ស្នងការបញ្ជាឱ្យកោះហៅមន្ត្រីជាប់កិច្ចសន្យានៅស្តុបអូរបែកក្អមឃាត់ឡាន មកបំភ្លឺនៅការិយាល័យចរាចរណ៍ផ្លូវគោក
- ភ្នំពេញ
រាជធានីភ្នំពេញ ៖ មន្ត្រីជាប់កិច្ចសន្យាម្នាក់ដែលបានចេញឃាត់រថយន្ត ហើយត្រូវបានគេថតបង្ហោះ
រាជធានីភ្នំពេញ ៖ មន្ត្រីជាប់កិច្ចសន្យាម្នាក់ដែលបានចេញឃាត់រថយន្ត ហើយត្រូវបានគេថតបង្ហោះ
រាជធានីភ្នំពេញ ៖ មន្ត្រីជាប់កិច្ចសន្យាម្នាក់ដែលបានចេញឃាត់រថយន្ត ហើយត្រូវបានគេថតបង្ហោះនោះ ត្រូវបានស្នងការ នគរបាលរាជធានីភ្នំពេញ បញ្ជាអោយ កោះហៅចូលមក ការិយាល័យ ចរាចរណ៍ផ្លូវ ដើម្បីបំភ្លឺហើយ ។ នេះបើតាមផេកផ្លូវការរបស់ស្នងការនគរបាលរាជធានីភ្នំពេញដែលបានបង្ហោះបំភ្លឺកាលពីវេលាថ្ងៃត្រង់ថ្ងៃទី៨ ខែធ្នូ ឆ្នាំ២០២៣។
តាមសេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានអោយដឹងថា ទាក់ទងទៅនឹងមន្ត្រីជាប់កិច្ចសន្យា ឈរជើងគោលដៅស្តុបអូរបែកក្អម ចេញឃាត់រថយន្ត បន្ទាប់ពីបានឃើញការផ្សព្វផ្សាយព័ត៌មានផុសនៅលើបណ្តាញសង្គម ឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឱ្យមន្ត្រីការិយាល័យនគរបាលចរាចរណ៍ផ្លូវគោក ធ្វើការស្រាវជ្រាវ និងកោះហៅមន្ត្រីជាប់កិច្ចសន្យាឈ្មោះ សេង កុសល ឈរជើងគោលដៅស្តុបអូរបែកក្អម ដើម្បីសាកសួរបំភ្លឺ ជុំវិញការបង្ហោះវិដេអូនៅគោលដៅស្តុបអូរបែកក្អម ទាក់ទងករណីចេញឃាត់រថយន្ត។បច្ចុប្បន្នមន្ត្រីជាប់កិច្ចសន្យារូបនេះ ត្រូវបានកំពុងសាកសួរនៅការិយាល័យនគរបាលចរាចរណ៍ផ្លូវគោក។
សូមបញ្ជាក់ថា មន្ត្រីជាប់កិច្ចសន្យាមានតួនាទីជាជំនួយសហការការងារជួយសម្រួលការងារចរាចរណ៍ ជាមួយមន្ត្រីនគរបាលចរាចរណ៍ផ្លូវគោក មិនមានសិទ្ធិចាប់ឃាត់យានយន្តល្មើសច្បាប់ចរាចរណ៍នោះឡើយ ៕
ចែករំលែកព័តមាននេះ