រដ្ឋមន្ត្រីការពារជាតិកម្ពុជា វៀតណាម និង ឡាវ នឹងជួបគ្នានិយាយរឿងព្រំដែន
- ភ្នំពេញ
រដ្ឋមន្ត្រីការពារជាតិកម្ពុជា វៀតណាម និងឡាវ នឹងអាចជួបគ្នាជាលើកដំបូងពិភាក្សារឿងកិច្ចការពារព្រំដែន។ នេះបើយោងតាមសារព័ត៌មានវៀតណាម បានផ្សាយ
រដ្ឋមន្ត្រីការពារជាតិកម្ពុជា វៀតណាម និងឡាវ នឹងអាចជួបគ្នាជាលើកដំបូងពិភាក្សារឿងកិច្ចការពារព្រំដែន។ នេះបើយោងតាមសារព័ត៌មានវៀតណាម បានផ្សាយកាលពីថ្ងៃទី១ ខែធ្នូនេះ។
សារព័ត៌មានវៀតណាម រាយការណ៍ថា ការផ្លាស់ប្តូរមិត្តភាពការពារព្រំដែន វៀតណាម – ឡាវ – កម្ពុជា លើកដំបូង ត្រូវបានគេរំពឹងថា នឹងប្រព្រឹត្តទៅនៅពាក់កណ្តាលខែធ្នូ ឆ្នាំ២០២៣ នៅតំបន់ព្រំដែនរួម ដោយមានការចូលរួមពីរដ្ឋមន្ត្រីការពារជាតិនៃប្រទេសទាំងបី។
នាព្រឹកថ្ងៃទី១ ខែធ្នូ នៅទីក្រុងហាណូយ ក្រសួងការពារជាតិបានបើកកិច្ចប្រជុំសារព័ត៌មាន ដើម្បីណែនាំការជួបប្រាស្រ័យមិត្តភាពការពារព្រំដែនវៀតណាម-ឡាវ-កម្ពុជា។ ឧត្តមសេនីយ៍ទោ Le Xuan Sang អនុប្រធាននាយកដ្ឋានឃោសនា (អគ្គនាយកដ្ឋាននយោបាយនៃកងទ័ពប្រជាជនវៀតណាម) បានដឹកនាំកិច្ចប្រជុំ។
យោងតាមក្រសួងការពារជាតិ កម្មវិធីជួបប្រាស្រ័យមិត្តភាពការពារព្រំដែនវៀតណាម – ឡាវ – កម្ពុជា មានអត្ថន័យសំខាន់ ជាពិសេសគឺជាលើកដំបូងដែលក្រសួងការពារប្រទេសនៃប្រទេសទាំងបីបានរៀបចំការផ្លាស់ប្តូរនៅតំបន់ព្រំដែននៃប្រទេសទាំងបី។ សកម្មភាពនេះ ត្រូវបានរៀបចំឡើង ដើម្បីរួមចំណែកក្នុងការអនុវត្តផែនការសហប្រតិបត្តិការឆ្នាំ២០២៣ រវាងក្រសួងការពារជាតិវៀតណាម ក្រសួងការពារជាតិឡាវ និងក្រសួងការពារជាតិកម្ពុជា។
អត្ថបទដោយ ៖ សា រ៉ាន់
ចែករំលែកព័តមាននេះ