រញ្ជួយដីខ្លាំងដល់៧,៦រីស្ទ័រនៅហ្វីលីពីន
ប្រទេសហ្វ៊ីលីពីន ៖ ការរញ្ជួយដីខ្លាំងមួយដល់៧,៦រីស្ទ័រកើតមានកាលពីយប់ថ្ងៃទី២ ធ្នូ នៅកោះមីនដា
ប្រទេសហ្វ៊ីលីពីន ៖ ការរញ្ជួយដីខ្លាំងមួយដល់៧,៦រីស្ទ័រកើតមានកាលពីយប់ថ្ងៃទី២ ធ្នូ នៅកោះមីនដាណាវភាគខាងត្បូងហ្វ៊ីលីពីន ។
អាជ្ញាធរអំពាវនាវដល់ប្រជាជនឲ្យនាំគ្នានៅឆ្ងាយពីបណ្ដាតំបនជាប់មាត់សមុទ្រ ប្រឈមមុខនឹងគ្រោះថ្នាក់ស៊ូណាមីដ៏បំផ្លិចបំផ្លាញ។ វិទ្យាស្ថានភូគុម្ភសាស្ត្រអាមេរិកUSGS បញ្ជាក់ថា ការរញ្ជួយដីនោះកើតមានក្នុងជម្រៅ៣២គីឡូម៉ែត្រ នាវេលាម៉ោង២២និង៣៧នាទីម៉ោងក្នុងស្រុក ដោយចំណុចកណ្ដាលរបស់វាស្ថិតនៅចម្ងាយប្រមាណ២១គីឡូម៉ែត្រភាគឦសានក្រុងហ៊ីណាទូអាន។ ចំណែកវិទ្យាស្ថានសិក្សាភ្នំភ្លើងនិងការរញ្ជួយដីហ្វ៊ីលីពីន ថ្លែងថា ស៊ូណាមីដ៏បំផ្លិចបំផ្លាញមួយអាចកើតមាន ជាមួយរលកយក្សគំរា.មកំហែងដល់អាយុជីវិតមនុស្ស។ វិទ្យាស្ថាននោះណែនាំដល់ប្រជាជនខេត្តស៊ូរីហ្គាវខាងត្បូងនិងខេត្តដាវ៉ាវខាងកើត ឲ្យជម្លៀសខ្លួនចេញជាបន្ទាន់ពីទីកន្លែងទាបៗទៅកាន់ទីខ្ពស់។ ម្ចាស់នាវាទាំងឡាយក៏អំពាវនាវឲ្យទុកដាក់នាវារបស់ពួកគេនៅកន្លែងមានសុវត្តិភាពដែរ។
តាមUSGSថា ការរញ្ជួយថ្មីៗកើតមានទៀត ដល់កម្លាំង៦,៤រីស្ទ័រក្នុងតំបន់។ ពុំទាន់មានសេចក្ដីរាយការណ៍ពីជនរងគ្រោះឬការខូចខាតនៅឡើយរហូតមកទល់ពេលនេះ តែតាមនាយប៉ូលិសម្នាក់នៃទីក្រុងហ៊ីណាទូអានថា ការរញ្ជួយដីនោះពិតជាខ្លាំងបំផុត ដូចដែលគេអាចមើលឃើញតាមវីដេអូចេញផ្សាយតាមបណ្ដាញសង្គម។
មជ្ឈមណ្ឌលប្រកាសអាសន្នស៊ូណាមីតំបន់ប៉ាស៊ីហ្វិក មានមូលដ្ឋាននៅកោះហាវ៉ៃក៏ចេញការប្រកាសអាសន្នដែរ ប៉ុន្មានបន្ទាប់មក បានលុបចោលវិញដោយគូសបញ្ជាក់ថា ពុំមានការគំរា.មកំហែងស៊ូណាមី ដោយសារការរញ្ជួយដីនេះឡើយ។ ចំណែកវិទ្យាស្ថានសិក្សាភ្នំភ្លើងនិងការរញ្ជួយដីហ្វ៊ីលីពីននៅរក្សាទុកការប្រកាសអាសន្នស៊ូណាមីដោយគូសបញ្ជាក់ថា មនុស្ស៤៥.០០០នាក់ទទួលបទបញ្ជាឲ្យចាកចេញពីផ្ទះសម្បែង។ ពួកគេភាគច្រើនប៉ុនប៉ងទៅកាន់បណ្ដាទីខ្ពស់ដោយដើរឬតាមរថយន្ត។ នោះជាការរញ្ជួយដីខ្លាំងបំផុតនិងមានរយៈពេលយូរពុំធ្លាប់ជួបប្រទះដល់៤នាទី៕
ចែករំលែកព័តមាននេះ