក់) រស់នៅក្នុងភូមិ-ឃុំខាងលើបានរៀបរាប់ថា មុនពេលប្រទះឃើញ រូបគាត់និងប្រពន្ធកូន បានជីកកាយដីស្រែក្បែរទួលក៏បានប្រទះឃើញ ហើយពួកគាត់បានរាយការណ៍ទៅដល់អាជ្ញាធរ និងសមត្ថកិច្ច បន្ទាប់មកក៏មានការភ្ញាក់ផ្អើលផងដែរ ។
លោកហុង យឿន ប្រធានមន្ទីវប្បធម៌ និងវិចិត្រសិល្បៈខេត្តឧត្តរមានជ័យ បានឲ្យដឹងនៅព្រឹកថ្ងៃទី១៩ ខែធ្នូ នេះ ប្រជាពលរដ្ឋដែលបានប្រទះឃើញវត្ថុបុរាណនេះពិតមែន ខណៈនោះប្រជាពលរដ្ឋបានរាយការណ៍មកក្រុមអាជ្ញាធរមូលដ្ឋាន ហើយលោកអាជ្ញាធរបានជូនដំណឹងមកខាងមន្ទីរបេតិភណ្ឌ បន្ទាប់មកលោកបានដឹកនាំមន្ត្រីជំនាញចុះទៅដល់កន្លែងកើតហេតុធ្វើការពិនិត្យឃើញថា «វត្ថុបុរាណនេះធ្វើអំពីថ្មភក់»។
លោកបានបញ្ជាក់ថា វត្ថុបុរាណនេះមានប្រអប់ជើងទេវរូប១គូ ទំហំ១៩x១៧សង់ទីម៉ែត្រ រួមនិងទាំងបល្ល័ង្គ១ ទំហំ៦៤x៦៤កម្ពស់៥១ផងដែរ ។ លោកបានយកប្រអប់ជើងទេវរូបមកដល់មន្ទីររក្សាទុកហើយ ។ ដោយឡែក បល្ល័ង្គពុំទាន់យកមកនៅឡើយទេ រង់ចាំយករថយន្តទៅស្ទួច ។
ចែករំលែកព័តមាននេះ