ថៃចាត់វិធានការលើអ្នកបញ្ចេញព័ត៌មានប៉ះពាល់ទេសចរណ៍
ប្រទេសថៃ ៖ ប៉ូលិសថៃពេលនេះចាប់ផ្ដើមចាត់វិធានការក្ដៅហើយ លើពួកអ្នកបង្កើត ព័ត៌មានដែល
ប្រទេសថៃ ៖ ប៉ូលិសថៃពេលនេះចាប់ផ្ដើមចាត់វិធានការក្ដៅហើយ លើពួកអ្នកបង្កើត ព័ត៌មានដែលចាត់ទុកថៃថាជាប្រទេសមានគ្រោះថ្នាក់។
ប្រតិកម្មបែបនេះគឺបន្ទាប់ពីការសនិ្នដ្ឋាន របស់រដ្ឋាភិបាលថៃដែលថា ព័ត៌មានវាយប្រហារបែបនេះទើបមានផលប៉ះពាល់អវិជ្ជ មានលើអ្នកទេសចិនដែលមកលេងថៃ។ ប៉ូលិសថៃព្រមានថាពួកអ្នកដែលផ្សាយព័ត៌មានក្លែងក្លាយ អាចនាំឲ្យមានប្រតិកម្មជាអវិជ្ជមានហើយនឹងមានការរឹតត្បិតពួកអ្នកដែលផ្សាយព័ត៌មានមិនពិត។
កាលពីថ្ងៃទី៨ធ្នូប៉ូលិសអន្តោប្រវេសន៍ថៃ បានឃាត់ខ្លួននារីចិនម្នាក់ ដែលផ្សព្វផ្សាយព័ត៌មានពីរឿងSO NANA នៅក្រុងបាងកកដោយគូសបញ្ជាក់ថា ទីនោះជាកន្លែងគ្រោះថា្នក់មួយសម្រាប់នារី។ នារីចិនរូបនោះលោកស្រីវ៉ាង ដែលមកកាន់ប្រទេសថៃជាមួយទិដ្ឋាការស្នាក់នៅបានដល់យ៉ាងតិច៥ឆ្នាំបានសារភាពថា ខ្លួនពិតជាផលិតព័ត៌មានតែពុំមានចេតនាបំផ្លាញប្រទេសថៃឡើយ។
នាងអះអាងថាគោលដៅគ្រាន់តែចង់ប្រាប់ ដល់ពួកជនបរទេសពីបណ្ដាកន្លែងមួយចំនួន ដែលបណ្ដានារីត្រូវប្រុងប្រយ័ត្នប៉ុណ្ណោះ។ លោកស្រីវ៉ាងដែលរស់នៅក្នុងផ្ទះប្រណិតមួយជួលនៅក្រុងបាងកក ត្រូវបានប៉ូលិសអន្តោប្រវេសន៍ថៃឃាត់ខ្លួន ទៅសាកសួរលើរឿងទាក់ទិននឹងSO NANA ក្រុងបាងកក ដោយក្នុងវីដេអូTIK TOKមួយ នាងបានហៅកន្លែងនោះថាមិនមានសន្តិសុខសម្រាប់នារីឡើយ៕
ចែករំលែកព័តមាននេះ