សភាអាមេរិកមិនអាចអនុម័តកញ្ចប់ថវិកាដ៏ធំជួយអ៊ុយក្រែន និងអ៊ីស្រាអែល
សហរដ្ឋអាមេរិក ៖ សភាអាមេរិក កាលពីថ្ងៃទី៦ ធ្នូ បរាជ័យក្នុងការអនុម័តកញ្ចប់ថវិកាដ៏ធំ មានទឹក
សហរដ្ឋអាមេរិក ៖ សភាអាមេរិក កាលពីថ្ងៃទី៦ ធ្នូ បរាជ័យក្នុងការអនុម័តកញ្ចប់ថវិកាដ៏ធំ មានទឹកប្រាក់ដល់ជាង១០៦ពាន់លានដុល្លារជួយដល់អ៊ុយក្រែននិងអ៊ីស្រាអែល ដូចការទាមទារយ៉ាងទទូចរបស់ប្រធានាធិបតីលោកចូបៃដិន។
បណ្ដាសមាជិកសភានៃគណបក្សសាធារណរដ្ឋទាមទារថា ការអនុម័តគម្រោងថវិកានោះត្រូវតែជាថ្នូរនឹងការពង្រឹងនយោបាយអន្តោប្រវេសន៍របស់អាមេរិក។ បរាជ័យនេះជាការខកចិត្តមួយសម្រាប់លោកចូបៃដិន ដែលប៉ុន្មានម៉ោងមុននេះបានសម្ដែងការយល់ស្របលើកម្រោងថវិកាជំនួយនេះ ក្នុងសុន្ទរកថាដ៏មហោឡារិកមួយរបស់លោក។
លោកលើកឡើងថា ការរាំងខ្ទប់លើកញ្ចប់ជំនួយនោះនឹងជាកាដូមួយសម្រាប់ប្រធានាធិបតីរុស្ស៊ីលោកវ្ល៉ាឌីមៀរពូទីន ដោយលោកថា ប្រសិនបើលោកពូទីនដណ្ដើមបានអ៊ុយក្រែននោះគេនឹងមិនបញ្ឈប់ត្រឹមនេះឡើយ។ លោកបន្តថារុស្ស៊ីអាចវាយប្រហារលើប្រទេសជាសមាជិកអូតង់ណាមួយ ដែលនឹងជម្រុញឲ្យសហរដ្ឋអារិកហក់ចូលក្នុងសង្គ្រាមនេះដែរ ដោយទាហានអាមេរិកប្រយុទ្ធជាមួយទាហានរុស្ស៊ី។ នោះជាសភាពការណ៍មួយដែលមិនមានទេក្នុងពេលបច្ចុប្បន្ន ហើយក្រុងវ៉ាស៊ីនតោនក៏មិនចង់បានដូច្នេះដែរ៕
ចែករំលែកព័តមាននេះ