ហេតុការណ៍ចាប់អ្នកសារព័ត៌មានម្នាក់ឈ្មោះ អ៊ឹម ហាច អាយុ៣៧ឆ្នាំ ដែលហៅក្រៅថា ជាងហាច ឬហៅជាងហួយ មានទីលំនៅក្នុងស្រុកជើងព្រៃ ហើយត្រូវគេព្រួតវា.យធ្វើបា.ប ដោយចាប់ចងដៃចងជើង ព្រោះតែចោទប្រកាន់ថា
ខេត្តកំពង់ចាម ៖ ហេតុការណ៍ចាប់អ្នកសារព័ត៌មានម្នាក់ឈ្មោះ អ៊ឹម ហាច អាយុ៣៧ឆ្នាំ ដែលហៅក្រៅថា ជាងហាច ឬហៅជាងហួយ មានទីលំនៅក្នុងស្រុកជើងព្រៃ ហើយត្រូវគេព្រួតវា.យធ្វើបា.ប ដោយចាប់ចងដៃចងជើង ព្រោះតែចោទប្រកាន់ថា «បានលួ.ចចូលផ្ទះរបស់គេ» កាលពីវេលាម៉ោងប្រមាណ១១យប់ ថ្ងៃទី២ ខែធ្នូ ឆ្នាំ២០២៣នោះ បានធ្វើឱ្យមានប្រតិកម្មពីក្រុមអ្នកសារព័ត៌មានអនឡាញជាច្រើនអង្គភាព ។
ក្រុមអ្នកសារព័ត៌មានអនឡាញទាំងនោះ បាននាំគ្នាមកថតឡាយ (live) ផ្ទាល់ នៅមុខអធិការដ្ឋាននគរបាលស្រុកជើងព្រៃ កាលពីរសៀលថ្ងៃទី៣ ខែធ្នូ ឆ្នាំ២០២៣ ធ្វើឱ្យព័ត៌មានមួយនេះ រីកសាយភាយពេញបណ្ដាញសង្គមតែម្ដង ។ រីឯការដែលចោទថា «ចូលផ្ទះគេ» គឺជាការចោទប្រកាន់តែប៉ុណ្ណោះ ដែលការពិតនោះ គឺមកពីការថតផ្សាយពីឈ្មួញដឹកឈើ ទើបក្រុមឈ្មួញទាំងនោះ ព្រួតគ្នាចាប់ចងដៃចងជើងវា.យធ្វើបា.ប ហើយចាប់ឱ្យនគរបាលទៀតផង។ ហើយចុងក្រោយ បន្ទាប់មានការប្រតិកម្មពីក្រុមអ្នកសារព័ត៌មានអនឡាញជាច្រើនអង្គភាពមក នៅរសៀលថ្ងៃទី៤ ខែធ្នូនេះ អ្នកយកព៍ត៌មានឈ្មោះជាងហាច ឬហៅជាងហួយ រូបនេះ ក៏ត្រូវបានគេដោះលែងឱ្យត្រឡប់មកផ្ទះវិញហើយ។
បើយោងតាមប្រពន្ធរបស់អ្នកយកព័ត៌មានឈ្មោះជាងហាច ឬហៅជាងហួយ បានផ្ដល់សម្ភាសន៍ដល់ក្រុមអ្នកសារព័ត៌មានថា «ពេលដែលគាត់មើលវីដេអូគេបង្ហោះរូបប្ដីគាត់ ត្រូវគេចាប់ចងដៃចងជើងធ្វើទា.រុ.ណក.ម្ម វា.យធ្វើបា.បលើរាងកាយ គឺគាត់មានចិត្តរន្ធ.ត់អាណិតប្ដីជាខ្លាំង ។ បន្ទាប់មក គាត់បានទូរស័ព្ទប្រាប់លោក វុទ្ធី ដែលជាអ្នកយកព័ត៌មាន និងអ្នកផ្សេងទៀតឱ្យបានដឹងដំណឹងនេះ ។ ហើយចំពោះការចោទប្រកាន់ថា ប្ដីគាត់ចូលទៅផ្ទះរបស់គេនោះ គឺជារឿងមិនពិតទេ ចំណែកដើមហេតុដែលកើតមានបញ្ហានេះ គឺដោយសារតែប្ដីរបស់គាត់បានថតរុឺម៉ក់ដឹកឈើ ដោយឡាយផ្ទាល់តាមអង្គភាពសារព័ត៌មានរបស់ខ្លួន»។
ស្ត្រីជាប្រពន្ធនិយាយទៀតថា «តាមពិតប្ដីគាត់មិនបានលបចូលទៅផ្ទះរបស់គេឡើយ ។ នៅវេលាល្ងាចមុនពេលកើតហេតុ ពេលប្ដីមកដល់ផ្ទះ គាត់ក៏បានប្រាប់ប្ដីឲ្យចេះប្រយ័ត្នប្រយែងខ្លួនទៀតផង ។ លុះនៅយប់ថ្ងៃទី២ ខែធ្នូ ឆ្នាំ២០២៣ ស្រាប់តែមានហេតុការណ៍កើតឡើង ដោយប្ដីរបស់គាត់ត្រូវគេចាប់ចង វា.យធ្វើបា.បដូចសត្វធាតុ»។ ស្ត្រីជាប្រពន្ធនិយាយបណ្ដើរ ស្រក់ទឹកភ្នែកបណ្ដើរ ព្រោះតែអាណិតប្ដីរបស់គាត់ ហើយសូម្បីតែកូនតូច៣នៅក្នុងដៃក៏យំតាមដែរ»។
គួរបញ្ជាក់ថា ហេតុការណ៍ចាប់វា.យធ្វើបា.បខាងលើនេះ បានកើតឡើងកាលពីវេលាម៉ោងប្រមាណ១១យប់ ថ្ងៃទី២ ខែធ្នូ ឆ្នាំ២០២៣កន្លងទៅ ស្ថិតនៅក្នុងភូមិប៉ាណា ឃុំសូទិព្វ ស្រុកជើងព្រៃ ។
មន្ត្រីរដ្ឋបាលព្រៃឈើមួយរូប ក៏បាននិយាយដែរថា «ហេតុការណ៍នេះកើតឡើងនៅម្តុំដេប៉ូលក់ឈើ
របស់បុរសឈ្មោះ អ៊ឹម ផែង ស្ថិតនៅក្នុងភូមិ-ឃុំខាងលើ»។ មន្ត្រីរដ្ឋបាលព្រៃឈើរូបនេះ លើកឡើង
បន្តថា «ចំពោះបទល្មើសដែលគ្រាន់តែដើរចូលផ្ទះគេនោះ គឺម្ចាស់ផ្ទះមិនមានសិទ្ធិណាមួយវា.យដំលើរាងកាយអ្នកយកព័ត៌មាននោះទេ ព្រោះអាចជាប់ពាក់ព័ន្ធនឹងបទល្មើសព្រហ្មទណ្ឌ ។ ប៉ុន្តែបើអ្នកយកព័ត៌មានបានដើរចូលផ្ទះគេ ហើយបង្កជាបញ្ហាអ្វីនោះ គឺជាបទល្មើសផ្សេងមួយទៀត»។
ចំណែកលោក អ៊ឹម ផែង ម្ចាស់ដេប៉ូឈើ បានប្រាប់តាមទូរស័ព្ទកាលពីរសៀលថ្ងៃទី៣ ខែធ្នូ ឆ្នាំ២០២៣នេះថា «ក្មួយប្រុសគាត់ឈ្មោះ ចាវ ចេញទៅផឹកស៊ីនៅផ្ទះមិត្តភក្តិចម្ងាយប្រមាណ២០ម៉ែត្រទៅ៣០ម៉ែត្រ ហើយក្នុងផ្ទះនៅតែប្រពន្ធនោះទេ លុះដល់វេលាកើតហេតុ ក៏ស្រាប់តែមានជនម្នាក់ដើរចូលមកក្នុងបរិវេណផ្ទះ ។ នៅពេលឃើញបែបនេះ ប្រពន្ធក៏បានទូរស័ព្ទហៅប្ដីឱ្យមកផ្ទះវិញជាបន្ទាន់ ។ បន្ទាប់មក កូនចៅរបស់គាត់មានគ្នា៣នាក់ បានទៅជួយដេញតាមចាប់ចងជននោះបាន និងប្រគល់ឲ្យសមត្ថកិច្ចចាត់ការ ។ សូមបញ្ជាក់ថា ពីផ្ទះគាត់ទៅផ្ទះក្មួយ មានចម្ងាយពីគ្នាប្រមាណ៥០០ម៉ែត្រប៉ុណ្ណោះ»។
រីឯអ្នកយកព័ត៌មានម្នាក់ គឺលោក វុទ្ធី បានប្រាប់តាមប្រព័ន្ធតេឡេក្រាមឱ្យដឹងដែរថា «ចំពោះមូលហេតុដែលកើតឡើងខាងលើនេះ គឺដោយសារតែអ្នកយកព័ត៌មានរូបនោះបានឡាយព័ត៌មានពីរឿងរុឺម៉ក់ដឹកឈើដែលជាបទល្មើសព្រៃឈើ ហើយគេឲ្យលុយដើម្បីបញ្ឈប់ការផ្សាយ តែគាត់មិនព្រមទទួល
យកប្រាក់សំណូកទាំងនោះ ។ លុះពេលធ្វើដំណើរកាត់មុខផ្ទះរបស់គេ ក៏ត្រូវគេស្ទាក់វា.យធ្វើបា.បយ៉ាងដូច្នេះតែម្ដងទៅ»។
ចំពោះសមត្ថកិច្ចមូលដ្ឋានវិញ ក៏បាននិយាយឱ្យដឹងថា «តាមការឆ្លើយរបស់អ្នកយកព័ត៌មានឈ្មោះ ជាងហាច ឬហៅជាងហួយនេះ បានបដិសេធថា រូបលោកមិនបានចូលទៅក្នុងផ្ទះរបស់គេដូចការចោទប្រកាន់នោះឡើយ »។
ប្រភពចុងក្រោយនារសៀលថ្ងៃទី៤ ខែធ្នូ ឆ្នាំ២០២៣ បានឱ្យដឹងថា អ្នកយកព៍ត៌មានឈ្មោះជាងហាច ឬហៅជាងហួយ ត្រូវបានគេដោះលែងត្រឡប់មកផ្ទះឱ្យមានសេរីភាពឡើងវិញហើយ ។ ជាមួយគ្នានោះ អ្នកសារព័ត៌មានរូបនេះ ក៏បានថ្លែងអំណរគុណដល់បងប្អូនអ្នកសារព័ត៌មានទាំងអស់ ដែលបាននាំគ្នាខ្នះខ្នែងជួយអន្តរាគមន៍ជួយដល់រូបគាត់ផងដែរ។
សូមបញ្ជាក់ផងដែរថា ទាក់ទិននឹងអ្នកយកព័ត៌មានរូបនេះ ក៏កំពុងមានការឈ្លោះប្រកែកគ្នាជាមួយលោក ផែង វណ្ណៈ ដែរ តែរឿងរ៉ាវនោះ មិនទាន់មានចំណាត់ការតាមច្បាប់ណាមួយនៅឡើយទេ។
គួររំលឹកផងដែរថា ៖ អ្នកព័ត៌មានម្នាក់ ត្រូវចាប់ចង និងវា.យធ្វើបា.ប ដោយចោ.ទប្រកា.ន់ថា «ចូលផ្ទះគេ» ៕
ចែករំលែកព័តមាននេះ