សម្លេងផ្ទុះអាវុ.ធជាច្រើនគ្រាប់ បង្កឱ្យមានការភ្ញាក់ផ្អើលទាំងកណ្តាលរាត្រី ខណៈគេឃើញវត្តមានកម្លាំងអាវុធហត្ថបំពាក់ទៅដោយអាវក្រោះជាច្រើននាក់ ចុះទៅធ្វើការឡោមព័ទ្ធទីតាំងផ្ទះវីឡាមួយកន្លែង ព្រមទាំងរំដោះ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា សម្លេងផ្ទុះអាវុ.ធជាច្រើនគ្រាប់ បង្កឱ្យមានការភ្ញាក់ផ្អើលទាំងកណ្តាលរាត្រី ខណៈគេឃើញវត្តមានកម្លាំងអាវុធហត្ថបំពាក់ទៅដោយអាវក្រោះជាច្រើននាក់ ចុះទៅធ្វើការឡោមព័ទ្ធទីតាំងផ្ទះវីឡាមួយកន្លែង ព្រមទាំងរំដោះមនុស្ស និងឃាត់ខ្លួនជនបរទេសដែលជាជនសង្ស័យជាច្រើននាក់ទៀតផងដែរ។
សេចក្តីរាយការណ៍បន្តថា ហេតុការណ៍ខាងលើនេះ បានកើតឡើងកាលពីវេលាម៉ោង១២និង១២នាទីរំលងអធ្រាត្រឈានចូលថ្ងៃទី១ ខែធ្នូ ឆ្នាំ២០២៣។ ចំណែកទីតាំងកើតហេតុ ស្ថិតនៅត្រង់ចំណុចបរិវេណដីឡូតិ៍ និងផ្ទះវីឡាមួយកន្លែង នៅលើកំណាត់ផ្លូវកែវចិន្តា ស្ថិតក្នុងមូលដ្ឋានសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
យោងតាមប្រភពព័ត៌មានបឋមពីកន្លែងកើតហេតុ បានប្រាប់អោយដឹងថា មុនពេលកើតហេតុ គេបានលឺសម្លេងឆ្កែព្រុស និងមានមនុស្សស្រែកឆោឡោនៅចំណុចកើតហេតុខាងលើ បន្ទាប់មក គេក៏បានអើតមើលតាមបង្អួច ហើយក៏ឃើញវត្តមានរបស់សមត្ថកិច្ចមួយក្រុម ប្រដាប់ទៅដោយអាវុ.ធគ្រប់ដៃ ជាមួយនឹងឯកសណ្ឋានអាវុ.ធហត្ថ រួមទាំងពាក់អាវក្រោះផងដែរ បានជិះ រថយន្តជាច្រើនគ្រឿង ចុះធ្វើការឡោមព័ទ្ធទីតាំងដីឡូតិ៍មក្បែរផ្ទះវីឡាមួយកន្លែង នៅលើផ្លូវកែវចិន្តាទាំងកណ្តាលអធ្រាត្រ។
អ្នកឃើញហេតុការណ៍បានបន្តថា បន្ទាប់ពីលឺសម្លេងស្រែក គាត់ក៏បានទាញទូរស័ព្ទថតវីដេអូ ស្រាប់តែលឺសម្លេងបា.ញ់កាំភ្លើ.ងប្រមាណ៧គ្រា.ប់ទៅ៨គ្រា.ប់ ដោយគាត់សង្ស័យថា សមត្ថកិច្ចចុះចាប់ចោ.រនៅតំបន់នោះ ព្រោះមានមនុស្សរត់ប្រសេចប្រសាច និងត្រូវសមត្ថកិច្ចរត់ដេញតាមចាប់រុញឡើងទៅលើរថយន្ត។
បន្ទាប់ពីបង្កឱ្យមានការភ្ញាក់ផ្អើល គេឃើញក៏មានវត្តមានអ្នកយកព័ត៌មានចុះទៅដល់ទីតាំងកើតហេតុខាងលើ ព្រមទាំងបានផ្តិតរូបភាព និងឃើញកម្លាំងអាវុ.ធហត្ថឃាត់ខ្លួនជនបរទេសជាច្រើននាក់ ក្នុងនោះមាននារីម្នាក់ផងដែរ។ ដោយពួកគេទាំងនោះ ត្រូវសមត្ថកិច្ចឃាត់ខ្លួនរុញឡើងទៅលើរថយន្ត និងបញ្ជូនទៅកាន់ការិយាល័យអាវុធហត្ថ ដោយសង្ស័យថា ជាប់ពាក់ព័ន្ធករណីបង្ខាំ.ងមនុស្សដោយខុសច្បាប់។
ក្រោយបញ្ចប់ប្រតិបត្តិការ សមត្ថកិច្ចក៏បានរំដោះមនុស្សចំនួន២នាក់ ដែលសង្ស័យជាជនរងគ្រោះ បន្ទាប់ពីទទួលដំណឹងពីការខលសុំជំនួយតាមរយៈប្រព័ន្ធទូរស័ព្ទ HOT LINE 1291។ ក្រោយកើតហេតុ ជនរងគ្រោះខាងលើ ត្រូវបានកម្លាំងសមត្ថកិច្ចនាំខ្លួនទៅការិយាល័យអាវុ.ធហត្ថដូចគ្នា ដើម្បីធ្វើការសាកសួរ និងអនុវត្តបន្តតាមនីតិវិធីនៃច្បាប់៕
ចែករំលែកព័តមាននេះ