ខេត្តស្វាយរៀង ៖ បុរសម្នាក់ខណៈឡើងកា.ប់មែកឈើទាលកម្ពស់ប្រមាណ២៥ម៉ែត្រ ក៏ជួបបញ្ហាបាក់មែកធ្លាក់មកដីសន្លប់ធំ កាលពីវេលាម៉ោង៨ព្រឹកថ្ងៃទី១៩ ឧសភា នៅខាងក្រោយផ្ទះប្រមាណជា២០០ម៉ែត្រ ស្ថិតក្នុងភូមិរកា ឃុំអង្គតាសូរ ស្រុកស្វាយជ្រំ ។ បុរសរងគ្រោះឈ្មោះសោម អេ អាយុ៣៨ឆ្នាំ ជាមនុស្សគ-ថ្លង់ មានទីលំនៅក្នុងភូមិខាងលើ
ខេត្តស្វាយរៀង ៖ បុរសម្នាក់ខណៈឡើងកាប់មែកឈើទាលកម្ពស់ប្រមាណ២៥ម៉ែត្រ ក៏ជួបបញ្ហាបាក់មែកធ្លាក់មកដីសន្លប់ធំ កាលពីវេលាម៉ោង៨ព្រឹកថ្ងៃទី១៩ ឧសភា នៅខាងក្រោយផ្ទះប្រមាណជា២០០ម៉ែត្រ ស្ថិតក្នុងភូមិរកា ឃុំអង្គតាសូរ ស្រុកស្វាយជ្រំ ។ បុរសរងគ្រោះឈ្មោះសោម អេ អាយុ៣៨ឆ្នាំ ជាមនុស្សគ-ថ្លង់ មានទីលំនៅក្នុងភូមិខាងលើ រងរបួសបាក់ឆ្អឹងត្រគាកខាងស្តាំ ដាច់រយៈថ្ងាស ដៃជើងនិងខ្លួនប្រាណ ។
តាមស្ត្រីឈ្មោះសោម សុខ អាយុ៤២ឆ្នាំ ដែលត្រូវជាបងរបស់ជនរងគ្រោះឱ្យដឹងថា នៅថ្ងៃកើតហេតុនោះប្អូនប្រុសរបស់គាត់សោម អេ ត្រូវបានអ្នកជិតខាងជួលឱ្យឡើងកាប់មែកឈើទាលយកធ្វើអុសដុត ។ ខណៈពេលកំពុងតែកាប់នោះ មែកដែលកាប់មិនបាក់បែរជាបាក់មែកដែលកំពុងតោងបណ្តាលឱ្យប្អូនប្រុសគាត់ធ្លាក់ពីចុងឈើទាលចូលទៅក្នុងគុម្ពប្ញស្សីមុតនឹងបន្លាសុសពេញខ្លួន ហើយធ្លាក់បន្តមកដីបោកក្បាលនឹងគល់ឈើរហូតសន្លប់ ។ ក្រោយពេលកើតហេតុភ្លាម រូបគាត់និងអ្នកជួលឱ្យឡើងកាប់អុសបាននាំគ្នាដឹកអ្នករងគ្រោះមកកាន់មណ្ឌលសុខភាពដូនស ដើម្បីឱ្យក្រុមគ្រូពេទ្យជួយសង្គ្រោះហើយក្រោយពីគ្រូពេទ្យព្យាបាលអស់រយៈពេល១ថ្ងៃ១យប់នៅតែមិនបានធូរស្រាល ទើបនៅល្ងាចថ្ងៃទី២០ ឧសភា គ្រូពេទ្យក៏ធ្វើសំបុត្រ បញ្ជូនជនរងគ្រោះមកព្យាបាលបន្តនៅមន្ទីរពេទ្យបង្អែកខេត្ត ។
បច្ចុប្បន្ន ជនរងគ្រោះកំពុងទទួលការព្យាបាលនៅក្នុងមន្ទីរពេទ្យខេត្តដោយការចំណាយទាំងអស់គឺអ្នកដែលជួលជនរងគ្រោះឱ្យឡើងកាប់មែកឈើទាលនោះជាអ្នកចេញ ។ អ្នកកំដរក៏ដូចជាអ្នកជំងឺដែលសម្រាកក្នុងបន្ទប់ជាមួយជនរងគ្រោះ ហើយឮការរៀបរាប់របស់ស្ត្រីជាបងពីហេតុការណ៍ខាងលើ បានលាន់មាត់គ្រប់ៗគ្នាថា ទោះនេះជាគ្រោះអាក្រក់ក្តី តែក៏សំណាងណាស់ដែរ ព្រោះបានគុម្ពប្ញស្សីជួយសម្រាល បើធ្លាក់មកបុកដីតែម្តងនោះកម្ពស់២៥ម៉ែត្របែបនេះច្បាស់ជាត្រូវកាយដីកប់នៅកន្លែងដែលធ្លាក់នោះជាមិនខាន ៕
ចែករំលែកព័តមាននេះ