ក្រុមអ្នកបច្ចេកទេសកសិកម្មរបស់អតីតសហភាពសូវៀតចំនួន៩នាក់ ក្នុងនោះរួមមានអ្នកបកប្រែម្នាក់ ត្រូវបានកម្លាំងខ្មែរក្រហមស្ទាក់បា.ញ់ស្លា.ប់ទាំងអស់នៅតាមដងផ្លូវជាតិលេខ៧១ ស្ថិតក្នុងមូលដ្ឋានឃុំបុសខ្នុរ ស្រុកចំការលើ ។ ជាក់ស្ដែង
ខេត្តកំពង់ចាម ៖ ក្រុមអ្នកបច្ចេកទេសកសិកម្មរបស់អតីតសហភាពសូវៀតចំនួន៩នាក់ ក្នុងនោះរួមមានអ្នកបកប្រែម្នាក់ ត្រូវបានកម្លាំងខ្មែរក្រហមស្ទាក់បា.ញ់ស្លា.ប់ទាំងអស់នៅតាមដងផ្លូវជាតិលេខ៧១ ស្ថិតក្នុងមូលដ្ឋានឃុំបុសខ្នុរ ស្រុកចំការលើ ។ ជាក់ស្ដែងនៅព្រឹកថ្ងៃទី២៥ ខែវិច្ឆិកា ឆ្នាំ២០២៣ ត្រូវបានឯកឧត្ដម អ៊ុន ចាន់ដា អភិបាលខេត្តបានអញ្ជើញចូលរួមគោរពវិញ្ញាណក្ខន្ធអតីតអ្នកជំនាញការកសិកម្មនៃសហភាពសូវៀតចំនួន៩រូប (ខ្មែរ១រូប, សូវៀត៨រូប) កាលពីក្នុងអំឡុងឆ្នាំ១៩៨៣)។
ពិធីនេះបានធ្វើឡើងនៅវត្តដូនធី ស្ថិតក្នុងឃុំបុសខ្នុរ ស្រុកចំការលើ ខេត្តកំពង់ចាម ក្រោមវត្តមានឯកឧត្ដម ហ៊ុន ម៉ានិត អគ្គនាយកស្រាវជ្រាវ ចារកិច្ច និងជាមេបញ្ជាការរងកងទ័ពជើងគោក ឯកឧត្ដម H.E. Anatoly Borovik ឯកអគ្គរដ្ឋទូតសហព័ន្ធរុស្ស៊ី ប្រចាំនៅព្រះរាជាណាចក្រកម្ពុជា និងឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ ដោយមានការចូលរួមពីថ្នាក់ដឹកនាំ មន្ត្រីរាជការ អាជ្ញាធរដែនដី ហើយក៏មានការចូលរួមពីសំណាក់លោកតាលោកយាយ និងប្រជាពលរដ្ឋទៀតផង ។
គួររំលឹកថា អតីតអ្នកជំនាញការកសិកម្ម បានធ្វើដំណើរទៅស្ថានីយពិសោធន៍ដំណាំកប្បាស នៅស្រុកចំការលើ ខេត្តកំពង់ចាម ដោយសារស្ថានភាពផ្លូវលំបាកក្រុមការងារបានទៅសម្រាកនៅខេត្តកំពង់ចាមមួយយប់ ដោយមានរថយន្ត៣គ្រឿង ក្នុងនោះ២គ្រឿងជារថយន្ត១២កៅអី និង១គ្រឿងទៀតដឹកប៉ូសិលកងកាពារពីខេត្តចំនួន១២នាក់ផងដែរ។ លុះព្រឹកឡើងថ្ងៃទី២៣ ខែសីហា ឆ្នាំ១៩៨៣ បានចេញដំណើរមកស្ថានីយពិសោធន៍ដំណាំកប្បាស លុះពេលធ្វើដំណើរដល់ភូមិដូនធី និងចន្លោះភូមិមួយទៀតដែលមានលក្ខណៈជាព្រៃរបោះខ្ពស់ៗត្រឹមក្បាល ដែលពួកខ្មែរក្រហមងាយស្រួលពួនស្ទាក់បា.ញ់ ដោយមាន២ក្រុម និងមានកាំភ្លើ.ងគ្រប់ដៃ ម៉ាក AK47 B40 និងអាចមានកាំភ្លើ.ងយន្តបា.ញ់សន្ធាប់មកក្បួនរថយន្តរបស់ក្រុមការងារ ហើយក៏បានធ្វើអោយក្រុមកងការពារបាត់បង់ម្ចាស់ការរត់ដកថយ ដើម្បីរកស្ថានភាពប្រយុទ្ធតបវិញ ប៉ុន្តែយើងត្រូវពួកខ្មែរក្រហមបា.ញ់ បណ្ដាលឱ្យរបួស និងស្លា.ប់ ។
គួររំលឹកបន្តថា ការបា.ត់ប.ង់ជីវិ.តនៅក្នុងព្រឹត្តិការណ៍នោះ រួមមាន ៖ ១- លោក សូ សុខឃាង មន្ត្រីការិយាល័យស្រាវជ្រាវ (ជនជាតិខ្មែរ)។ ២- លោក ទីមេណូវ វ.វ (N.V.Tikmenov) វិស្វករបច្ចេកវិទ្យា។ ៣- លោក លិស្សិនកូ ហ្គេ.អា (G.A. Lysenko) វិស្វករក្សេត្រសាស្ត្រ។ ៤- លោក ហ្គីប៉ូវ អីអី (Yu.I. Gribov) វិស្វករគ្រឿងយន្ត។ ៥- លោក អាយុនដូវ កា.ហ (K.Kh.Akhundov) ក្សេត្រគីមីវិទ្យា។ ៦- លោក ធៀលណូវ អា.ហ្គ (A.G. Chernov) ឯកទេសគ្រឿងយន្ត។ ៧-លោក ហ្វេសសេ វ ទ. (T. Fayziev) ឯកទេសគ្រឿងយន្ត។ ៨- លោក ណាសារ៉ូវ ឆ.អ (N.A.Nazarov) វិស្វករក្សេត្រសាស្ត្រការពារដំណាំ និង៩- លោក សាអាតូវ ស. (S. Saatov) វិស្វករ និងអ្នកបកប្រែ។
បន្ទាប់ពីជ័យជម្នះ៧មករា ឆ្នាំ១៩៧៩ អង្គការចាត់តាំងរបស់ខ្មែក្រហម នៅតែបន្តសកម្មភាពជាក្រុមឧទ្ទាម បន្តសង្គ្រាមបំផ្លិចបំផ្លាញ បង្កអសន្តិសុខក្នុងផ្ទៃប្រទេស។ ហើយកម្ពុជា តែងតែមានការបែកបាក់ទៅជាតំបន់ត្រួតត្រាពីរ ឬបីភាគី ពុំដែលទទួលបាននូវសន្តិភាពពេញលេញនោះឡើយ។
ក្នុងរយៈពេលជាង៥០០ឆ្នាំ ចុងក្រោយនៃប្រវត្តិសាស្ត្ររបស់ខ្លួន មាតុភូមិយើងដែលធ្លាប់តែឆ្លងកាត់នូវភ្លើងសង្គ្រាមការបែកបាក់ និងការប្រល័យពូជសាសន៍ បានរកឃើញមកវិញនូវសន្តិភាពតាមរយៈនយោបាយ ឈ្នះ-ឈ្នះ ដែលមានសម្តេចតេជោ ហ៊ុន សែន ជាស្ថាបនិក
បាននាំមកនៅសន្តិភាពពេញលេញឆ្នាំ១៩៩៨។
ចំណែកសមត្ថកិច្ចមូលដ្ឋានវិញ បានឱ្យដឹងដែរថា ក្រោយពីមរណភាពរបស់ក្រុមអ្នកបច្ចេកទេសអតីតសហភាពសូវៀតចំនួន៨នាក់ ក្នុងនោះមាន២នាក់បានមកចាប់កំណើតលើស្ត្រីខ្មែរម្នាក់នៅក្នុងស្រុកចំការលើ ដែលកើតមកកូនប្រុសទាំងពីរបានរៀបរាប់ពីរឿងរ៉ាវដែលកើតឡើងដោយកម្លាំងខ្មែរក្រហមស្ទាក់បា.ញ់ នៅពេលក្មេងប្រុសទាំងពីរនាក់នោះដឹងក្តី ដែលគេដឹងរឿងរ៉ាវទាំងអស់ ហើយដំណឹងនេះក៏បានលេចឮដល់សាច់ញាតិនៅសហភាពសូវៀត គេក៏បានមកសុំកូនប្រុសទាំង២នាក់នោះយកត្រឡប់ទៅសហភាពសូវៀតវិញ ប៉ុន្តែឪពុកម្ដាយជាខ្មែរសម្បុរស្រអែមមិនព្រមឲ្យនោះទេ។
បន្ទាប់ពីឪពុកម្ដាយចាស់ៗស្លា.ប់ចោលកូនប្រុសទាំង២នាក់នោះហើយ តាមដំណឹងបានទៅរកស៊ីលក់ដូរបន្តិចបន្តួចនៅឯក្រុងប៉ោយប៉ែតជាប់ព្រំដែនខ្មែរ-ថៃ ស្ថិតក្នុងខេត្តបន្ទាយមានជ័យ រហូតមកដល់សព្វថ្ងៃនេះ។
ចែករំលែកព័តមាននេះ