ខេត្តបន្ទាយមានជ័យ ៖ ហេតុការណ៍ឆ្លងចរន្តអគ្គិសនីឆេះបង្គោលភ្លើង បង្កឱ្យមានការភ្ញាក់ផ្អើលដល់ប្រជាពលរដ្ឋភ័យបារម្ភទាំងព្រឹក នៅថ្ងៃទី០៦ ខែធ្នូ ឆ្នាំ២០២៣ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាលក្រុងប៉ោយប៉ែត ។
ប្រជាពលរដ្ឋបានប្រាប់ថា នៅពេលអគ្គិភ័យឆាបឆេះបង្គោលភ្លើងទាំងព្រឹកប្រលឹមអុលនេះ ដំបូងគឺឃើញឆ្លងចរន្តចេញពីប្រអប់ភ្លើងបន្តផ្ទុះចេញជាអណ្តាតភ្លើងឆាបឆេះឡើង ធ្វើឱ្យអ្នកមានផ្ទះក្បែភ័យស្លន់ស្លោនាំគ្នាយកបំពង់បាញ់ពន្លត់់រហូតដល់មានរថយន្តពន្លត់អគ្គិភ័យរបស់អធិការដ្ឋាននគរបាលក្រុងប៉ោយប៉ែតបាញ់ពន្លត់ទាំងស្រុង។
ប្រជាពលរដ្ឋបានបញ្ជាក់ថា នៅក្រុងប៉ោយប៉ែតបញ្ហាឆាបឆេះបង្គោលភ្លើង ដូចជាញឹកញាប់ពេកហើយមិនដឹងមូលហេតុអី ខាងក្រុមហ៊ុនអានកូមិនយកចិត្តទុកដាក់ក្នុងការត្រួតពិនិត្យទៅផ្នែកជំនាញអគ្គិភ័យការពារ ដែលធ្វើឱ្យមានការព្រួយបារម្ភ ។
កម្លាំងជំនាញអធិការដ្ឋាននគរបាលក្រុងប៉ោយប៉ែតបានប្រាប់ថា មូលហេតុដែលអគ្គិភ័យឆាបឆេះបង្គោលភ្លើង គឺបណ្តាលមកពីឆ្លងចរន្តអគ្គិសនីប្រអប់ភ្លើង ។
ចែករំលែកព័តមាននេះ