ADផ្ទាំងផ្សព្វផ្សាយពាណិជ្ជកម្ម

Picture

ទុក​ពេល​១​ស​ប្តា​ហ៍! ​ម្ចាស់​អាជីវកម្ម​លក់ដូរ​នៅ​ជាប់​របង​ពេទ្យ​កុមារ​ជាតិ ត្រូវ​រុះរើ​ចេញ

2 ខែ មុន
  • ភ្នំពេញ

រាជធានី​ភ្នំពេញ​ ៖​ តូប​លក់ដូរ​នៅ​លើ​ចិញ្ចើម​ផ្លូវ​ជុំវិញ​មន្ទីរពេទ្យ​កុមារ​ជាតិ ត្រូវ​បាន​អាជ្ញាធរ

រាជធានី​ភ្នំពេញ​ ៖​ តូប​លក់ដូរ​នៅ​លើ​ចិញ្ចើម​ផ្លូវ​ជុំវិញ​មន្ទីរពេទ្យ​កុមារ​ជាតិ ត្រូវ​បាន​អាជ្ញាធរ ខណ្ឌទួលគោក ជូនដំណឹង​អោយ​រុះរើ​ចេញ​ ដោយ​ទុក​រយៈពេល​១​ស​ប្តា​ហ៍ ​។ ​នេះ​បើ​តាម​សេចក្តី​ជួន​ដំណឹង​របស់​រដ្ឋបាល​ខណ្ឌទួលគោក​ដែល​បាន​ចេញ​សេចក្ដីជូនដំណឹង​ជា​លើក​ចុង​ក្រោយ​។

ការ​ចុះ​ណែនាំ និង​បិទ​សេចក្តី​ជូន​ដំណឹង​អោយ​រុះរើ​នេះ បានធ្វើ​ឡើង​កាលពី​ព្រឹក​ថ្ងៃ​ទី​១១ ខែធ្នូ ឆ្នាំ ២០២៣ នេះ​ ដឹកនាំលោក ស៊ឹ​ម សុ​ផង់ អភិបាលរង​ខណ្ឌទួលគោក ។

លោក ស៊ឹ​ម សុ​ផង់ អភិបាលរង​ខណ្ឌទួលគោក បានអោយ​ដឹង​ថា កន្លង​មក អាជីវករ​បាន​យក​ចិញ្ចើម​ផ្លូវ​លក់ដូរ រំលោភ​លើ​ផ្លូវ ធ្វើ​ឲ្យ​បាត់បង់​សណ្ដាប់ធ្នាប់ និង​បង្ក​ការ​កក់​ស្ទះចរាចរណ៍ ហើយ​ត្រូវ​បាន​អាជ្ញាធរ​ខណ្ឌទួលគោក​បាន​ចុះ​ជូនដំណឹង​ដល់​ម្ចាស់​អាជីវកម្ម នៅ​ជុំវិញ​របង​ពេទ្យ​កុមារ​ជាតិ​ជា​ច្រើន​លើក​មក​ហើយ​ ។​ ប៉ុន្តែ​ម្ចាស់​អាជីវកម្ម​ទាំងនោះ​មិន​បាន​ចូលរួម​សហការ​ជាមួយ​អាជ្ញាធរ​ឡើយ​។ ថ្ងៃនេះ​អាជ្ញាធរ​បាន​ចេញ​សេចក្ដីជូនដំណឹង​នេះ​ជា​លើក​ចុង​ក្រោយ​ក្នុង​រយៈពេល​មួ​យស​ប្តា​ហ៍​ដើម្បី​ឲ្យ​ពួក​គាត់​រុះរើ​ចេញ​ក្នុង​ករណី​មិន​ចូលរួម​សហការ​ជាមួយ​អាជ្ញាធរ នោះ​អាជ្ញាធរ​និង​ចាត់ការ​វិធានការ​រដ្ឋបាល​។

ក្នុង​សេចក្ដីជូនដំណឹង​របស់​រដ្ឋបាល​ខណ្ឌ សូម​ជម្រាប​ជូន​ដល់​បងប្អូន​ប្រជាពលរដ្ឋ ម្ចាស់​អាជីវកម្ម​លក់ដូរ​គ្រប់​ប្រភេទ នៅ​លើ​ចិញ្ចើម​ផ្លូវ​អម​​សង​ខាង​​ផ្លូវ បរិវេណ​ជុំវិញ​មន្ទីរពេទ្យ​កុមារ​ជាតិ ក្នុង​សង្កាត់​ទឹកល្អក់​ទី​១ ខណ្ឌទួលគោក​ទាំងអស់ មេត្តា​ជ្រាប​ថា ដើម្បី​ចូលរួម​សហការ​រក្សា​សណ្តាប់ធ្នាប់​តាម​ដងផ្លូវ និង​ការ​ប្រើប្រាស់​ចិញ្ចើម​ផ្លូវ​សាធារណៈ ឱ្យ​មាន​របៀបរៀបរយ ក្នុង​ន័យ​ដោះស្រាយ​បញ្ហា​កកស្ទះ​ចរាចរណ៍ កាត់​បន្ថយ​គ្រោះថ្នាក់​ចរាចរណ៍ និង​លើកកម្ពស់​សោភ័ណ​ភាព​រាជធានី​ភ្នំពេញ រដ្ឋបាល​ខណ្ឌទួលគោក ស្នើ​សុំ​ឱ្យ​លោក លោកស្រី ម្ចាស់​អាជីវកម្ម​ទាំងអស់​ខាងលើ បញ្ឈប់​ជា​បន្ទាន់​ក្នុង​ការ​ប្រកប​អាជីវកម្ម លក់ដូរ​គ្រប់​ប្រភេទ​រំលោភ​លើ​ចិញ្ចើម​ផ្លូវ និង​ទ្រូងផ្លូវ ឬត​សំ​យ៉ាប​រំលោភ​លើ​ចិញ្ចើម​ផ្លូវ​សាធារណៈ និង​ត្រូវ​ធ្វើការ​រុះរើ​ចេញ ដោយ​ទុក​រយៈពេល​ឱ្យ​៧​ថ្ងៃ ចាប់ពី​ថ្ងៃ​ជូនដំណឹង​នេះ​តទៅ​៕​

អត្ថបទសរសេរ ដោយ

កែសម្រួលដោយ