កូវីដ-១៩! ប.ង្ខំឱ្យរោងចក្រកាត់ដេរជាង១០០នៅមីយ៉ាន់ម៉ាបិទទ្វារ ធ្លាក់ចុះប្រាក់ចំណូល៤០%
មីយ៉ាន់ម៉ា ៖ នៅក្នុងឧស្សាហកម្មកាត់ដេររបស់ប្រទេសមីយ៉ាន់ម៉ា ដែលប្រតិបត្តិការជាមួយរោងចក្រ
មីយ៉ាន់ម៉ា ៖ នៅក្នុងឧស្សាហកម្មកាត់ដេររបស់ប្រទេសមីយ៉ាន់ម៉ា ដែលប្រតិបត្តិការជាមួយរោងចក្រកាត់ដេរជាង ៧០០ ដោយក្នុងនោះជាង ១០០ បានបញ្ឈប់ប្រតិបត្តិការរបស់ពួកគេ អំឡុងពេលជំងឺរាតត្បាតកូវីដ-១៩ ដែលបណ្តាលឱ្យប្រាក់ចំណូលធ្លាក់ចុះប្រហែល ៤០%។
ប្រភពពី Asia News Network កាលពីថ្ងៃទី ១១ ខែ ធ្នូ ឆ្នាំ ២០២៣ ឧស្សាហកម្មកាត់ដេររបស់ប្រទេសមីយ៉ាន់ម៉ារងផលប៉ះពាល់យ៉ាងខ្លាំង ដោយការរីករាលដាលជំងឺកូវីដ-១៩ ហើយក្នុងចំណោមរោងចក្រកាត់ដេរជាង ៧០០ ដោយក្នុងនោះជាង ៥០ បានបិទនៅក្នុងការផ្ទុះរលកទី១ និងជាង ៥០ ផ្សេងទៀតនៅក្នុងរលកទី២ ហើយឯកសារស្រាវជ្រាវបង្ហាញថា ប្រាក់ចំណូលបានធ្លាក់ចុះ ៤០% ។
លោក U Min Min អនុរដ្ឋមន្ត្រីក្រសួងពាណិជ្ជកម្មមីយ៉ាន់ម៉ា បានថ្លែងថា អំឡុងពេលនៃជំងឺកូវីដ-១៩ ត្រូវបានរកឃើញថា វត្ថុធាតុដើមដែលចាំបាច់សម្រាប់ការរស់រានមានជីវិតនៃឧស្សាហកម្មកាត់ដេរមីយ៉ាន់ម៉ាត្រូវបានផ្គត់ផ្គង់ដោយប្រទេសចិន និងកំពុងបន្តផ្គត់ផ្គង់ជាចម្បងនូវវត្ថុធាតុដើមចាំបាច់ សម្រាប់ការអភិវឌ្ឍន៍ឧស្សាហកម្មមួយនេះ។
ឧស្សាហកម្មកាត់ដេរមិនត្រឹមតែមានប្រយោជន៍មួយផ្នែកសម្រាប់សេដ្ឋកិច្ច រួមទាំងការវិនិយោគរបស់ប្រទេសមីយ៉ាន់ម៉ាប៉ុណ្ណោះទេ ប៉ុន្តែក៏ជាវិស័យដ៏សំខាន់សម្រាប់បង្កើតឱកាសការងារផងដែរ និងជាគោលដៅទី១ នៃការអភិវឌ្ឍន៍ប្រកបដោយនិរន្តរភាព ដែលជាការកាត់បន្ថយភាពក្រីក្រ។
លោក U Min Min បានបន្ថែមចុងក្រោយថា កិច្ចខិតខំប្រឹងប្រែងត្រូវតែធ្វើឡើងដើម្បីជំរុញផលិតកម្មវាយនភ័ណ្ឌរបស់មីយ៉ាន់ម៉ាតាមរយៈការតាំងពិពណ៌ និងដោយការកែលម្អគុណភាព និងស្តង់ដារសម្រាប់ការអភិវឌ្ឍវិស័យកាត់ដេរ ការបង្កើនការវិនិយោគ ការពង្រឹងខ្សែសង្វាក់ផ្គត់ផ្គង់ក្នុងស្រុក និងបរទេស ការបង្កើតសម្ព័ន្ធភាពពាណិជ្ជកម្មប្រកបដោយនិរន្តរភាព និងការផ្តល់អាទិភាពដល់ការផ្លាស់ប្តូរ៕
ចែករំលែកព័តមាននេះ