អ្នកព័ត៌មានមួយរូប ដែលគេស្គាល់ឈ្មោះថា «ជាងហាច ជាងហួយ» ភេទប្រុស អាយុជាង៤០ឆ្នាំ ត្រូវបានគេចាប់ចងដៃចងជើង រួចវា.យធ្វើបាបទៅលើរាងកាយរបស់
ខេត្តកំពង់ចាម ៖ បើតាមសេចក្តីរាយការណ៍បានឱ្យដឹងថា អ្នកព័ត៌មានមួយរូប ដែលគេស្គាល់ឈ្មោះថា «ជាងហាច ជាងហួយ» ភេទប្រុស អាយុជាង៤០ឆ្នាំ ត្រូវបានគេចាប់ច.ងដៃច.ងជើ.ង រួចវា.យធ្វើបា.បទៅលើរាងកាយរបស់ជនរងគ្រោះ។ ហេតុការណ៍នេះ បានកើតឡើងកាលពីវេលាម៉ោង១១យប់ ថ្ងៃទី២ ខែធ្នូ ឆ្នាំ២០២៣ ស្ថិតនៅក្នុងភូមិប៉ាណា ឃុំសុទ្ធទិព្វ ស្រុកជើងព្រៃ។
បើតាមមន្ត្រីរដ្ឋបាលព្រៃឈើមួយរូប បានប្រាប់ឲ្យដឹងថា «តាមការលេចឮថា មានហេតុការណ៍ខាងលើនេះ បានកើតឡើងនៅម្តុំកន្លែងដេប៉ូលក់ឈើមួយកន្លែងរបស់ឈ្មោះ អ៊ឹម ផែង ភេទប្រុស រស់នៅភូមិប៉ាណា ឃុំសុទិព្ធ ស្រុកជើងព្រៃ បានបង្កឲ្យអ្នកព័ត៌មានម្នាក់រងរបួស»។
មន្ត្រីរដ្ឋបាលព្រៃឈើ បានលើកឡើងបន្តថា «ចំពោះបទល្មើសព្រៃឈើដែលកើតឡើង ម្ចាស់ដេប៉ូឈើមិនមានសិទ្ធិណាមួយវា.យដំទៅលើរាងកាយរបស់អ្នកព័ត៌មាននោះទេ អាចជាប់ពាក់ព័ន្ធបទល្មើសព្រហ្មទណ្ឌ។ ប៉ុន្តែបើសិនជាអ្នកព័ត៌មាន បានដើរចូលទៅផ្ទះរបស់គេនោះ គឺជាបទល្មើសផ្សេងទៀត…»។
ចំណែកលោក អ៊ឹម ផែង ជាម្ចាស់ដេប៉ូឈើខាងលើ បានប្រាប់តាមទូរស័ព្ទឱ្យដឹងនារសៀលថ្ងៃទី៣ ខែធ្នូ ឆ្នាំ២០២៣នេះថា «ស្របពេលដែលក្មួយប្រុសរបស់គាត់ឈ្មោះ ចាវ ចេញទៅផឹកស៊ីនៅផ្ទះមិត្តភក្តិចម្ងាយប្រមាណ២០ទៅ៣០ម៉ែត្រ ហើយនៅតែប្រពន្ធ។ គ្រានោះ ក៏មានជនម្នាក់ដើរចូលមកក្នុងបរិវេណផ្ទះតែម្ដង ដោយឃើញសភាពបែបនេះ ប្រពន្ធរបស់ក្មួយគាត់ ក៏បានខលទូរស័ព្ទទៅហៅប្ដីឱ្យមកផ្ទះវិញជាបន្ទាន់»។
ម្ចាស់ដេប៉ូឈើខាងលើ បានប្រាប់បន្តថា «បន្ទាប់មក កូនចៅរបស់លោក ដែលមានគ្នាប្រមាណ៣នាក់ បាននាំគ្នាទៅជួយអន្តរាគមន៍ដេញតាមចាប់ជនរូបនោះ និងបានប្រគល់ឲ្យសមត្ថកិច្ចចាត់ការបន្ត។ សូមបញ្ជាក់ថា ពីផ្ទះគាត់ទៅផ្ទះក្មួយរបស់គាត់ គឺមានចម្ងាយពីគ្នាប្រមាណ៥០០ម៉ែត្រ»។
ប៉ុន្តែបើយោងតាមសម្ដីរបស់អ្នកព័ត៌មានម្នាក់ឈ្មោះ វុទ្ធី បានបញ្ជាក់តាមប្រព័ន្ធតេឡេក្រាមឱ្យដឹងថា «ចំពោះមូលហេតុខាងលើដែលកើតឡើងនេះ គឺដោយសារតែអ្នកសារព័ត៌មានរូបនេះ បានផ្សាយព័ត៌មានពីបទល្មើសព្រៃឈើ ហើយគេឲ្យលុយមិនទទួលយក។ លុះពេលធ្វើដំណើរកាត់មុខផ្ទះរបស់គេ ក៏ត្រូវបានគេស្ទាក់វា.យធ្វើបា.បយ៉ាងដូច្នេះតែម្ដងទៅ»។
ចំពោះសមត្ថកិច្ចមូលដ្ឋានវិញ បានបញ្ជាក់ឲ្យដឹងដែរថា «តាមការឆ្លើយរបស់អ្នកព័ត៌មានឈ្មោះ ជាងហាច នេះ គឺមិនបានចូលទៅផ្ទះរបស់គេ ដូចការចោ.ទប្រកា.ន់នោះឡើយ»។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ