ក្រុងមួយនៅវៀតណាម បង្កើតផែនការជួយស្ត្រីបម្រើសេវាកម្សាន្ត ដែលឈប់ពីរបរនេះ
ប្រទេសវៀតណាម ៖ មជ្ឈមណ្ឌលកណ្តាលនៃទីក្រុងដាណាង (Da Nang) ប្រទេសវៀតណាម កំពុង
ប្រទេសវៀតណាម ៖ មជ្ឈមណ្ឌលកណ្តាលនៃទីក្រុងដាណាង (Da Nang) ប្រទេសវៀតណាម កំពុងបង្កើតផែនការគាំទ្រដល់ស្ត្រីបម្រើសេវាកម្សាន្ត ដែលចង់ឈប់ពីរបរចិញ្ចឹមជីវិតមួយនេះ តាមរយៈការផ្តល់ប្រាក់ក្នុងម្នាក់ចំនួន ២លានដុង ដែលស្មើនឹង ៨២ដុល្លារអាមេរិក។ នេះបើយោងតាមប្រភពពីសារព័ត៌មាន VnExpress ចេញផ្សាយកាលពីថ្ងៃទី ១១ ខែ ធ្នូ ឆ្នាំ ២០២៣។
យោងតាមផែនការដែលព្រាងដោយគណៈកម្មាធិការប្រជាជនក្រុង ដែលបានដាក់ជូនក្រុមប្រឹក្សាប្រជាជនរួចរាល់ ដើម្បីអនុម័តក្នុងសប្តាហ៍នេះ ថវិកានឹងត្រូវបានទាញយកចេញពីថវិកាក្រុងផ្ទាល់តែម្តង។
អតីតស្ត្រីបម្រើសេវាកម្សាន្តម្នាក់ៗ ដែលត្រូវបានគាំទ្រដោយផែនការខាងលើ នឹងត្រូវដាក់ក្នុងវគ្គបណ្តុះបណ្តាលរយៈពេល៣ខែ ដើម្បីរៀនវិជ្ជាជីវៈជំនាញ ហើយបន្ទាប់ពីបញ្ចប់វគ្គសិក្សា ពួកគេម្នាក់ៗ នឹងត្រូវបានជួយក្នុងការស្វែងរកការងារដំបូង ស្របតាមវិជ្ជាជីវៈដែលពួកគេបានចុះឈ្មោះរៀន។
ផែនការនេះមានគោលបំណងធ្វើឱ្យប្រាកដថា ជំនួយ និងការគាំទ្រនឹងត្រូវបានអនុវត្តដោយមិនរើសអើ.ងចំពោះមនុស្សដែលមានអាយុធ្វើការ ដែលបានបោះបង់ការសិក្សាមុនអាយុ ក៏ដូចជាយុវវ័យដែលជាប់មានកំណត់ត្រាទោសផងដែរ៕
ចែករំលែកព័តមាននេះ