យុវជនម្នាក់ដែលជាជនដៃដល់ពាក់ព័ន្ធករណីសម្លា.ប់សង្សារក្នុងបន្ទប់ នៅរាជធានីភ្នំពេញ រួចចងព្យួរស.ពក្នុងបន្ទប់ជួល ហើយរត់គេចខ្លួន តែរត់មិនរួច ក៏បានចូលទៅសារភាព
ខេត្តសៀមរាប ៖ បើតាមសេចក្តីរាយការណ៍បានឲ្យដឹងថា យុវជនម្នាក់ដែលជាជនដៃដល់ពាក់ព័ន្ធករណីសម្លា.ប់សង្សារក្នុងបន្ទប់ នៅរាជធានីភ្នំពេញ រួចចងព្យួរស.ពក្នុងបន្ទប់ជួល ហើយរត់គេចខ្លួន តែរត់មិនរួច ក៏បានចូលទៅសារភាព កាលពីថ្ងៃទី៨ ខែធ្នូ ឆ្នាំ២០២៣ នៅចំពោះមុខសមត្ថកិច្ចនគរបាលមូលដ្ឋានស្រុកក្រឡាញ់ ខេត្តសៀមរាប ។
ជនសង្ស័យជាជនដៃដល់ខាងលើនេះ មានឈ្មោះ ភុំ ផា ភេទប្រុស អាយុ២០ឆ្នាំ រស់នៅភូមិអូរគគីកណ្ដាល ឃុំលំលង ស្រុកអន្លង់វែង ខេត្តឧត្តរមានជ័យ ។ ខណៈពេលចូលសារភាព ជនសង្ស័យបានរៀបរាប់ប្រាប់សមត្ថកិច្ចឱ្យដឹងថា «នៅវេលាម៉ោងប្រមាណ៧យប់ ថ្ងៃទី៥ ខែធ្នូ ឆ្នាំ២០២៣ ខ្លួនបានធ្វើសកម្មភាពច្របា.ច់.កសង្សារឈ្មោះ ស៊ិម ម៉ារ៉ាឌី ភេទស្រី រហូតដល់ស្លា.ប់នៅក្នុងបន្ទប់ជួលរបស់ខ្លួន ស្ថិតក្នុងខណ្ឌស្ទឹងមានជ័យ រាជធានីភ្នំពេញ»។
ជនសង្ស័យសារភាពបន្តថា «ក្រោយពីធ្វើសកម្មភាពរួច ខ្លួនបានយកសា.កស.ពសង្សារទៅច.ង.កព្យួរជាប់នឹងទ្វារបន្ទប់ទឹក ហើយខ្លួនក៏បានដេកនៅក្នុងបន្ទប់កើតហេតុចំនួន១យប់ លុះព្រឹកឡើងម៉ោងប្រហែល៥ទៀបភ្លឺឈានចូលថ្ងៃទី០៦ ខែធ្នូ ឆ្នាំ២០២៣ ខ្លួនក៏ធ្វើដំណើរទៅខេត្តឧត្តរមានជ័យ ជាស្រុកកំណើត និងស្នាក់នៅទីនោះមួយយប់ ក្នុងគោលបំណងដើម្បីរត់គេចខ្លួន»។
ជនសង្ស័យសារភាពបន្តទៀតថា «ប៉ុន្តែការរត់គេចខ្លួនពេញមួយថ្ងៃនោះ ហាក់បីដូចជាព្រលឹងសង្សារអន្ទោលតាមប្រាណ នៅមិនសុខ ទៅមុខមិនឆ្ងាយ។ លុះនៅព្រឹកថ្ងៃទី០៧ ខែធ្នូ ឆ្នាំ២០២៣នេះ ខ្លួនក៏ធ្វើដំណើរចេញពីស្រុកកំណើត វិលវល់មកដល់ស្រុកក្រឡាញ់ ខេត្តសៀមរាប ក៏សម្រេចចិត្តចូលសារភាព និងប្រគល់ខ្លួនឲ្យសមត្ថកិច្ចចាត់ការតាមផ្លូវច្បាប់តែម្តងទៅ»។
ជនសង្ស័យខាងលើបញ្ជាក់បន្ថែមថា «មូលហេតុដែលរូបគេជ្រុលដៃសម្លា.ប់សង្សារនោះ ដោយសារពួកខ្លួនទាំង២នាក់បានឈ្លោះប្រកែកគ្នា»។
ក្រោយពីជនសង្ស័យបានចូលសារភាពនៅចំពោះមុខសមត្ថកិច្ចពាក់ព័ន្ធករណីខាងលើរួចមក លោកឧត្តមសេនីយ៍ទោ ស្នងការ និងលោកឧត្តមសេនីយ៍ត្រី ស្នងការរងទទួលផែលនគរបាលព្រហ្មទណ្ឌខេត្តសៀមរាប បានត្រៀមរៀបចំឯកសារគ្រប់គ្រាន់ និងប្រគល់ជនដៃដល់ខាងលើនេះ ឲ្យទៅស្នងការដ្នាននគរបាលរាជធានីភ្នំពេញ ដែលជាម្ចាស់ករណី ដើម្បីបន្តនីតិវិធី។
សូមបញ្ជាក់ថា ៖ កាលពីវេលាម៉ោង១១ព្រឹក ថ្ងៃទី៧ ខែធ្នូ ឆ្នាំ២០២៣ មានការភ្ញាក់ផ្អើលមួយស្ថិតនៅបន្ទប់ជួលភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ដោយគេប្រទះឃើញកម្មការិនីម្នាក់ស្លា.ប់ដោយការច.ង.ក។
ជនរងគ្រោះមានឈ្មោះ ស៊ីម រ៉ាឌី ភេទស្រី អាយុ១៩ឆ្នាំ មុខរបរកម្មការិនីរោងចក្រកាត់ដេរ ស្នាក់នៅបន្ទប់ជួល១២សេ ស្ថិតក្នុងភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ និងមានស្រុកកំណើតនៅភូមិសំបួរ ឃុំព្រៃគុយ ស្រុកំពង់ស្វាយ ខេត្តកំពង់ធំ។
តាមការបំភ្លឺពីឈ្មោះ លំ តាំងយី ភេទស្រី អាយុ៤៣ឆ្នាំ ត្រូវជាម្តាយជនរងគ្រោះបានប្រាប់ឲ្យដឹងថា «កាលពីថ្ងៃទី៥ ខែធ្នូ ឆ្នាំ២០២៣ វេលាម៉ោង១៩និង១៥នាទីយប់ មិនឃើញកូនស្រីគាត់ចេញពីធ្វើការត្រឡប់មកបន្ទប់ជួលដែលស្នាក់នៅជាមួយគាត់ទេ ពេលនោះគាត់បានតេទូរស័ព្ទចំនួន២ដង តែគ្មានអ្នកលើក ហើយគាត់ខំដើររក ក៏រកមិនឃើញដែរ»។
ម្តាយជនរងគ្រោះបានប្រាប់ឲ្យដឹងថា «លុះរហូតមកដល់ថ្ងៃទី៧ ខែធ្នូ រូបគាត់ក៏បបួលបងប្អូនជីដូនមួយរបស់គាត់មកមើលនៅបន្ទប់ជួលលេខ៣៧ ជាន់ទី១ ស្ថិតក្នុងភូមិត្រពាំងថ្លឹង២ សង្កាត់ចោមចៅទី១ ខណ្ឌពោធិ៍សែនជ័យ ដែលត្រូវជាសង្សាររបស់កូនស្រីគាត់ ឈ្មោះ ផា ភេទប្រុស តែទ្វារចាក់សោខាងក្រៅ។ ពេលនោះ គាត់ក៏ស្រាប់តែធុំក្លិនស្អុយ បន្ទាប់មករូបគាត់ក៏ចុចពិលអើតមើល ក៏ឃើញកូនស្រីរបស់គាត់ច.ង.កជាប់ទៅនឹងទ្វារបន្ទប់ទឹក ទើបរាយការណ៍ទៅសមត្ថកិច្ចតែម្តង»។
ក្រោយពីទទួលព័ត៌មានភ្លាម កម្លាំងមូលដ្ឋានបានចុះទៅដល់ចំណុចកើតហេតុ និងធ្វើការហ៊ុមព័ទ្ធកន្លែងកើតហេតុ ដើម្បីរង់ចាំមន្ត្រីជំនាញមកធ្វើកោសល្យវិច័យ។ ក្រោយពីកម្លាំងសមត្ថកិច្ចជំនាញពិនិត្យរួច បានបញ្ជាក់ថា «ជនរងគ្រោះត្រូវបានជនដៃដល់យកខ្នើយខ្ទប់ច្រមុះ រួចយកសា.កស.ពទៅចងព្យួរនៅបន្ទប់ទឹក ចំណែកជនសង្ស័យបានរត់គេចខ្លួនបាត់» ។
សមត្ថកិច្ចក៏បានដាក់ការសង្ស័យថា ករណីខាងលើនេះ គឺជាអំពើឃា.ត.ក.ម្ម។ ភ្លាមនោះៗលោកឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាឲ្យកម្លាំងជំនាញព្រហ្មទណ្ឌ បើកការស៊ើបអង្កេត និងធ្វើការស្រាវជ្រាវជាបន្ទាន់ ដើម្បីតាមប្រម៉ាញ់ចាប់ខ្លួនជនដៃដល់ផងដែរ ។ ក្រោយកើតហេតុ ស.ពជនរងគ្រោះត្រូវបានក្រុមគ្រួសារ និងសាច់ញាតិ ដឹកយកទៅធ្វើបុណ្យបូជាតាមប្រពៃណី៕
ចែករំលែកព័តមាននេះ