សមាជិកព្រឹទ្ធសភាអាមេរិកម្នាក់ថា ខ្ទឹមសរបស់ចិន គឺជាហានិភ័យសន្តិសុខជាតិ
អាមេរិក ៖ សមាជិកព្រឹទ្ធសភាអាមេរិកម្នាក់ បានអំពាវនាវឱ្យមានការស៊ើបអង្កេតរបស់រដ្ឋាភិបាល
អាមេរិក ៖ សមាជិកព្រឹទ្ធសភាអាមេរិកម្នាក់ បានអំពាវនាវឱ្យមានការស៊ើបអង្កេតរបស់រដ្ឋាភិបាលលើផលប៉ះពាល់សន្តិសុខជាតិមកពីការនាំចូលខ្ទឹមសពីប្រទេសចិន។ នេះបើយោងតាមប្រភពពី BBC ចេញផ្សាយកាលពីថ្ងៃទី ៩ ខែ ធ្នូ ឆ្នាំ ២០២៣ ។
លោក Rick Scott សមាជិកព្រឹទ្ធសភាមកពីគណបក្សសាធារណរដ្ឋ បានសរសេរលិខិតទៅកាន់លេខាធិការពាណិជ្ជកម្ម ដោយអះអាងថា ខ្ទឹមសរបស់ចិនគ្មានសុវត្ថិភាព ដោយលើកឡើងអំពីវិធីសាស្ត្រផលិតគ្មានអនាម័យ។
ប្រទេសចិន គឺជាអ្នកនាំចេញខ្ទឹមសស្រស់ និងម្ទេសធំជាងគេបំផុតរបស់ពិភពលោក ហើយសហរដ្ឋអាមេរិកគឺជាអ្នកប្រើប្រាស់ដ៏សំខាន់។ ប៉ុន្តែទោះយ៉ាងណា ពាណិជ្ជកម្មនេះមានភាពចម្រូងចម្រាសជាច្រើនឆ្នាំមកហើយ ដោយអាមេរិកចោទចិនថា ទម្លាក់ខ្ទឹមសលើទីផ្សារក្នុងតម្លៃទាបជាងតម្លៃទីផ្សារ។ ចាប់តាំងពីពាក់កណ្តាលទសវត្សឆ្នាំ១៩៩០ មក គេបានមើលឃើញពីការដំឡើងពន្ធធ្ងន់ៗ លើការនាំចូលរបស់ចិន ដើម្បីការពារអ្នកផលិតអាមេរិកពីការឡើងថ្លៃពីទីផ្សារ ហើយនៅឆ្នាំ ២០១៩ អំឡុងពេលរដ្ឋបាលលោក ដូណាល់ ត្រាំ ពន្ធទាំងនេះបានកើនឡើង ហើយក្នុងលិខិតរបស់លោក Scott បានសំដៅលើកង្វល់ដែលមានស្រាប់ទាំងនេះ។
យ៉ាងណាមិញ លោកបានគូសបញ្ជាក់អំពីការព្រួយបារម្ភខាងសុខភាពសាធារណៈយ៉ាងធ្ងន់ធ្ងរចំពោះគុណភាព និងសុវត្ថិភាពខ្ទឹមសដែលដាំនៅបរទេស ជាពិសេសខ្ទឹមសដាំនៅប្រទេសចិន ដោយលោកសំដៅលើការអនុវត្តដែលអះអាងថា ត្រូវបានកត់ត្រាយ៉ាងល្អនៅក្នុងវីដេអូអនឡាញ ប្លុកធ្វើម្ហូប និងភាពយន្តឯកសារ រួមទាំងការដាំខ្ទឹមសក្នុងទឹកស្អុយ។ លោកក៏បានអំពាវនាវឱ្យក្រសួងពាណិជ្ជកម្មចាត់វិធានការក្រោមច្បាប់ ដែលអនុញ្ញាតឱ្យមានការស៊ើបអង្កេតលើផលប៉ះពាល់នៃការនាំចូលជាក់លាក់លើសន្តិសុខរបស់សហរដ្ឋអាមេរិក។
លោក Scott ក៏បានរៀបរាប់លម្អិតជាច្រើនអំពីប្រភេទខ្ទឹមសដែលគួរពិនិត្យមើលផងដែរដូចជា ខ្ទឹម សគ្រប់ប្រភេទ ទាំងមូល ឬបំបែកជាកំពឹស ទោះជាបក ឬអត់ ស្រស់ កក រក្សាទុកបណ្តោះអាសន្ន ខ្ចប់ក្នុងទឹក ឬវិធីផ្សេងៗ រួមទាំងសារធាតុត្រួតពិនិត្យយ៉ាងណាក៏ដោយ ក៏សុវត្ថិភាពចំណីអាហារ គឺជាភាពអាសន្នដែលអាចគំរាមកំហែងយ៉ាងធ្ងន់ធ្ងរដល់សន្តិសុខជាតិ សុខភាពសាធារណៈ និងវិបុលភាពសេដ្ឋកិច្ច។
ការិយាល័យវិទ្យាសាស្ត្រ និងសង្គមកិច្ចៃសាកលវិទ្យាល័យ McGill ទីក្រុង Quebec ប្រទេសកាណាដា ធ្លាប់បានពន្យល់អំពីបញ្ហាវិទ្យាសាស្ត្រ ដោយអះអាងថា គ្មានភស្តុតាងណាមួយដែលថា ទឹកស្អុយត្រូវបានប្រើប្រាស់ជាជីសម្រាប់ដាំខ្ទឹមនៅក្នុងប្រទេសចិននោះទេ។ អត្ថបទចេញផ្សាយដោយសាកលវិទ្យាល័យនៅឆ្នាំ ២០១៧ បានលើកឡើងថា ក្នុងករណីណាក៏ដោយវាគ្មានបញ្ហាជាមួយនេះទេ។ កាកសំណល់មនុស្សមានប្រសិទ្ធភាពដូចជីកាកសំណល់សត្វដែរ។ ការពង្រាយទឹកស្អុយរបស់មនុស្សនៅលើវាលស្រែដែលដាំដំណាំមិនគួរឱ្យទាក់ទាញទេ ប៉ុន្តែមានសុវត្ថិភាពជាងអ្វីដែលអ្នកបានគិតទៅទៀត៕
ចែករំលែកព័តមាននេះ