Tesla កំពុងប្រមូលរថយន្តជាង២លានគ្រឿងមកវិញ ដោយសារបញ្ហា «Autopilot»
សហរដ្ឋអាមេរិក ៖ ក្រុមហ៊ុន Tesla កំពុងប្រមូលរថយន្តជាង២លានគ្រឿងនៅសហរដ្ឋអាមេរិកត្រឡប់
សហរដ្ឋអាមេរិក ៖ ក្រុមហ៊ុន Tesla កំពុងប្រមូលរថយន្តជាង២លានគ្រឿងនៅសហរដ្ឋអាមេរិកត្រឡប់មកវិញ បន្ទាប់ពីនិយតករអាមេរិករកឃើញប្រព័ន្ធជំនួយអ្នកបើកបរដែលឈ្មោះ «Autopilot» មានបញ្ហាមួយផ្នែក ដែលការធ្វើបែបនេះ បន្ទាប់ពីការស៊ើបអង្កេតរយៈពេល២ឆ្នាំ លើបញ្ហាគាំងដែលបានកើតឡើងនៅពេលដែលបច្ចេកវិទ្យានេះកំពុងត្រូវបានប្រើប្រាស់។
ការប្រមូលរថយន្តត្រឡប់មកវិញនេះ អនុវត្តស្ទើរតែគ្រប់ក្រុមហ៊ុន Tesla ដែលលក់នៅសហរដ្ឋ អាមេរិកចាប់តាំងពីមុខងារ «Autopilot» ត្រូវបានដាក់ឱ្យប្រើប្រាស់ក្នុងឆ្នាំ ២០១៥។ Tesla ក្រុមហ៊ុនខ្នាតយក្សសហរដ្ឋអាមេរិក ដែលផលិតរថយន្តអគ្គិសនីដ៏ធំបំផុតលើពិភពលោក ដែលជាកម្មសិទ្ធិរបស់មហាសេដ្ឋី Elon Musk បានអះអាងថា ខ្លួននឹងបញ្ជូនការធ្វើបច្ចុប្បន្នភាព (Update) កម្មវិធីដែលទាញយកដោយឧបករណ៍លើអ៊ីនធឺណិត ដើម្បីដោះស្រាយបញ្ហានេះ។
ការធ្វើបច្ចុប្បន្នភាពកើតឡើងដោយស្វ័យប្រវត្តិ ហើយមិនតម្រូវឱ្យមានការធ្វើបច្ចុប្បន្នភាពនៅកន្លែងលក់ ឬយានដ្ឋាននោះទេ ប៉ុន្តែទោះយ៉ាងណាក៏ដោយ និយតករសហរដ្ឋអាមេរិក នៅតែសំដៅទៅលើការប្រមូលរថយន្តត្រឡប់មកវិញ។
សូមជម្រាបថា មុខងារ «Autopilot» នៅលើរថយន្តអគ្គិសនី Tesla ប្រើប្រាស់ដើម្បីជួយក្នុងការបញ្ជាចង្កូត ការបង្កើនល្បឿន និងការចាប់ហ្វ្រាំង ដោយស្វ័យប្រវត្តិ ប៉ុន្តែទោះយ៉ាងណាក៏ដោយ ក៏តម្រូវឱ្យអ្នកបើកបរ យកចិត្តទុកដាក់លើផ្លូវបន្ថែមផងដែរ ដើម្បីការពារសុវត្ថិភាព។ កម្មវិធីរបស់ក្រុមហ៊ុន Tesla ត្រូវបានគេសន្មត់ធ្វើឱ្យប្រាកដថា អ្នកបើកបរកំពុងយកចិត្តទុកដាក់ ហើយលក្ខណៈពិសេសនេះត្រូវប្រើប្រាស់តែក្នុងលក្ខខណ្ឌសមស្រប ដូចជាការបើកបរលើផ្លូវហាយវេជាដើម៕ (ប្រភព ៖ BBC)
ចែករំលែកព័តមាននេះ