អាមេរិកប្រកាសធ្វើសមយុទ្ធយោធានៅហ្គុយយ៉ាន
សហរដ្ឋអាមេរិក-ហ្គុយយ៉ាន ៖ សហរដ្ឋអាមេរិកប្រកាសកាលពីថ្ងៃទី៧ ធ្នូ ពីការធ្វើសមយុទ្ធយោធាជើង
សហរដ្ឋអាមេរិក-ហ្គុយយ៉ាន ៖ សហរដ្ឋអាមេរិកប្រកាសកាលពីថ្ងៃទី៧ ធ្នូ ពីការធ្វើសមយុទ្ធយោធាជើងអាកាសជាទម្លាប់នៅហ្គុយយ៉ានតំបន់អាមេរិកខាងត្បូង។
សមយុទ្ធនោះប្រាកដណាស់សំដៅផ្ដល់ភាពកក់ក្ដៅដល់ហ្គុយយ៉ាន ជាសម្ព័ន្ធមិត្តរបស់ខ្លួនខណៈវេណេស៊ុយអេឡាកំពុងទាមទារយកតំបន់ESSEQUIBO សម្បូរប្រេងកាត ។ ក្រុមប្រឹក្សាសន្តិសុខអ.ស.ប ត្រូវរួមប្រជុំនាថ្ងៃទី៨ធ្នូ ប៉ុនប៉ងសម្រាលភាពតានតឹងរវាងប្រទេសទាំង២។
ស្ថានទូតអាមេរិកប្រចាំប្រទេសហ្គុយយ៉ានប្រកាសនាថ្ងៃទី៧ ធ្នូថា ភាពតានតឹងកើនឡើងរវាងវេណេស៊ុយអេឡានិងហ្គុយយ៉ាន ។ អាមេរិកត្រូវធ្វើសមយុទ្ធជើងអាកាសជាទម្លាប់មួយនៅហ្គុយយ៉ាន ខណៈវេណេស៊ុយអេឡានិងហ្គុយយ៉ាន កំពុងមានជម្លោះនឹងគ្នាលើបញ្ហាតំបន់ESSEQUIBO សម្បូរដោយប្រេងកាតស្ថិតក្រោមការត្រួតត្រារបស់ហ្គុយយ៉ានតែវេណេស៊ុយអេឡាទាមទារថាជាដែនដីខ្លួន។
តាមសេចក្ដីប្រកាសមួយស្ថានទូតអាមេរិកប្រចាំប្រទេសហ្គុយយ៉ានថ្លែងថា ដោយរួមសហការជាមួយកងកម្លាំងការពារហ្គុយយ៉ាន ទីបញ្ជាការដ្ឋានយោធាភាគខាងត្បូងរបស់កងទ័ពអាមេរិក ត្រូវធ្វើប្រតិបត្តិការជើងអាកាសនៅហ្គុយយ៉ាននាថ្ងៃទី៧ ធ្នូ ។ សមយុទ្ធនោះសំដៅពង្រឹងភាពជាដៃគូខាងសន្តិសុខរវាងប្រទេសទាំង២ ព្រមទាំងកិច្ចសហប្រតិបត្តិការតំបន់៕
ចែករំលែកព័តមាននេះ