រថភ្លើង២គ្រឿងបុ.កគ្នាត្រង់ស្ថានីយមួយកន្លែង
- កំពត
ខេត្តកែប ៖ រថភ្លើងចំនួន២ខ្សែបានបុ.កគ្នា ក្នុងទិសដៅបញ្ច្រាសគ្នា បណ្តាលឱ្យរថភ្លើង១គ្រឿងធ្លាក់
ខេត្តកែប ៖ រថភ្លើងចំនួន២ខ្សែបានបុ.កគ្នា ក្នុងទិសដៅបញ្ច្រាសគ្នា បណ្តាលឱ្យរថភ្លើង១គ្រឿងធ្លាក់ចេញពីផ្លូវដែក តែពុំមានអ្នករងគ្រោះថ្នាក់ធ្ងន់ធ្ងរក្នុងហេតុការណ៍នេះទេ ។
ហេតុការណ៍ខាងលើបានកើតឡើងកាលពីវេលាម៉ោង៥ទៀបភ្លឺថ្ងៃទី១៦ ខែធ្នូ ឆ្នាំ២០២៣ នៅចំណុចស្ថានីយមួយកន្លែង ស្ថិតក្នុងភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។
បើតាមការអោយដឹងពីមន្ត្រីនគរបាលសង្កាត់ព្រៃធំបាននិយាយប្រាប់អោយដឹងថា នគរបាលនៅមូលដ្ឋានមិនបានធ្វើកំណត់ហេតុលម្អិតអោយបានច្បាស់ទេក្នុងឧប្បតិហេតុគ្រោះថ្នាក់រថភ្លើង២ខ្សែបុកគ្នានេះ ។ ប៉ុន្តែបានដឹងថា រថភ្លើងមួយខ្សែដឹកស៊ីទែនប្រេងមកខេត្តព្រះសីហនុ និងមួយខ្សែទៀតមានទូដឹកក្រណាត់មកពីភ្នំពេញ ក្នុងទិសដៅទៅខេត្តព្រះសហនុ បើកចូលត្រង់ផ្លូវបំបែកមិនទាន់ផុតកន្ទុយក្រោយផង ស្រាប់តែរថភ្លើងដឹកស៊ីទែនប្រេងបើកឆ្ពោះទៅភ្នំពេញបុកចំទូក្រោយបណ្ដាលអោយធ្លាក់ទូដឹកក្រណាត់មួយទូនិងធ្លាក់ក្បាលរថភ្លើងមួយខ្សែចេញពីផ្លូវដែកតែម្ដង។
មន្ត្រីនគរបាលរូបនោះនិយាយថា រថភ្លើងទាំងពីរខ្សែដែលបានបុ.កគ្នានៅត្រង់ផ្លូវបំបែកស្ថានីយដំណាក់ចង្អើរនោះពុំមានអ្នករងគ្រោះធ្ងន់ធ្ងរទេ ។ គេបាននៅចាំថាកាលពីថ្ងៃទី១៤ ខែសីហា ឆ្នាំ២០១៣ នេះក៍មានរថភ្លើងដឹកស៊ីទែនប្រេងមានបញ្ហាខាងក្បាលម៉ាស៊ីនធ្វើអោយទូនិងទូស៊ីទែនប្រេងទង្ទិចគ្នាធ្លុះធ្លាយប្រេងនៅខាងស្ថានីយ៍ដំណាក់ចង្អើរនេះម្ដងរួចហើយ ។ កាលនោះប្រជាពលរដ្ឋបានដងប្រេងហូចេញពីស៊ីទែនពេញក្នុងស្រែ ម្នាក់ៗដងបានរាប់ពាន់លីត្រដែលជាការខាតបង់របស់ក្រុមហ៊ុនប្រេង ៕
ចែករំលែកព័តមាននេះ