ខេត្តបន្ទាយមានជ័យ ៖ ពិតជាសំណាងមួយក្នុង១ពាន់គ្រោះថ្នាក់មែន ខណៈប្រជាពលរដ្ឋម្នាក់កំពុងតែភ្ជួរដីស្រែដើម្បីដាំដំឡូងមីក៏ប្រទះឃើញគ្រាប់មីនតោនចំនួន២គ្រាប់កប់ជាន់លើគ្នា សំណាងល្អហើយដែលវាមិនផ្ទុះ ។ ការប្រទះឃើញគ្រាប់យុទ្ធភណ្ឌមិនទាន់ផ្ទុះនេះ នៅវេលាម៉ោង៣និង១៥នាទីរសៀលថ្ងៃទី០៧ ធ្នូ ឆ្នាំ២០២៣…
ខេត្តបន្ទាយមានជ័យ ៖ ពិតជាសំណាងមួយក្នុង១ពាន់គ្រោះថ្នាក់មែន ខណៈប្រជាពលរដ្ឋម្នាក់កំពុងតែភ្ជួរដីស្រែដើម្បីដាំដំឡូងមីក៏ប្រទះឃើញគ្រាប់មីនតោនចំនួន២គ្រាប់កប់ជាន់លើគ្នា សំណាងល្អហើយដែលវាមិនផ្ទុះ ។ ការប្រទះឃើញគ្រាប់យុទ្ធភណ្ឌមិនទាន់ផ្ទុះនេះ នៅវេលាម៉ោង៣និង១៥នាទីរសៀលថ្ងៃទី០៧ ធ្នូ ឆ្នាំ២០២៣ រស់នៅភូមិទ័ពសៀម ឃុំស្លក្រាម ស្វាយចេក ខេត្តបន្ទាយមានជ័យ ។
នគរបាលមូលដ្ឋានបានឲ្យដឹងថា ប្រជាពលរដ្ឋដែលប្រទះឃើញមីននោះឈ្មោះ បេង សេន ភេទប្រុស អាយុ២៨ឆ្នាំ រស់នៅភូមិទ័ពសៀម ឃុំស្លក្រាម ស្វាយចេក ខេត្តបន្ទាយមានជ័យ ។ ជារៀងរាល់ឆ្នាំគាត់តែងភ្ជួរដីស្រែនៅចំណុចខាងលិចឈៀងខាងត្បូងភូមិទ័ពសៀម ឃុំស្លក្រាមប្រហែល១៥០ម៉ែត្រ ដើម្បីដាំដំឡូងមី ។
ប៉ុន្តែឆ្នាំនេះ ពេលគាត់កំពុងតែភ្ជួរក៏ប្រទះឃើញគ្រាប់មីនតោនដាក់កប់ក្នុងដីបន្សល់ទុកពីសម័យសង្គ្រាមដាក់ត្រួតលើគ្នាចំនួន២គ្រាប់ក្នុងដីស្រែរបស់គាត់ រួចបានរាយការណ៍មកនគរបាលប៉ុស្តិ៍រដ្ឋបាលចុះទៅពិនិត្យនៅកន្លែង ហើយភ្លាមៗនោះ នគរបាលប៉ុស្តិ៍រដ្ឋបាលបានរាយការណ៍បន្តទៅមន្ត្រីអង្គការហេឡួត្រាសដ៍ ដើម្បីយកទៅកំទេចចោលផងដែរ ។
ចែករំលែកព័តមាននេះ