Producer/DJ Aaron SZ អ្នកផលិតតន្ត្រីវ័យក្មេងធ្វើឱ្យមិត្តៗយុវវ័យលាន់មាត់សរសើរ (វីដេអូ)
- ភ្នំពេញ
រាជធានីភ្នំពេញ ៖ ពិតជាមានទេពកោសល្យមិនធម្មតា អ្នក Remix បទចម្រៀងវ័យក្មេងដែលមានឈ្មោះ Aaron SZ ឬ ARS…
រាជធានីភ្នំពេញ ៖ ពិតជាមានទេពកោសល្យមិនធម្មតា អ្នក Remix បទចម្រៀងវ័យក្មេងដែលមានឈ្មោះ Aaron SZ ឬ ARS…
រាជធានីភ្នំពេញ ៖ ពិតជាមានទេពកោសល្យមិនធម្មតា អ្នក Remix បទចម្រៀងវ័យក្មេងដែលមានឈ្មោះ Aaron SZ ឬ ARS Remix ដែលទើបតែមានវ័យ ២៥ ឆ្នាំប៉ុណ្ណោះ បានធ្វើឱ្យបណ្ដាហ្វេនៗជាច្រើន ជាពិសេសមិត្តៗយុវវ័យតែម្តងបានស្គាល់នូវបទចម្រៀង Remix របស់ខ្លួនជាច្រើនបទនាពេលកន្លងមក ហើយថែមទាំងបាននាំគ្នាយកបទចម្រៀងស្ទើរតែគ្រប់ចង្វាក់មកស្តាប់កម្សាន្ត និងរាំលេងយ៉ាងសប្បាយរីករាយទៀតផង ។
អ្វីដែលកាន់តែអស្ចារ្យនោះ គឺតារាវ័យក្មេង Aaron SZ ឬ ARS Remix ទទួលបានការចាប់អារម្មណ៍យ៉ាងខ្លាំងខណៈបទចម្រៀង Remix ជាច្រើនត្រូវបាន Post នៅលើបណ្តាញសង្គមរបស់ខ្លួនដែលមានដូចជា ៖ នៅក្នុងហ្វេសប៊ុក ARS Remix ដែលមានអ្នក Likes ចំនួន 31K និងមាន 36K followers ។ នៅលើបណ្តាញសង្គម TikTok ឈ្មោះ Aaron SZ មាន 50K Followers និងនៅលើ YouTube Channel ឈ្មោះ ARS Remix មានចំនួន subscribers រហូតដល់ទៅ 217K ឯណោះ ។
តាមរយៈបទចម្រៀង Remix ដែលមាននៅលើមាតិកា Spotify ,Apple Music, YouTube ទាំងនេះបានធ្វើឱ្យមិត្តៗយុវវ័យលាន់មាត់សសើរតារាវ័យក្មេងរូបនេះ ដោយសារទិចនិកក្នុងការធ្វើបទចម្រៀងឱ្យពីរោះរណ្តំ និងមានភាពរស់រវើកគួរឱ្យកត់សម្គាល់ គឺគ្រាន់តែឮហើយទប់ខ្លួនស្ទើរតែមិនបាន ។
ក្រៅពីធ្វើបទចម្រៀង Remix ហើយនោះបុរសសង្ហា Aaron SZ ក៏អាចច្រៀងបានយ៉ាងពីរោះផងដែរ ដោយលោកបានផលិតបទចម្រៀង Original ជាស្នាដៃខ្លួនឯងផ្ទាល់បានមួយបទ គឺបទ “Baby Sorry” ហើយក្រោយពីបានស្តាប់ពិតជាពីរោះប្លែកតែម្តងដោយសារតែចង្វាក់នៃបទចម្រៀងនេះនៅស្រុកខ្មែរមិនទាន់មានអ្នកធ្វើនៅឡើយទេ ។ ចង់ដឹងច្បាស់ សូមទស្សនាបទ “Baby Sorry” តាមរយៈ Link នេះ ៖ https://www.youtube.com/watch?v=A_ZB-2moHl4
គួរម្លឹកផងដែរថា តារា Aaron SZ ឬ ARS Remix មានធ្វើបទចម្រៀង Remix នេះតាំងពីឆ្នាំ ២០១៣ មកម្ល៉េះ ហើយអ្វីដែលទទួលបានការចាប់អារម្មណ៍កាន់តែខ្លាំងថែមទៀតនោះ គឺមានភាពទាញខ្លាំងដោយសារតែលោកមានរូបស្រស់រាងសង្ហាដែលធ្វើឱ្យហ្វេនៗឃើញ ហើយច្រឡំថា ជាតារាបរទេស ព្រោះតែមុខមាត់ស្រដៀងកូនកាត់តែម្តង ។ ក្នុងពេលបច្ចុប្បន្ននេះនៅលើបណ្តាញសង្គម Aaron SZ ឬ ARS Remix ទទួលបានអ្នកទស្សនាមិនក្រោមលានដងនោះទេ ដែលទាំងនេះជាមូលហេតុធ្វើឱ្យតារាវ័យក្មេងរូបនេះកាន់តែមានប្រជាប្រិយភាព ទាំងរូបសម្រស់ និងទេពកោសល្យ ៕
ចែករំលែកព័តមាននេះ