ADផ្ទាំងផ្សព្វផ្សាយពាណិជ្ជកម្ម

Picture

​ជិត​១០​ថ្ងៃ​! ស្រាវជ្រាវ​រកឃើញ​​អ្នក​បើក​ឡាន​ ព្រូស​បុ.ក​មនុស្ស​​​ស្លា.ប់

2 ខែ មុន
  • ភ្នំពេញ

រាជធានី​ភ្នំពេញ ៖ កាលពី​ថ្ងៃ​ទី​១០ ខែធ្នូ ឆ្នាំ​២០២៣ កម្លាំង​ជំនាញ​ការិយាល័យ​នគរបាល​ចរាចរណ៍​ផ្លូវគោក នៃ​ស្នងការដ្ឋាន​នគរបាល​រាជធានី​ភ្នំពេញ បាន​ធ្វើការ​ស្រាវជ្រាវ និង​ឈាន​ដល់​ការ​ចាប់​ខ្លួន​អ្នកបើកបរ​រថយន្ត​ម្នាក់ បើក​បុក​អ្នក​ជិះ​ម៉ូតូ​បណ្តាល​ឲ្យ​ស្លាប់​បាត់បង់​អាយុជីវិត​នៅ​ម្តុំ​រង្វង់​មូល​កោះ​ពេជ្រ…

រាជធានី​ភ្នំពេញ ៖ កាលពី​ថ្ងៃ​ទី​១០ ខែធ្នូ ឆ្នាំ​២០២៣ កម្លាំង​ជំនាញ​ការិយាល័យ​នគរបាល​ចរាចរណ៍​ផ្លូវគោក នៃ​ស្នងការដ្ឋាន​នគរបាល​រាជធានី​ភ្នំពេញ បាន​ធ្វើការ​ស្រាវជ្រាវ និង​ឈាន​ដល់​ការ​ចាប់​ខ្លួន​អ្នកបើកបរ​រថយន្ត​ម្នាក់ បើក​បុក​អ្នក​ជិះ​ម៉ូតូ​បណ្តាល​ឲ្យ​ស្លាប់​បាត់បង់​អាយុជីវិត​នៅ​ម្តុំ​រង្វង់​មូល​កោះ​ពេជ្រ បញ្ជូន​ដល់​ដៃ​តុលាការ​ហើយ ដែល​សំណុំរឿង​នេះ​ត្រូវ​បាន​ស្ថាប័ន​អយ្យកា​របើក​ការ​ស៊ើបសួរ តាម​នីតិវិធី ។ ជនសង្ស័យ​ដែល​បើកបរ​បង្ក​ឲ្យ​ស្លាប់​អ្នក​ដ​ទៃ​នោះ ​ឈ្មោះ លី ថា​ដា​រ៉ា​វិ ភេទ ប្រុស អាយុ​៤២ឆ្នាំ មុខរបរ​នៅផ្ទះ រស់នៅ​ភូមិ​ក្តី​តា​កុយ សង្កាត់​វាល​ស្បូវ ខណ្ឌ​ច្បារ​អំពៅ រាជធានី​ភ្នំពេញ ។

សូម​ជម្រាប​ថា អនុវត្ត​តាម​បញ្ជា​ផ្ទាល់​របស់​ឯកឧត្តម ឧត្តម​សេនីយ៍​ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ ជនសង្ស័យ​ម្នាក់​ដែល​បាន​បើករថយន្ត​ម៉ាក TOYOTA PRIUS បណ្តាល​ឲ្យ​បុក​ស្លាប់​អ្នកដំណើរ នៅ​ចំណុច​ម្តុំ​រង្វង់​មូល​កោះ​ពេជ្រ វិ​ថី​សួនច្បារ ប្រសព្វ​វិ​ថី​កោះ​ពេជ្រ សង្កាត់​ទន្លេ បា​សាក់ ខណ្ឌចំការមន ត្រូវ​បាន​កម្លាំង​ជំនាញ​ការិយាល័យ​នគរ បាល​ចរា​ចរណ៍​ផ្លូវគោកនៃ​ស្នងការដ្ឋាន​នគរ​បាល​រាជធានី​ភ្នំពេញ សហការ​ជាមួយ​កម្លាំង​ប៉ុស្តិ៍​នគរ​បាល​រដ្ឋ​បាល​វាល​ស្បូវ នៃ​អធិការដ្ឋាន​នគរបាល​ខណ្ឌ​ច្បារ​អំពៅ ស្រាវជ្រាវ និង​ឈាន​ដល់​ការ​ចាប់​ឃាត់​ខ្លួន​ ​កាលពី​រសៀល​ថ្ងៃ​ទី​០៩ ខែធ្នូ ឆ្នាំ​២០២៣ ។

ការ​ស្រាវជ្រាវ និង​ឃាត់ខ្លួន​ជនសង្ស័យ​ខាងលើ​នេះ ដោយ​មានការ​ដឹកនាំ​ពី​លោក​វរសេនីយ៍ឯក សែ​ម រតនា ស្នងការ​រង​ទទួល​ដឹកនាំ​ការិយាល័យ​នគរបាល​ចរាចរណ៍​ផ្លូវគោក និង​លោក​វរ​សេនី យ៍​ឯក ដេ ម៉ៅ នាយការិយាល័យ​នគរបាល​នគរបាល​ចរាចរណ៍​ផ្លូវគោក អនុវត្ត​ផ្ទាល់ ។ បើ​តាម​លោក​វរសេនីយ៍ឯក សែ​ម រតនា ស្នងការ​រង បាន​ថ្លែង​ឱ្យ​ដឹង​ថា ករណី​រថយន្ត​ម៉ាក TOYOTA PRIUS ពណ៌​ស មិន​ស្គាល់​ផ្លា​ក​លេខ​បង្ក​គ្រោះថ្នាក់​ចរាច​ណ៍​ខាង លើ គឺ​កម្លាំង​ជំនាញ​បាន​ខិតខំ​យកចិត្តទុកដាក់​បំផុត​ធ្វើការ​ស្រាវ ជ្រាវ​តាម​មុខសញ្ញា​ជា​ប្រចាំ តាម​រយៈ​កាមេរ៉ា​សុវត្ថិភាព​ហើយ​ការ ស្រាវជ្រាវ និង​ចំណាយពេល​ជា​ច្រើន​ថ្ងៃ​ទើប​ឈាន​ដល់កំណត់​បាន​មុខសញ្ញា​ជនសង្ស័័យ​ខាងលើ​នេះ ។

​នៅ​ចំពោះ​មុខ​សមត្ថកិច្ច ​ជនសង្ស័យ​សារភាព​ថា មុន​ពេល​កើតហេតុ​ រូបគេ​បាន​ផឹកស្រា​បៀរ​អស់​០៨​កំប៉ុង​នៅផ្ទះ​បងធម៌ ក្នុង​បុរី​សម្បត្តិ​មាន​ហេង សង្កាត់​ព្រែក​ឯង ខណ្ឌ​ច្បារ​អំពៅ រាជធានី​ភ្នំពេញ ដែល​មាន​គ្នា​០៧នាក់ ។ លុះ​ការ​ផឹកស៊ី​រហូត​ដល់​៤​ទៀប​ភ្ លឺ​ថ្ងៃ​ទី​០១ ខែធ្នូ ឆ្នាំ​២០២៣ ក៏​ខ្ចី​រថយន្ត​បងធម៌​ម៉ាក TOYOTA PRIUS ពណ៌​.ស ថា​មក​ផ្ទះ ក្នុង​នោះ​ មាន​មិត្តភក្តិ​ម្នាក់​សុំ​មក​ជាមួយ​ដែរ ។

ប៉ុន្តែ​ពួក​គេ​មិន​បាន​ចូល​ផ្ទះ​ទេ ក៏​បើករថយន្ត​ទៅ​ផឹក​បន្ត​នៅ​ម្តុំ​វិមាន​ឯករាជ្យ អស់​ស្រា​បៀរ​មួយ​យួរ​ទៀត បន្ទាប់​មក​មិត្តភក្តិ​ម្នាក់​នោះ​ ក៏​សុំ​ទៅ​ផ្ទះ​មុន ។​ លុះដល់​វេលា​ម៉ោង​៤​និង​៥០​នាទី ថ្ងៃខែ ឆ្នាំ​ដដែល ក៏​មាន​មិត្តភក្តិ​ម្នាក់​ទៀត​តេ​ទូរស័ព្ទ​មក​ខ្លួន​ថា ឱ្យទៅ​ជួយ​ផង​គេ​មាន​ទំនាស់​គ្នា​នៅ​កោះន​រា ខ្លួន​ក៏​បើករថយន្ត​យ៉ាង​លឿន​ដើម្បី​ទៅ​ជួយ​មិត្តភក្តិ នោះ ពេល​ទៅ​ដល់​រង្វង់​មូល​កោះ​ពេជ្រ​ប្រ​ញ៉ាប់​ឡើង​ស្ពាន​កោះ​នា ក៏​បើក​បញ្ច្រាសទិស បណ្តាល​ឲ្យ​បុក​ម៉ូតូ​អ្នកដំណើរ​ស្លាប់ ហើយ​រូបគេ​ក៏​បើករថយន្ត​គេចខ្លួន​តែ​ម្តង​ទៅ ។

សូម​បញ្ជាក់​ទៀត​ថា នៅ​វេលា​ម៉ោង​៤​ទៀប​ភ្លឺ​ថ្ងៃ​ទី​០១ ខែធ្នូ ឆ្នាំ​២០២៣ មាន​ករណី​គ្រោះថ្នាក់​ចរាចរណ៍​មួយ​កើតឡើង​រវាង​រថយន្ត​និង​ម៉ូតូ ។ រថយន្ត​ធ្វើ​ដំណើរ​តាម​បណ្ដោយ​វិ​ថី​កោះ​ពេជ្រ ក្នុង​ទិស​ដៅ​ពី​ជើង​ទៅ​ត្បូង លុះ​មក​ដល់​ចំណុច​កើតហេតុ​បាន​បត់​ឆ្វេង​បញ្ច្រាសទិស​ចរាចរណ៍ បាន​បុក​ម៉ូតូ​មួយ​គ្រឿង​ម៉ាក HONDA CUB ពណ៌​ក្រហម គ្មាន​ផ្លា​ក​លេខ ដែល​ធ្វើ​ដំណើរ​បញ្ច្រាសទិស​គ្នា ក្នុង​ទិស​ដៅ​ពី​ត្បូង​ទៅ​ជើង អ្នក​បើករថយន្ដ​បើក​រត់គេច​ចេញ​បាត់ ។

ចំណែក​ជន​រង​គ្រោះ​ដែល​ជិះ​ម៉ូតូ​ត្រូវ​រថយន្ត​បុក​បណ្តាល​ឲ្យ​បាត់បង់​អាយុជីវិត​ឈ្មោះ ចាន់ ផេង​លាង ភេទ​ប្រុស រស់នៅ​ភូមិ​សន្សំ​កុសល​៣ សង្កាត់​បឹង​ទំពន់​ទី​១ ខណ្ឌមានជ័យ រាជធានី​ភ្នំពេញ ។ សព​ជន​រង​គ្រោះ​ត្រូវ​បាន​ក្រុម​គ្រួសារ​យក​ទៅ​ធ្វើបុណ្យ​បូជា​តាម​ប្រពៃណី ។ ជន​បង្ក​គេចខ្លួន​បាន​ជិត​១០ថ្ងៃ ទើប​សមត្ត​កិច្ច​ស្រាវជ្រាវ តាម​រក​ឃើញ និង​ចាប់​បញ្ជូន​ទៅ​តុលាការ ដើម្បី​ចាត់ការ​តាម​ផ្លូវច្បាប់ ៕ ​

អត្ថបទសរសេរ ដោយ