អ៊ីស្រាអែលចាប់ផ្ដើមបង្ហូរទឹកសមុទ្រចូលពន្លិ.ចរូងក្រោមដីរបស់ក្រុមហាម៉ាស់
សង្គ្រាមអ៊ីស្រាអែលនិងហាម៉ាស់ ៖ កាសែត THE WALL STREET JOURNAL រាយការណ៍នាថ្ងៃទី១៣
សង្គ្រាមអ៊ីស្រាអែលនិងហាម៉ាស់ ៖ កាសែត THE WALL STREET JOURNAL រាយការណ៍នាថ្ងៃទី១៣ ធ្នូថា កងទ័ពអ៊ីស្រាអែលចាប់ផ្ដើមបូមទឹកសមុទ្របង្ហូរចូលពន្លិចបណ្ដារូងក្រោមដីរបស់ពួកហាម៉ាស់នៅជ្រោយហ្គាហ្សា។ នោះជាការដកស្រង់ប្រភពពីបណ្ដាអ្នកទទួលខុសត្រូវអាមេរិកដែលទទួលព័ត៌មាននោះ។
តាមកាសែតនេះថាប្រតិបត្តិការបូមទឹកសមុទ្រមេឌីទែរ៉ាណេ ពន្លិចបណ្ដារូងក្រោមដីជាការចាប់ផ្ដើម ដែលនោះជាបច្ចេកទេសមួយក្នុងចំណោមបច្ចេកទេសប្រើដោយអ៊ីស្រាអែល ប៉ុនប៉ងកម្ទេចរូងក្រោមដីទាំងនេះ ក្នុងក្របខណ្ឌនៃការខិតខំប្រឹងប្រែងមួយសំដៅកម្ទេចជាស្ថាពរហេដ្ឋារចនាសម្ព័ន្ធក្រោមដីរបស់ពួកហាម៉ាស់នៅជ្រោយហ្គាហ្សា។
អ្នកនាំពាក្យម្នាក់របស់ក្រសួងការពារប្រទេសអ៊ីស្រាអែល បានបដិសេធមិនធ្វើអត្ថាធិប្បាយដោយអះអាងថា ប្រតិបត្តិបង្ហូរទឹកពន្លិចបណ្ដារូងក្រោមដីរបស់ហាម៉ាស់ ជាការសម្ចាត់មួយខាងកិច្ចការពារ។ តាមកាសែត WALL STREET JOURNALដដែលថា ប្រតិបត្តិការនោះប្រហែលប្រើពេលច្រើនសប្ដាហ៍ និងអាចផ្ដល់បណ្ដាផលវិបាកអំឡុងពេលយូរ ពិសេសប៉ះពាល់ដល់ទឹកក្រោមដីនៅជ្រោយហ្គាហ្សាដែលផ្ដល់ទឹកស្អាតដល់ប្រជាជនប៉ាឡេស្ទីន។
ការព្រួយបារម្ភមួយទៀតគឺលើវត្តមានចំណាប់ខ្មាំង ដែលឃុំទុកដោយពួកហាម៉ាស់ ក្នុងបណ្ដារូងក្រោមដី។ ក្នុងសន្និសីទសារព័ត៌មានមួយនៅសេតវិមានកាលពីថ្ងៃទី១២ធ្នូ ប្រធានាធិបតីអាមេរិក លោកចូ បៃដិន មិនបានលើកពីប្រសិទ្ធភាពនៃយុទ្ធសាស្ត្របញ្ចូលទឹកពន្លិចរូងក្រោមដី តែលោកលើកពីគ្រោះថ្នាក់នៃការធ្វើបែបនោះចំពោះចំណាប់ខ្មាំងយ៉ាងតិច១០០នាក់ ដែលពួកហាម៉ាស់នៅឃុំទុកនៅឡើយ។ លោកថាមានការអះអាងនានាដែលថា គ្មានចំណាប់ខ្មាំងណាម្នាក់ក្នុងរូងក្រោមដីណាមួយឡើយ។ ខ្ញុំមិនបានដឹងរឿងនេះច្បាស់ទេ។
បញ្ហាប្រសិទ្ធភាពក្នុងការបូមទឹកសមុទ្រពន្លិចរូងក្រោមដី ដែលមានប្រវែងសរុបរហូតដល់ប្រមាណជាជាង៤៨០គីឡូម៉ែត្រ ហើយមានមួយផ្នែកប្រដាប់ដោយទ្វារប្លាំងដាស់ នៅតែជាកម្មវត្ថុនៃការវាយតម្លៃរបស់កងទ័ពអ៊ីស្រាអែលនៅឡើយ។ កាសែតនោះរំឭកថាកាលពីឆ្នាំ២០១៥ អេហ្ស៊ីបធ្លាប់ប្រើទឹកសមុទ្រពន្លិចបណ្ដាផ្លូវរូងក្រោមដីរត់ពន្ធនៅក្រោមប៉ុស្តិ៍ព្រំដែនរ៉ាហ្វាហ៍ដែរ៕
ចែករំលែកព័តមាននេះ