ភ្នំពេញ៖ ព្រឹត្តិការណ៍រម្លឹកគុណអង្គរ ឆ្នាំនេះ នឹងធ្វើឡើង ចាប់ពីថ្ងៃទី៧-១៦ធ្នូ ឆ្នាំ២០២៣​។ ពិធីបើកព្រឹត្តិការណ៍នេះ នឹងប្រព្រឹត្តទៅ នាព្រឹកថ្ងៃទី៧ ខែធ្នូ ឆ្នាំ២០២៣ ក្រោមអធិបតីភាពដ៏ខ្ពងខ្ពស់​របស់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត​។

អាជ្ញាធរជាតិ​អប្សរា ប្រកាសថា ព្រឹត្តិការណ៍រម្លឹកគុណអង្គរ ធ្វើឡើង ដើម្បីចូលរួម​អបអរសាទរខួប ៣១ឆ្នាំ នៃការចុះរមណីយដ្ឋានអង្គរ ទៅក្នុងបញ្ជីនៃសម្បត្តិបេតិកភណ្ឌពិភពលោក នាថ្ងៃទី១៤ ខែធ្នូ ឆ្នាំ១៩៩២។