ឡានដឹកប្រេង ប៉ះជាមួយម៉ូតូ រួចជ្រុលទៅបុ.កឡានដឹកកម្មករ ស្លា.ប់ម្នាក់ និងរបួសច្រើននាក់
- កំពង់ស្ពឺ
ខេត្តកំពង់ស្ពឺ ៖ មានករណីគ្រោះថ្នាក់ចរាចរណ៍រវាងរថយន្តដឹកប្រេងប៉ះជាមួយម៉ូតូមួយគ្រឿង ហើយរេ
ខេត្តកំពង់ស្ពឺ ៖ មានករណីគ្រោះថ្នាក់ចរាចរណ៍រវាងរថយន្តដឹកប្រេងប៉ះជាមួយម៉ូតូមួយគ្រឿង ហើយរេចង្កូតទៅបុ.ករថយន្តដឹកកម្មករ បណ្ដាលឱ្យមនុស្សម្នាក់បានស្លា.ប់នៅក្នុងកន្លែង និងមានអ្នករងរបួសជាច្រើននាក់ ត្រូវបានសមត្ថកិច្ចអន្តរាគមន៍ជួយសម្រួលភ្លាមផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង៥និង២៥នាទីព្រឹកថ្ងៃទី១២ ធ្នូ ឆ្នាំ២០២៣ នៅលើផ្លូវជាតិលេខ៤ គីឡូម៉ែត្រលេខ២៣-២៤ ស្ថិតក្នុងភូមិម្កាក់ ឃុំស្នំក្រពើ ស្រុកគងពិសី ខេត្តកំពង់ស្ពឺ ។
សមត្ថកិច្ចបានបញ្ជាក់ឱ្យដឹងថា ហេតុការណ៍ខាងលើនេះបង្កឡើងរវាងរថយន្តដឹកប្រេងប៉ះជាមួយម៉ូតូមួយគ្រឿង ហើយរេចង្កូតទៅបុ.ករថយន្តដឹកកម្មករប្រហែល៥០នាក់ ។
បន្ទាប់ពីកើតហេតុ កម្លាំងនគរបាលបានចេញអន្តរាគមន៍សង្គ្រោះ និងសម្រួលចរាចរណ៍មិនបណ្តាលឱ្យកកស្ទះឡើយ ។ តាមព័ត៌មានបឋមបានឱ្យដឹងថា បណ្តាលឱ្យស្លា.ប់មនុស្សម្នាក់ជាអ្នកបើកម៉ូតូ និងរងរបួសកម្មករមួយចំនួន កំពុងសង្គ្រោះដោយបញ្ជូនទៅមន្ទីរពេទ្យនៅជិតកន្លែងកើតហេតុ(ពេទ្យបង្អែកស្រុក) ។ ក្រោយកើតហេតុ អ្នកបើកបររថយន្តដឹកប្រេងរត់គេចខ្លួនបាត់ រីឯអ្នកបើករថយន្តដឹកកម្មកររងរបួសធ្ងន់ ។
ពេលនេះ សមត្ថកិច្ចកំពុងធ្វើកំណត់ហេតុ និងស្រាវជ្រាវរកឈ្មោះក្រុមហ៊ុននិងអ្នកបើកបរ ដើម្បីឲ្យចូលខ្លួនមកដោះស្រាយតាមនីតិវិធី ៕
ចែករំលែកព័តមាននេះ