លោកវ៉ារ៉ាថាណាត់ អាស់គុលហ្គោវីត ហោរាចារ្យជំនាញផ្នែកហុងស៊ុយ បានថ្លែងពីគណបក្សភឿថៃ ដែលចាប់បានលេខរៀងទី១ និងគណបក្សប្រជាធិបតេយ្យចាប់បានលេខរៀងទី១០ថា ទាំងលេខ១ និងលេខ១០ ស្ថិតក្នុងទស្សនៈផ្នែកនយោបាយគឺគ្មានអត្ថន័យអ្វីរំខាន ប៉ុន្តែក្នុងនិន្នាការសម្រាប់ដំណើរការលេខ១ សំដៅលើការចាប់ផ្តើម
លោកវ៉ារ៉ាថាណាត់ អាស់គុលហ្គោវីត ហោរាចារ្យជំនាញផ្នែកហុងស៊ុយ បានថ្លែងពីគណបក្សភឿថៃ ដែលចាប់បានលេខរៀងទី១ និងគណបក្សប្រជាធិបតេយ្យចាប់បានលេខរៀងទី១០ថា ទាំងលេខ១ និងលេខ១០ ស្ថិតក្នុងទស្សនៈផ្នែកនយោបាយគឺគ្មានអត្ថន័យអ្វីរំខាន ប៉ុន្តែក្នុងនិន្នាការសម្រាប់ដំណើរការលេខ១ សំដៅលើការចាប់ផ្តើម ចំណែកលេខ១០ គឺជាលេខល្អ តែនិន្នាការខ្លះថា ជាលេខញ៉ុក ឬលេខលើកដៃចុះចាញ់។
ហោរាទាយថា ក្នុងទស្សនៈពីពេលវេលាក្នុងប្រទេសថៃ នឹងកើតរឿងចលាចល ស្មុគស្មាញ ហើយការបោះឆ្នោតនឹងក្លាយជាផ្នែកមួយធ្វើឱ្យកើតឡើងនូវភាពច្រឡំបល់ គឺផ្កាយនៃជោគជតារាសីនឹងគ្របដណ្តប់ ក្នុងពេលបំពេញតួនាទីអ្វីមួយដោយយល់ខុសជាត្រូវ ។ ហេតុការណ៍ហាក់ដូចជាវិលទៅរកអំឡុងពេលដូចគ្នាក្នុងឆ្នាំ២០០៩ ។
ដោយមានការប្រទូស្តរ៉ាយគ្នាខាងផ្នែកនយោបាយ ចែកចេញជាក្រុម និងបក្ខពួកបង្កអំពើហិង្សា សំដៅទៅរកការបែកបាក់ បាត់បង់សាមគ្គីផ្ទៃក្នុង។ លក្ខណៈនៃការបោះឆ្នោតដែលជួបនឹងរឿងហេតុបែបនេះ មិនមែនកើតមានតែក្នុងប្រទេសថៃទេ សូម្បីនៅលើពិភពលោកក៏កើតរឿងដូចគ្នានេះដែរ ដោយមានហេតុការណ៍ចលាចលរយៈពេលពី៣-៤ឆ្នាំ ។
លោកគីតចា ថាវីគូលគីក ហោរាចារ្យទស្សន៍ទាយពីជោគជតារាសីបានថ្លែងថា ការបោះឆ្នោតលើកនេះ គឺជាការបោះឆ្នោតបង្ហូរឈាម ។ អ្នកឈ្នះអាចមិនក្លាយជារដ្ឋាភិបាល ប្រសិនគណបក្សភឿថៃឈ្នះ ត្រូវឈ្នះឱ្យបាន២៥០កៅអី ទើបបង្កើតរដ្ឋាភិបាលបាន ប៉ុន្តែបើសិនជាគណបក្សភឿថៃឈ្នះគណបក្សប្រជាធិបតេយ្យជាលក្ខណៈប្រដំត្រសងគ្នា នោះគណបក្សតូចៗមួយចំនួននឹងចូលរួមជាមួយគណបក្សប្រជាធិបតេយ្យ ព្រោះមានមនុស្សស្នើសុំ ។
នៅពេលគណបក្សភឿថៃ បានបង្កើតរដ្ឋាភិបាល ប៉ុន្តែពេលណាមានការស្នើសុំលើកលែងទោសឱ្យលោកថាក់ស៊ីន ក្នុងពេលណាមួយ ធានាថា អំពើហិង្សានឹងកើតឡើងចៀសមិនផុត និងមានការបង្ហូរឈាម ពេលនោះទាហាននឹងចេញមុខដូចកាលពីខែឧសភា ២០១០ ហើយការបោះឆ្នោតលើកនេះនឹងគ្មានភាពស្រស់ស្រាយឡើយ។ លោកគីតចា ថាវីគុល គីក បន្តទៀតថា «ជោគជតារបស់លោកស្រីយីងឡាក់ ស៊ីណាវ៉ាត្រា ដឹកនាំគណបក្សភឿថៃ ដោយឆ្នាំកំណើតជាឆ្នាំមមែ ខណៈពេលជតារាសីរបស់លោកថាក់ស៊ីន អតីតនាយករដ្ឋមន្ត្រី ឆ្នាំឆ្លូវ ជាឆ្នាំឆុងគ្មានផ្លូវទទួលជោគជ័យ ។
បច្ចុប្បន្នជោគជតាលោកស្រីយីងឡាក់ មានសំណាងល្អ ចាប់បានលេខ១ មានជោគជតាជានាយករដ្ឋមន្ត្រីបាន ប៉ុន្តែនៅចុងឆ្នាំបែរជាមិនល្អ។ ចំណែកជោគជតាលោកអាប់ភីស៊ីត វ៉េចាជីវ៉ា ប្រធានគណបក្សប្រជាធិបតេយ្យបច្ចុប្បន្នមិនសូវល្អ និងគណបក្សអាចទទួលបានកៅអីតិចជាងមុន ប៉ុន្តែជោគជតារាសីរបស់លោកអាប់ភីស៊ីត នឹងមានចាស់ទុំជួយ។ ក្នុងអំឡុងពេលនេះ ប្រសិនបើក្រុមអាវក្រហមសម្លឹងឃើញថា ខ្លួនគេមិនបានទទួលភាពយុត្តិធម៌នឹងប្រមូលផ្តុំគ្នាយ៉ាងច្រើន បង្កចលាចលជាបន្តបន្ទាប់ពីឆ្នាំ២០១១ ដល់២០១២ ៕
ចែករំលែកព័តមាននេះ