ចិនបញ្ចុះថ្លៃទិដ្ឋាការសម្រាប់ប្រទេសជាច្រើន ដើម្បីបង្កើនភ្ញៀវទេសចរបរទេស
ចិន ៖ ប្រទេសចិន កាលពីថ្ងៃទី៨ ខែធ្នូ ឆ្នាំ ២០២៣ បានប្រកាសបញ្ខុះថ្លៃទិដ្ឋាការចំនួន ២៥%
ចិន ៖ ប្រទេសចិន កាលពីថ្ងៃទី៨ ខែធ្នូ ឆ្នាំ ២០២៣ បានប្រកាសបញ្ខុះថ្លៃទិដ្ឋាការចំនួន ២៥% សម្រាប់អ្នកដំណើរមកពីប្រទេសជាច្រើន ដោយក្នុងនោះរួមមានទាំងប្រទេសថៃ ជប៉ុន ម៉ិកស៊ិក វៀតណាម និងហ្វីលីពីន ដោយចាប់ផ្តើមពីថ្ងៃទី១១ ខែ ធ្នូ ឆ្នាំ ២០២៣ រហូតដល់ថ្ងៃទី៣១ ខែ ធ្នូ ឆ្នាំ ២០២៤។ នេះបើយោងតាមសេចក្តីថ្លែងការណ៍របស់ក្រសួងការបរទេស និងស្ថានទូតរបស់ប្រទេសចិន។
រហូតមកដល់ពេលនេះ គោលនយោបាយបញ្ចុះថ្លៃទិដ្ឋាការ គ្របដណ្តប់អ្នកធ្វើដំណើររាប់រយលាននាក់ពីប្រទេសជាច្រើន ហើយនេះគឺជាវិធានការចុងក្រោយបង្អស់ដែលប្រទេសចិនបានអនុវត្តនាពេលថ្មីៗនេះ ដើម្បីបង្កើនចំនួនភ្ញៀវទេសចរបរទេស និងពាណិជ្ជករ ចំពេលមានការស្តារឡើងវិញនៃសេដ្ឋ កិច្ចរបស់ប្រទេសសេដ្ឋកិច្ចធំទីពីររបស់ពិភពលោកមួយនេះ៕ (ប្រភព ៖ Reuters)
ចែករំលែកព័តមាននេះ