អ្នកលេ.ងសម្តី អ.អ.ភ តាមអនឡាញ៥នាក់ ត្រូវតុលាការសម្រេចហើយ
- កណ្តាល
ខេត្តកណ្តាល ៖ កាលពីថ្ងៃទី៣ ខែធ្នូ ឆ្នាំ២០២៣ ផេកហ្វេសប៊ុកផ្លូវការរបស់ស្នងការដ្ឋាននគរបាល
ខេត្តកណ្តាល ៖ កាលពីថ្ងៃទី៣ ខែធ្នូ ឆ្នាំ២០២៣ ផេកហ្វេសប៊ុកផ្លូវការរបស់ស្នងការដ្ឋាននគរបាល
ខេត្តកណ្តាល ៖ កាលពីថ្ងៃទី៣ ខែធ្នូ ឆ្នាំ២០២៣ ផេកហ្វេសប៊ុកផ្លូវការរបស់ស្នងការដ្ឋាននគរបាលខេត្តកណ្តាល បានបង្ហោះលើបណ្តាញសង្គមបញ្ជាក់នូវជោគវាសនាពីការឃាត់ខ្លួន និងវាស់កំពស់ របស់ក្រុមអ្នកលេងសម្តីអា.សអាភា.សលក់ផលិតផលតាមអនឡាញចំនួន៥នាក់ ដោយជាប់ពាក់ព័ន្ធពីបទញុះញង់ឱ្យប្រព្រឹត្តបទឧក្រិដ្ឋជាអាទិ៍ ញុះញង់ឱ្យមានការរើសអើ.ង និងបទសញ្ចារកម្ម ជាចុងក្រោយត្រូវបានតុលាការខេត្ត សម្រេចដាក់ពន្ធនាគារជាបណ្តោះអាសន្ន ។
ដោយអនុវត្តតាមបទបញ្ជាឯកឧត្តមនាយឧត្តមសេនីយ៍ អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានដឹកនាំបញ្ជាកម្លាំងជំនាញ ស្រាវជ្រាវឃាត់ខ្លួនបុរសស្ត្រីចំនួន៥នាក់ ដែលបានបង្ហោះ និងឡាយវីដេអូ ក្នុងបណ្តាញសង្គម និងបណ្តាញ Tik Tok ករណីញុះញង់ឱ្យប្រព្រឹត្តបទឧក្រិ.ដ្ឋជាអាទិ៍ញុះញង់ឱ្យមានការរើ.សអើ.ង និងសញ្ចារកម្មប្រព្រឹត្តកាលពីវេលាម៉ោង៨យប់ថ្ងៃទី២៧ ខែវិច្ឆិកា ឆ្នាំ២០២៣ នៅចំណុចផ្ទះជួល ស្ថិតនៅភូមិស្វាយជ្រុំ សង្កាត់ស្វាយជ្រុំ ក្រុងអរិយក្សត្រ ខេត្តកណ្តាល ។
ជនសង្ស័យចំនួន៥នាក់រួមមាន ៖ ១-ឈ្មោះ ស៊ុន សាំងលី ហៅក្រៅ ម៉ាក់លីន ភេទស្រី អាយុ៣៤ឆ្នាំ មុខរបរលក់ផលិតផលអនឡាញ ២-ឈ្មោះ ម៉ើ ស្រីលាក់ ភេទស្រី អាយុ២៣ឆ្នាំ មុខរបរលក់ផលិតផលអនឡាញ ៣-ឈ្មោះ ទូច ស្រីមី ហៅក្រៅ អាមៀវ ភេទស្រី អាយុ២៩ ឆ្នាំ មុខរបរ លក់ផលិតផលអនឡាញ ៤-ឈ្មោះ ចាន់ សុភ័ក្ត្រ ភេទប្រុស អាយុ២៨ឆ្នាំ មុខរបរ លក់ផលិតផលអនឡាញ និង៥-ឈ្មោះ ដេត វ៉ាន់ធី ភេទប្រុស អាយុ២៩ឆ្នាំ មុខរបរលក់ផលិតផលអនឡាញ ជនសង្ស័យទាំង៥ នាក់ បានស្នាក់នៅជួល ផ្ទះ ភូមិស្វាយជ្រុំ សង្កាត់ស្វាយជ្រុំ ក្រុងអរិយក្សត្រ ខេត្តកណ្តាល ។
វត្ថុតាងចាប់យករួមមាន ទូរស័ព្ទដៃចំនួន០៧គ្រឿង ៖ ១-ម៉ាក VIVO ROM ពណ៌ផ្កាឈូក , ២-ម៉ាក SAMSUNG ពណ៌បៃតង, ៣-ម៉ាក OPPO Find X5 ពណ៌ស, ៤-ម៉ាក IPhone 11 Pro Max ពណ៌ខ្មៅ, ៥-ម៉ាក OPPO A92 ពណ៌ខ្មៅ, ៦-ម៉ាក HUAWEI NOVA3 ពណ៌ខៀវ, ៧-ម៉ាក IPhone 12 Pro Max ពណ៌ខ្មៅ ។
អំពីដំណើរឿងកាលពីថ្ងៃទី៣ កម្ភៈ ឆ្នាំ២០២៣ ឈ្មោះ ស៊ុន សាំងលី ហៅក្រៅ ម៉ាក់លីន បានមកជួលផ្ទះ នៅបុរីចតុមុខ២ ស្ថិតនៅ ភូមិស្វាយជ្រុំ សង្កាត់ស្វាយជ្រុំ ក្រុងអរិយក្សត្រ ខេត្តកណ្ដាល ដើម្បីលក់ផលិលផលរបស់ខ្លួនដូចជា ថ្នាំពង្រីកដើមទ្រូង ទឹកអនាម័យ ទឹកក្រមុំ កុងគូរូ វីតាមីនប៊ីខេ ។
ក្រោយមកឈ្មោះ ស៊ុន សាំងលី បានទំនាក់ទំនងឈ្មោះ ចាន់ សុភ័ក្ត្រ ភេទប្រុស អាយុ២៩ឆ្នាំ និងឈ្មោះ ជី វ៉ាន់ធី ភេទប្រុស អាយុ២៥ឆ្នាំ ដើម្បីមកថតឃ្លីបវីដេអូ រឿងកំប្លែង នឹងថតផ្សព្វផ្សាយពាណិជ្ជកម្មផលិតផលរបស់ខ្លួន ថែមទាំងផ្សាយផ្ទាល់តាមគណនីហ្វេសប៊ុក Page (ផេក) Mak Lin 18 ។
លុះដល់ថ្ងៃទី០១ ខែតុលា ឆ្នាំ២០២៣ ឈ្មោះ ទូច ស្រីមី ហៅក្រៅ អាមៀវ ភេទស្រី អាយុ២៩ឆ្នាំ និងឈ្មោះ ម៉ើ ស្រីលាក់ ភេទស្រី អាយុ២៣ឆ្នាំ ជនជាតិខ្មែរ បានមកជួយឡាយវីដេអូលក់ផលិតផលរបស់ខ្លួន ដោយស៊ីភាគរយក្នុងមួយប្រអប់លក់បាន ៣៥ដុល្លារអាមេរិក ទទួលបានប្រាក់ចំនួន៥ ដុល្លារ ពីឈ្មោះ ស៊ុន សាំងលី ចំណែកការស្នាក់នៅនិងបរិភោគគឺឈ្មោះ ខាងលើជាអ្នកទទួលខុសត្រូវ ទាំងស្រុង ។
លុះនៅវេលាម៉ោង៨យប់ថ្ងៃទី២៧ ខែវិច្ឆិកា ឆ្នាំ២០២៣ ស្រាប់តែឈ្មោះ ម៉ើ ស្រីលាក់ បានឡាយលក់ផលិតផលរបស់ខ្លួនខាងលើ ដោយឱ្យឈ្មោះ ទូច ស្រីមី ឈរពីក្រោយខ្នងខ្លួនកំពុងតែអង្គុយឡាយវីដេអូ ចាំទះដៃ និងស្រែកបន្ទរ នៅពេលកំពុងឡាយវីដេអូនោះ ឈ្មោះ ម៉ើ ស្រីលាក់ បានស្រែកខ្លាំងៗ ហើយប្រើពាក្យ អា.សអាភា.ស ចំអា.សជាច្រើន ចំណែកឈ្មោះ ទូច ស្រីមី បានទះ ដៃ និងស្រែកបន្ទរ នូវពាក្យពេចន៍មិនសមរម្យធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ស្ត្រីខ្មែរថែមទៀតផង ។
បន្ទាប់ពីកើតមានសកម្មភាពដូចខាងលើនេះ ស្នងការដ្ឋាននគរបាលខេត្តកណ្តាល បានអញ្ជើញពួកគេយកទៅសាកសួរនិងវាស់កំពស់ ក្នុងគោលបំណងដើម្បីធ្វើការណែនាំ និងអប់រំ ប៉ុន្តែនៅពេលឆ្លងកាត់ការស៊ើបសួរបឋម ដោយពិនិត្យឃើញថាសំនួរចម្លើយរបស់ជនសង្ស័យទាំង៥នាក់ មានជាប់ពាក់ព័ន្ធបទល្មើសព្រហ្មទណ្ឌឧក្រិ.ដ្ឋ សមត្ថកិច្ចមិនរាថយក្នុងការកសាងសំណុំរឿងបញ្ជូនជនសង្ស័យទៅស្ថាប័នអយ្យការអមសាលាដំបូងខេត្ត តាមនីតិវិធី ។
ដោយពិនិត្យលើអង្គហេតុ និងអង្គច្បាប់គ្រប់ជ្រុងជ្រោយ តំណាងអយ្យការបានសម្រេចធ្វើការចោទប្រកាន់ជនសង្ស័យទាំង៥នាក់ ជាផ្លូវការ បទ.ញុះញង់ឱ្យប្រព្រឹត្តបទឧក្រិ.ដ្ឋជាអាទិ៍ ញុះ ញង់ឱ្យមានការរើសអើ.ង និងបទ សញ្ចារកម្ម តាមបញត្តិមាត្រា ២៨៤ មាត្រា៤៩៥ និងមាត្រា៤៩៦ នៃក្រមព្រហ្មទណ្ឌ ។ បន្ទាប់មកសំណុំរឿងត្រូវបានចាត់បញ្ជូនទៅខាងចៅក្រមស៊ើបសួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្នតែម្តងទៅ ថ្ងៃក្រោយសុំកុំឲ្យរាង ៕
ចែករំលែកព័តមាននេះ